ရဲဘော်တစ်ဦးကျဆုံးခဲ့ရဟု KNDF ထုတ်ပြန်
ရဲဘော်တစ်ဦးကျဆုံးခဲ့ရဟု KNDF ထုတ်ပြန်ကရင်နီ(ကယား)ပြည်နယ် လွိုင်ကော်မြို့အနီး တိုက်ပွဲပြင်းထန်ခဲ့ပြီး အကြမ်းဖက်စစ်ကောင်စီတပ် သား ခြောက်ဦးထက်မနည်းသေဆုံးကာ KNDF တပ်ရင်း (၂)မှ ရဲဘော်တစ်ဦးကျဆုံးခဲ့ကြောင်း ဒေသခံသတင်းရင်းမြစ်များက ပြောသည်။
တင့်ကားများပါဝင်သည့် အကြမ်းဖက်စစ်ကောင် စီတပ်က စစ်ကြောင်းထိုးလာသည်ကို KNDF မှ ခုခံခဲ့ရာ နွားလဝိုး- ပဒါးညေးကျေးရွာများတွင် တိုက်ပွဲ ဖြစ်ပွားခဲ့သည်ဟု ဆိုသည်။
“ဒီနေ့ မနက်ပိုင်းကစဖြစ်တာ ညနေလောက်အထိ ။စခ တွေဘက်က သေတာ မျက်မြင် အတည်ပြုနိုင်တာတင် ခြောက်ယောက်ရှိတယ်။ကျွန် တော်တို့ဘက်ကတော့ ရဲဘော်တစ်ဦး ကျဆုံးခဲ့တယ် “ဟု KNDF တပ်ဖွဲ့ဝင်တစ်ဦးက လူထုနွေဦးသို့ ပြောသည်။
တိုက်ပွဲအတွင်း ပဒါးညေး နှင့် နွားလဝိုးကျေးရွာမှ ဒေသခံ ပြည်သူအမျိုးသားတစ်ဦးနှင့် ကလေး ငယ်တစ်ဦး ထိခိုက်ဒဏ်ရာရရှိပြီး အမျိုးသမီး တစ်ဦးသေဆုံးခဲ့ရကြောင်း ကရင်နီဒေသတွင်း သတင်းရင်းမြစ် JFK က အသိပေးသည်။
Public Service Announcement
ထို့အပြင် ယနေ့ ညနေပိုင်းတွင် အကြမ်းဖက်စစ် ကောင်စီက လွိုင်ကော်မြို့ပြင်ရှိ စက်မှုဇုန်ကို မီးရှို့ခဲ့သည်။
အကြမ်းဖက်စစ်ကောင်စီတပ်က ကရင်နီ ပြည် နယ်ရှိ စစ်ရေးအရ အရေးပါသော မိုးဗြဲ၊ ဒီးမော့ဆို၊လွိုင်ကော်နှင့် ဖရူဆို မြို့နယ်များသို့ ယခင်လ ကစ၍ စစ်ကြောင်းများဖြင့် အကြိမ်ကြိမ် ထိုးစစ် ဆင်လာခဲ့သည်။
ထိုစစ်ကြောင်းများကို ကရင်နီတပ်ပေါင်းစုက ခုခံနေပြီး မကြာသေးမီက မိုးဗြဲ မြို့တိုက်ပွဲ တွင် အကြမ်းဖက်စစ်ကောင်စီက အထိနာခဲ့ရသည်။
