ပစ်ခတ်သည့်အဖွဲ့ကို ဒေသခံများ ချီးကျူးနေ
မူဆယ်မြို့ရှိ ကမ္ဘောဇဘဏ်လုံခြုံရေးအစောင့် ပြည်သူ့စစ်အဖွဲ့ကို ကားတစ်စီးဖြင့် လာရောက်တိုက်ခိုက်ရာ ပြည်သူ့စစ်နှစ်ဦးသေဆုံးသွားသည်။
မူဆယ်မြို့ အဝေးပြေးကားဝင်းအတွင်းရှိ ကမ္ဘောဇဘဏ်တွင် လုံခြုံရေးစောင့်နေသည့် ပြည်သူ့စစ်အဖွဲ့ကို လက်နက်ကိုင်ဆောင်ထားသူနှစ်ဦးက ယနေ့ (စက်တင်ဘာ ၁၃ရက်) နေ့လယ် ၁၂နာရီခွဲခန့်တွင် ကားတစ်စီးဖြင့် ပစ်ခတ်ခြင်းဖြစ်သည်။
“ပြည်သူ့စစ်တစ်ယောက်ပွဲချင်းပြီးတယ်။နောက်တစ်ယောက် ဆေးရုံမှာသေတယ်။ အရပ်သားနှစ်ယောက် ဒဏ်ရာရတယ်လည်းကြားပေမယ့် အတည်မပြုနိုင်ဘူး။ စစ်ကောင်စီတပည့် ပြည်သူ့စစ်ကို ပစ်မှတ်ထားဆော်သွားတာ”ဟု ဒေသခံတစ်ဦးက ပြောသည်။
ပြည်သူ့စစ်အဖွဲ့များသည် စစ်ကောင်စီလက်အောက်ခံများဖြစ်ပြီး စစ်ကောင်စီအထိနာအောင် ယခုကဲ့သို့ ပစ်ခတ်သွားသည့်လုပ်ရပ်အတွက် ချီးကျူးကြောင်း မြို့ခံများက ပြောသည်။
Public Service Announcement
သြဂုတ် ၁ရက်ကလည်း စစ်ကောင်စီလက်အောက်ခံပြည်သူ့စစ်အဖွဲ့ဝင်နှစ်ဦး ယနေ့ သေနတ်ဖြင့် ထပ်မံပစ်သတ်ခံခဲ့ရသည်။
