Connect with us

Hi, what are you looking for?

LuduNwayOo

သတင်း

မြန်မာနိုင်ငံ အောက်ပိုင်းဒေသတွေ ရေကြီးနိုင်တယ်လို့ သတိပေးထား

အမျိုးသားညီညွတ်ရေးအစိုးရ(NUG)ရဲ့ လူသားချင်းစာနာထောက်ထားရေးနဲ့ ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနက ခန့်မှန်းထားတာပါ။

မြန်မာနိုင်ငံ အောက်ပိုင်းဒေသတွေ ရေကြီးနိုင်တယ်လို့ သတိပေးထား
မြန်မာနိုင်ငံ အောက်ပိုင်းဒေသတွေ ရေကြီးနိုင်တယ်လို့ သတိပေးထား

ဘင်္ဂလားပင်လယ်အော်အနောက်တောင်ပိုင်းမှာ လာမယ့်ရက်ပိုင်းတွေအတွင်း လေဖိအားနည်းရပ်ဝန်းတစ်ခု ဖြစ်ပေါ်လာနိုင်ပြီး မြန်မာနိုင်ငံအောက်ပိုင်းဒေသတွေမှာ မြစ်ရေကြီးမှုဘေးအန္တရာယ်ကို သတိပြုရမယ်လို့ သတိပေးထားပါတယ်။

အမျိုးသားညီညွတ်ရေးအစိုးရ(NUG)ရဲ့ လူသားချင်းစာနာထောက်ထားရေးနဲ့ ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနက ခန့်မှန်းထားတာပါ။

အခုတစ်ပတ်ကနေအစပြုကာ မိုးနှောင်းကာလရဲ့ မိုးလေဝသလက္ခဏာတွေ ကြုံတွေ့လာရတော့မှာဖြစ်ပြီး မုတ်သုံလေဟာ မြန်မာနိုင်ငံတောင်ပိုင်းကနေ လာမယ့် အောက်တိုဘာလ(၁၅)ရက်ဝန်းကျင်မှာ ပြန်လည်ဆုတ်ခွာသွားမှာဖြစ်တယ်လို့ ခန့်မှန်ထားပါတယ်။

ဒီတစ်ပတ်ထဲမှာ ဘင်္ဂလားပင်လယ်အော်အနောက်တောင်ပိုင်းမှာ လေပွေလှိုင်းတစ်ခုဟာ လာမယ့် စက်တင်ဘာလ(၃)ရက်မှာ အစပျိုးဖြစ်ပေါ်လာနိုင်ပြီး စက်တင်ဘာ(၅)နဲ့ (၆)ရက်မှာ လေဖိအားနည်းရပ်ဝန်းတစ်ခုအဖြစ် ရောက်ရှိလာနိုင်တယ်လို့ ခန့်မှန်းချက်မှာဖော်ပြထားတာပါ။

Public Service Announcement

Public Service Announcement

အခုတစ်ပတ်ဟာ မိုးနှောင်းကာလ နောက်မိုးခေါ် မုတ်သုံအဆုတ်မိုးပြန်ရရှိနိုင်ပြီး မုန်တိုင်းတွေနဲ့ဒွန်တွဲဖြစ်ပေါ်ပါက မိုးသည်းထန်စေကာ မြန်မာနိုင်ငံအောက်ပိုင်းဒေသတွေမှာ မြစ်ရေတွေမြင့်တက်လာနိုင်တဲ့အတွက် မြစ်ရေကြီးမှုဘေးအန္တရာယ်ကို သတိပြုရမှာဖြစ်တယ်လို့ ဆိုထားပါတယ်။

စစ်ကောင်စီလက်အောက်ခံ မိုးလေဝသဌာနကတော့ စက်တင်ဘာလနဲ့ အောက်တိုဘာလတွေမှာ ဧရာ၀တီမြစ်ရေဟာ ဆိပ်သာ၊ ဟင်္သာတနဲ့ ဇလွန်မြို့တို့မှာ (၁)ကြိမ်စီ၊ ဒုဌ၀တီမြစ်ရေဟာ မြစ်ငယ်မြို့မှာ (၁)ကြိမ်ခန့်၊ စစ်တောင်းမြစ်ရေဟာ တောင်ငူနဲ့ မဒေါက်မြို့မှာ (၁)ကြိမ်စီ၊ ပဲခူးမြစ်ရေဟာ ပဲခူးမြို့မှာ (၁)ကြိမ်ခန့်၊ သံလွင်မြစ်ရေဟာ ဘားအံမြို့မှာ (၁)ကြိမ်ခန့်၊ သောင်ရင်းမြစ်ရေဟာ မြ၀တီမြို့မှာ (၁)ကြိမ်ခန့်၊ ငဝန်မြစ်ရေဟာ ငါးသိုင်းချောင်းမြို့နဲ့ သာပေါင်းမြို့မှာ (၁)ကြိမ်ခန့်စီနဲ့ တိုးမြစ်ရေဟာ မအူပင်မြို့မှာ (၁)ကြိမ်ခန့် အဲ့ဒီမြို့တွေရဲ့ စိုးရိမ်ရေမှတ်အသီးသီးအထက်ကို ကျော်လွန်ရောက်ရှိနိုင်ပြီး မြစ်ရေကြီးနိုင်တယ်လို့ ခန့်မှန်းချက်ထုတ်ပြန်ထားပါတယ်။

ဆက်စပ်သတင်းများ

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

သတင်း

ဇွန်လ ၁၁ရက်တွင်လည်း မန်တုံမြို့ စစ်ကောင်စီတပ်စခန်းဟောင်း၌ မိုင်းပေါက်ကွဲမှုကြောင့် မှိုသွားရှာသည့် စစ်ရှောင်ကလေးငယ်တစ်ဦး ထိခိုက်ဒဏ်ရာရခဲ့သည်ဟု ဆိုသည်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။

သတင်း

တရိပ်ရိပ် တိုးလာတဲ့ ပဋိပက္ခတွေ၊ လုပ်သား ရှားပါးမှု ပြဿနာတွေ၊ ငွေကြေးဖောင်းပွမှုက စီးပွားရေး လုပ်ငန်း အားလုံးလိုလိုကို အကျပ်အတည်းတွေ ကြုံစေတယ်လို့ ကမ္ဘာ့ဘဏ်က ဆိုပါတယ်။