တိုက်ပွဲအတွင်း စစ်ကောင်စီတပ်ဖွဲ့ထံမှ သေနတ်ရအောင် ယူနိုင်ခဲ့သည့် ပြည်သူ့ကာကွယ်ရေးရဲဘော်တစ်ဦးကို အလှူရှင်တစ်ဦးက ကျပ်ငါးသိန်းပေးပို့ဂုဏ်ပြုကြောင်း တနင်္သာရီစစ်ဒေသခွဲ၊ကွပ်ကဲရေးအဖွဲ့ဝင်တစ်ဦးက ပြောသည်။
“တနင်္သာရီတိုင်းထဲက ပကဖ/PDF ရဲဘော်တွေအနေနဲ့စစ်ခွေးတွေဆီကလက်နက်ရအောင်တိုက်ယူနိုင်ရင် တစ်လက်ကို ငါးသိန်းပေးနိုင်အောင်ကြိုးစားနေပါတယ်။အခုတစ်ယောက်ကို တနင်္သာရီတိုင်းထဲမှာပထမဆုံးပေးတာပါ။အလှူရှင်တစ်ယောက်ရဲ့ အကူအညီနဲ့ပါ” ဟု တနင်္သာရီစစ်ဒေသခွဲ၊ကွပ်ကဲရေးအဖွဲ့ဝင်တစ်ဦးက People’s Springသို့ ပြောသည်။
ငွေကျပ်ငါးသိန်း ဂုဏ်ပြုပေးအပ်ခံရသည့် ရဲဘော်သည် ဘုတ်ပြင်းမြို့တွင် စက်တင်ဘာလ ၁ရက်က စစ်ကောင်စီတပ်မမှုးခရီးစဥ်ယာဥ်တန်းကို မိုင်းဆွဲတိုက်ခိုက်ခဲ့သည့် တိုက်ပွဲ၌ စစ်ကောင်စီတပ်မှ သေနတ်တစ်လက်ကိုသိမ်း
ဆည်းရယူနိုင်ခဲ့သူဖြစ်သည်။ကားသုံးစီးပါယာဥ်တန်းကို မိုင်းဆွဲတိုက်ခိုက်ခဲ့ရာ တစ်စီးမိုင်းထိပျက်ဆီးပြီး စစ်ကောင်စီတပ်ဖွဲ့ဝင်နှစ်ဦးသေဆုံး၊နှစ်ဦးဒဏ်ရာရခဲ့သည်ဟု ဘုတ်ပြင်းမြို့နယ် ပြည်သူ့ကာကွယ်ရေးအဖွဲ့ သတင်းနှင့်ပြန်ကြားရေးဌာနက ထုတ်ပြန်ထားသည်။
Public Service Announcement
ထို့ကြောင့် ရန်သူ့ထံမှလက်နက်ရယူနိုင်ခဲ့သော တနင်္သာရီစစ်ဒေသခွဲတွင် တာဝန်ထမ်းဆောင်နေသည့် PDF တပ်ဖွဲ့ဝင်ကိုစက်တင်ဘာလ ၅ရက်တွင် ကျပ်ငါးသိန်းဂုဏ်ပြုပေးအပ်လိုက်ခြင်းဖြစ်သည်။
