စစ်ကိုင်းတိုင်း အင်းတော်မြို့နယ် နန်းမကျိုင်းရွာတိုက်ပွဲတွင် စစ်ကောင်စီဘက်မှ အနည်းဆုံး ရှစ်ဦး သေဆုံးပြီး အလောင်းများကိုဖြစ်သလိုမြှုပ်နှံသွားသည်ဟု Indaw Revolution က ယနေ့(စက်တင်ဘာ ၂၀ ရက်) ထုတ်ပြန်သည်။
တိုက်ပွဲဖြစ်စဥ်များအရ နန်းမကျိုင်းရွာ ချောင်းဖျားတွင် အင်အား ၇၀ကျော်ခန့်ပါသော စစ်ကောင်စီတပ် ကို ကချင်လွတ်မြောက်ရေးတပ်မတော် (KIA)၊ PDFနှင့် ကျောင်းသားတပ်တို့က ယခုလ ၁၈ရက်နှင့် ၁၉ ရက်တို့တွင် နှစ်ကြိမ်တိုင်တိုက်ခိုက်ခဲ့သည်ဟု ဆိုသည်။
တိုက်ပွဲအတွင်း စစ်ကောင်စီဘက်မှ အနည်းဆုံး ရှစ်ဦးခန့် သေဆုံးခဲ့ပြီး အများအပြားထိခိုက်ဒဏ် ရာရရှိခဲ့ကြောင်း အသိပေးသည်။ ပူးပေါင်းတပ်ဖွဲ့ဘက်မှလည်း PDFရဲဘော်တစ်ဦးကျဆုံးခဲ့ရသည်။
“ဒီနေ့ နယ်မြေရှင်းရင်းနဲ့ စခ အလောင်းတွေတွေ့တာ။အဝတ်စတွေ စောင်တွေနဲ့ပတ်ပြီး ဖြစ်သလိုပဲ အလောင်းတွေထပ်ပြီးမြုပ်ထားတာ။
Public Service Announcement
တိုက်ပွဲနေရာရဲ့ ရွာ တောင်ပေါ်ဘက်ပေါ့”ဟု Indaw Revolution တာဝန်ရှိသူက လူထုနွေဦးသို့ ပြောသည်။
လက်ရှိတွင် အထိနာခဲ့သည့် စစ်ကောင်စီတပ် သည် အင်းတော်မြို့သို့ ပြန်လည်ဆုတ်ခွာသွား ပြီဖြစ်ကြောင်းလည်း ၎င်းက အသိပေးသည်။
