စစ်ကောင်စီနှင့် တိုက်ပွဲတွင် ဒဏ်ရာအပြင်းအထန်ရခဲ့ပြီး ကိုယ်အင်္ဂါအစိတ်အပိုင်း အကောင်းပကတိပြန်မဖြစ်နိုင်တော့သည့် အရာရှိနှစ်ဦးအတွက် လူထု၏ အားပေးကူညီမှုလိုအပ်နေကြောင်း CDF ကန်ပက်လက် တပ်မဟာမှူးက အသိပေးသည်။
ချင်းပြည်သူ့ကာကွယ်ရေးတပ် CDF ကန်ပတ်လက်မှ တပ်ရင်းမှူးနှင့်တပ်ခွဲမှူးသည် သြဂုတ် ၁၆ရက်က တိုက်ပွဲတွင် ဒဏ်ရာအပြင်းအထန်ရခဲ့ခြင်း ဖြစ်သည်။
” အားထားရတဲ့ ကျွန်တော်တို့ရဲ့တပ်ဖွဲ့ဝင်နှစ်ဦးဟာ အခုဆိုရင် နဂိုရ်အတိုင်း ပြန်ဖြစ်ဖို့မလွယ်တော့ဘူး။ သွားသွား လာလာ လုပ်လို့မရတော့ဘူး။ သူတို့အတွက် ပြည်သူတွေရဲ့ အားပေးကူညီမှုတွေ လိုအပ်နေပါတယ်”ဟု CDF ကန်ပတ်လက် တပ်မဟာမှူး ရှိန်းထန်းက ပြောသည်။
ဒဏ်ရာရထားသည့် CDF ကန်ပတ်လက်မှ တပ်ရင်းမှူးနှင့်တပ်ခွဲမှူးသည် တစ်ဦးတွင်ကလေးနှစ်ဦးနှင့် ကျန်တစ်ဦးတွင် ကလေးငါးဦးရှိသည်။
Public Service Announcement
” ဓာတ်ဆီတစ်ဗူး လေးထောင်ကျပ် ဝန်းကျင်ရှိတဲ့စစ်ရေးပြင်းထန်တဲ့ ကျွန်တော်တို့ ချင်းမြေမှာ အခုလိုမျိုးအားကိုးရတဲ့ ရဲဘော်တွေရဲ့နောက်ကွယ်မှာ မိသားစုဝင်တွေဘယ်လောက်ခက်ခဲစွာရုန်းကန်နေကြမလဲဆိုတာထုတ်မပြောတတ်အောင်ပါပဲ။အလယ်အလတ်တန်းစားနဲ့အထက်တန်းစားတွေ ကျွန်တော်တို့အခြေခံလူတန်းစားတွေရဲ့တော်လှန်ရေးကို အာရုံစူးစိုက်ပေးကြဖို့အချိန်ရောက်ပြီထင်တယ်။ မိဘပြည်သူများအနေဖြင့် ဒဏ်ရာရရဲဘော်နှစ်ယောက်အတွက်တတ်နိုင်တဲ့ဖက်က ကူညီပံ့ပိုးပေးကြဖို့အကူအညီတောင်းခံလိုပါတယ်”ဟု တပ်မဟာမှုးက ရှိန်းထန်းက မေတ္တာရပ်ခံသည်။
ကူညီပေးလိုသည့် ပြည်သူလူထူအနေဖြင့် CDF-Kanpetlet ၏ ဖုန်းနံပတ် ၀၉-၄၂၆၁၉၄၃၆၁ နှင့် ၀၉-၇၅၆၁၂၉၂၇၂ သို့ ဆက်သွယ်လှူဒါန်းနိုင်ပါသည်။
သြဂုတ် ၁၆ရက် တိုက်ပွဲတွင် စစ်ကောင်စီဘက်က သုံးဦးသေဆုံးခဲ့သည်။ ယင်းတိုက်ပွဲတွင် ဒဏ်ရာရခဲ့သည့် ၎င်းတို့၏ တပ်ဖွဲ့ဝင်နှစ်ဦး၏ လုံခြုံရေးအတွက် CDF ကန်ပတ်လက်က တိုက်ပွဲသတင်းမထုတ်ပြန်ခဲ့ဘဲ ယခုမှသာ အသိပေးခြင်းဖြစ်သည်။
