မန္တလေးတိုင်း၊ မိတ္ထီလာခရိုင်၊ ဝမ်းတွင်းမြို့နယ်ရှိ ရန်ကုန်-မန္တလေးလမ်းဟောင်းတွင် အကြမ်းဖက် စစ်ကောင်စီယာဥ်တန်း မိုင်းဆွဲတိုက်ခိုက်ခံရပြီး ထိခိုက်သေဆုံးမှုများနိုင်ကြောင်း ဒေသတွင်းသတင်းရင်းမြစ်များက ပြောသည်။
ယနေ့ (သြဂုတ်၂၆ရက်)နံနက် ၉ နာရီခန့်က ရန်ကုန်-မန္တလေးလမ်းဟောင်း၊ ဝမ်းတွင်းမြို့တောင်ဘက်အထွက် လျှော်ပင်ကျေးရွာအနီးတွင် စစ်ကောင်စီယာဉ်တန်း ပဒေသာမိုင်းဆွဲကာ တိုက် ခိုက်ခံရခြင်းဖြစ်ကြောင်း Voice Of Wundwin က ဖော်ပြသည်။
ဖြစ်စဥ်နှင့်ပတ်သက်၍ WRTF တာဝန်ရှိသူက “မိတ္ထီလာဘက်ကိုသွားတဲ့ ွေးကား။ ဒုံးကျည်လားကျနေတာပဲမြန်တာ။ ကားတွေကအရင်လိုသိပ်မဖြတ်တော့ဘူး။”ဟုPeople’s Spring သို့ပြောသည်။
ဖြစ်စဥ်နှင့်ပတ်သက်၍ Wundwin Township Revolution Force အဖွဲ့က မှန်ကန်ကြောင်း အတည်ပြုပြောကြားပြီး အသေးစိတ်ထပ်မံထုတ်ပြန်ပေးမည်ဟု ဖြေကြားသည်။
Public Service Announcement
မိတ္ထီလာခရိုင်အခြေစိုက် Wundwin Township Revolution Force အဖွဲ့သည် ပြီးခဲ့သည့် သြဂုတ် ၁၃ ရက်ကလည်း ဝမ်းတွင်းမြို့နယ် ဘုရားစုကျေးရွာနှင့်ဒိုင်ကောင်းကုန်းကျေးရွာကြား ရန်-မန်းလမ်းမဟောင်းပေါ်တွင် သံချပ်ကာသင်တန်းဆင်းလာသော အကြမ်းဖက်စစ်သား ၈၀ကျော်ပါ ကားကြီးနှစ်စီးအားပဒေသာမိုင်းခွဲတိုက်ခိုက်ရာ စစ်ကောင်စီတပ်သား လေးဦးထက်မနည်း သေဆုံးခဲ့သေးသည်။
