ယောဒေသ၊ ဆောမြို့တွင် မိုးသည်းထန်စွာရွာသွန်းခဲ့ပြီး ပြည်သူ့ကာကွယ်ရေးအဖွဲ့များ၏ ရှေ့တန်းစခန်းများတွင် နေထိုင်စရာအခက်အခဲ ကြုံတွေ့နေရသည်။
“စခန်း(၃)က ရဲဘော်လေးတွေလည်း နေထိုင်ရတာ သိပ်အဆင်မပြေကြဘူး။ ကျွန်တော်တို့အဖွဲ့တွေထက် နေထိုင်ရခက်ခဲတဲ့သူတွေလည်း ရှိကြဦးမှာပါ။ဖြစ်နိုင်ရင်တော့ မိုးကာဖြစ်ဖြစ်၊ မိုးကာ အင်္ကျီဖြစ်ဖြစ်ရချင်တာ”ဟု ယောဒေသအခြေစိုက် The Youth Force – Saw & Kyaukhtu ပြည်သူ့ကာကွယ်ရေးအဖွဲ့၏ တာဝန်ရှိသူတစ်ဦးက ပြောသည်။
ယောဒေသအပါအဝင် အထက်ပိုင်းဒေသမျာတွင် စက်တင်ဘာ ၅ရက်မှစ၍ မိုးအားကောင်းနေခြင်းဖြစ်သည်။ လတ်တလောတွင် မိုးဆက်လက်အားကောင်းနေ၍ နေရာထိုင်ခင်းအတွက် အခက်အခဲကြီးမားစွာ ကြုံတွေ့နေရသည်ဟု The Youth Force – Saw & Kyaukhtu ဆိုသည်။
The Youth Force – Saw & Kyaukhtu သည် အမျိုးသားညီညီရေးအစိုးရ၊ ကာကွယ်ရေးဝန်ကြီးဌာန၏ လက်အောက်ခံတပ်ရင်းဖြစ်ရေး လျှောက်ထားသည့် ပြည်သူ့ကာကွယ်ရေးအဖွဲ့ဖြစ်သည်။ The Youth Force – Saw & Kyaukhtu အား ဆက်သွယ်လှုုဒါန်းလိုပါက အဖွဲ့၏ ဖေ့စ်ဘွတ်ခ်လူမှုကွန်ရက်စာမျက်နှာ https://www.facebook.com/TheYouthForce2022 သို့ ဆက်သွယ်နိုင်ပါသည်။
Public Service Announcement
လတ်တလောရာသီဥတုအခြေအနေအရ ရေကြီးမှုနှင့်မြေပြိုမှုဘေးကို သတိပြုနေထိုင်ကြရန် အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့် ဘေးအန္တရာယ်စီမံခန့်ခွဲရေးဝန်ကြီးဌာနက သတိပေးထားသည်။
ယခုရက်ပိုင်းအတွင်း ဘင်္ဂလားပင်လယ်အော်တွင် လေဖိအားနည်းရပ်ဝန်းတစ်ခုအဖြစ်ပေါ် လာနိုင်ပြီး မုန်တိုင်းငယ်ဖြစ်လာနိုင်ကြောင်း၊ဒေသအများစု၌မိုးများနိုင်၍ မြေပြိုမှုဘေးနှင့်ရေဘေးသတိပြုကြရန် သတိပေးထားသည်။
