ဒေါင်းအလံလွှင့် စစ်ဆင်ရေးအနေဖြင့် မှော်ဘီမြို့မရဲစခန်းကို မိုင်းနှစ်လုံးဖြင့် ဖောက်ခွဲတိုက်ခိုက်ခဲ့ကြောင်း Guardians UG မှတာဝန်ရှိသူတစ်ဦးက People’s Springသို့ ပြောသည်။
ဩဂုတ် ၃၁ရက်ည ၇ နာရီအချိန်ခန့်တွင် မှော်ဘီမြို့မရဲစခန်းကို အဝေးထိန်းဗုံးဖြင့်တိုက်ခိုက်ခဲ့ခြင်းဖြစ်ပြီး အထိအခိုက်များနိုင်ကြောင်း ၎င်းက ဆိုသည်။
“မိုင်းနှစ်လုံးနဲ့ တိုက်ခိုက်ခဲ့တာပါ။အကြမ်းဖျဉ်းတော့ ခွေးတွေထိခိုက်ပြီးသေဆုံးနိုင်တယ်လို့သိရပါတယ်။ အတိအကျတော့မသိသေးဘူး”ဟု ၎င်းက ပြောသည်။
ပေါက်ကွဲမှုဖြစ်ပြီးချိန်၌ အကြမ်းဖက်စစ်ကောင်စီဝင်များ ယင်းနေရာသို့လာရောက်စစ်ဆေးခဲ့ပြီး Guardian UG အဖွဲ့သားများ ဘေးကင်းကြောင်း ၎င်းက ဆိုသည်။
Public Service Announcement
Guardian UG အဖွဲ့သည် မှော်ဘီအခြေစိုက်ပြည်သူ့ကာကွယ်ရေးအဖွဲ့ဖြစ်ပြီး ဒေါင်းအလံလွှင့်စစ်ဆင်ရေးကို ဒုတိယအကြိမ်ပြုလုပ်ခဲ့ခြင်း ဖြစ်သည်။
ဒေါင်းအလံလွှင့်စစ်ဆင်ရေးသည် လွတ်လပ်မှုနှင့်တရားမျှတခြင်းအား ကိုယ်စားပြုကာ ပြည်သူ များနှင့်အတူ ပြတ်သားစွာရပ်တည်သည့် ရည်ရွယ်ချက်ဖြင့် လုပ်ဆောင်ခြင်းဖြစ်ပြီး ပထမဆုံးစစ်ဆင်ရေး အနေဖြင့် ဩဂုတ် ၂၆ ရက်ညက မှော်ဘီ အမှတ် (၄)လမ်းဆုံအနီးရှိလုံခြုံရေးဂိတ်ကို ဖောက်ခွဲတိုက်ခိုက်ခဲ့သည်။
