Connect with us

Hi, what are you looking for?

သတင်း

လက်ယက်ကုန်းရွာစာသင်ကျောင်း တိုက်ခိုက်သည့် စစ်ကောင်စီ၏လုပ်ရပ် KIA တာဝန်ရှိသူ ရှုတ်ချ

ယင်းဖြစ်ရပ်နှင့်ပတ်သက်၍ ဗိုလ်မှူးကြီးနော်ဘူက “ဒါရှုံ့ချတယ် ။ မလုပ်သင့်ဘူး ။လုံး၀ မလုပ်သင့်တဲ့ ကိစ္စဖြစ်ပါတယ်”ဟု ယနေ့(စက်တင်ဘာ ၂၂ရက်) ပြောကြားသည်။

(စစ်ကောင်စီတပ် လေကြောင်းကပစ်ခတ်၍ ထိခိုက်ပျက်ဆီးခဲ့သော စာသင်ကျောင်းအတွင်း ကျန်ခဲ့သည့် ကလေးငယ်၏ ကျောပိုးအိတ်တစ်လုံးအားတွေ့ရစဥ်၊ ဓာတ်ပုံ - ဒီပဲယင်း စစ်ဘေးရှောင်ထောက်ပံ့ရေးကော်မတီ)
(စစ်ကောင်စီတပ် လေကြောင်းကပစ်ခတ်၍ ထိခိုက်ပျက်ဆီးခဲ့သော စာသင်ကျောင်းအတွင်း ကျန်ခဲ့သည့် ကလေးငယ်၏ ကျောပိုးအိတ်တစ်လုံးအားတွေ့ရစဥ်၊ ဓာတ်ပုံ - ဒီပဲယင်း စစ်ဘေးရှောင်ထောက်ပံ့ရေးကော်မတီ)

စစ်ကောင်စီတပ်၏ ကျူးလွန်မှုကို KIAအားအပြစ်ပုံချနေဟု ပြော

စစ်ကိုင်းတိုင်း ဒီပဲယင်းမြို့နယ် လက်ယက်ကုန်းရွာ စာသင်ကျောင်းကို စစ်ကောင်စီတပ်က လေကြောင်းမှ ပစ်ခတ်တိုက်ခိုက်ခဲ့သည့် လုပ်ရပ်အပေါ်ရှုတ်ချကြောင်း ကချင်လွတ်လပ်ရေး တပ်မတော်(KIA) သတင်းပြန်ကြားရေးဌာန တာဝန်ခံ ဗိုလ်မှုးကြီးနော်ဘူက ပြောသည်။

စက်တင်ဘာ ၁၆ရက်က ဒီပဲယင်းမြို့နယ် လက်ယက်ကုန်းရွာကို စစ်ကောင်စီတပ်က စစ်ရဟတ် ယာဉ်များဖြင့် ပစ်ခတ်တိုက်ခိုက်ခဲ့ရာ စာသင်နေသည့် ကလေးငယ်များအပါအဝင် ကလေးငယ် ခုနစ်ဦး ထက်မနည်းနှင့် ဒေသခံပြည်သူ ‌ခြောက်ဦးသေဆုံးကာ အများအပြား ဒဏ်ရာရရှိခဲ့သည်။

ယင်းဖြစ်ရပ်နှင့်ပတ်သက်၍ ဗိုလ်မှူးကြီးနော်ဘူက “ဒါရှုံ့ချတယ် ။ မလုပ်သင့်ဘူး ။လုံး၀ မလုပ်သင့်တဲ့ ကိစ္စဖြစ်ပါတယ်”ဟု ယနေ့(စက်တင်ဘာ ၂၂ရက်) ပြောကြားသည်။

စစ်ကောင်စီတပ်ကမူ လက်ယက်ကုန်းရွာ၌ KIAနှင့် PDFများ ရှိသည်ဟု သတင်းပေးလာ၍ ဝင်ရောက်ရှင်းလင်းခြင်းဖြစ်ကြောင်း KIA/PDFတို့အား စွပ်စွဲပြောဆိုခဲ့သည်။

Public Service Announcement

Public Service Announcement

“အဲဒါက အလကားပါ။ ဒီကောင်တွေ(စစ်ကောင်စီတပ်)ပါ။ ကျွန်တော်တို့ KIA/KIOနဲ့ ဘာမှမဆိုင်ဘူး။ အဲဒီဘက်က ကျွန်တော်တို့ လှုပ်ရှားမှုလည်းမရှိပါဘူး။ ကျွန်တော်တို့ နယ်မြေလည်း မဟုတ်ပါဘူး။ ကျွန်တော်တို့ ပတ်သက်မှုဘာမှမရှိပါဘူး”ဟု ဗိုလ်မှူးကြီး နော်ဘူက ပြောသည်။

စစ်ကောင်စီတပ်အနေဖြင့် KIAကို အပြစ်ပုံချရန် ပြောဆိုခြင်းဖြစ်သည်ဟု ၎င်းက ဆိုသည်။

“ကျွန်တော်တို့ကို တိုက်ခိုက်ချင်လို့ ပြောတာပဲဖြစ်မှာပါ”ဟု ဗိုလ်မှူးကြီးနော်ဘူက ပြောသည်။

ဒီပဲယင်းဒေသခံကမူ တိုက်ပွဲဖြစ်ပွားမှုမရှိဘဲ စစ်ကောင်စီတပ်က လက်ယက်ကုန်းရွာကို ပစ်မှတ်ထား တိုက်ခိုက်လာခြင်းဖြစ်ကြောင်း၊ ယခုကဲ့သို့ အကြမ်းဖက်တိုက်ခိုက်မှုများကို စစ်ကောင်စီတပ်က ဒီပဲယင်းနယ်တွင် အကြိမ်ကြိမ်ပြုလုပ်ခဲ့ခြင်းဖြစ်၍ စစ်ကောင်စီတပ်၏ အကြမ်းဖက်လုပ်ရပ်များအပေါ် သီးခြားမှတ်ချက်မပေးလိုတော့ကြောင်း ပြောကြားသည်။

ဆက်စပ်သတင်းများ

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

သတင်း

စစ်ကိုင်းတိုင်း၊ တန့်ဆည်မြို့နယ်က စာသင်ကျောင်းကို စစ်တပ်က ဂျက်ဖိုက်တာ ၂စီးနဲ့ ဗုံးကြဲတိုက်ခိုက်ခဲ့တယ်လို့ ဒေသခံသတင်းရင်းမြစ်တချို့က ပြောပါတယ်။

သတင်း

ကချင်ပြည်နယ်၊ ဗန်းမော်မြို့မှာ တိုက်ပွဲတွေ ဆက်လက်ဖြစ်ပွားနေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနရဲ့ နိုဝင်ဘာ ၇ရက် သတင်းဖော်ပြချက်မှာ အသိပေးထားပါတယ်။

သတင်း

ကချင်ပြည်နယ်၊ ဗန်းမော်မြို့နယ် စစ်တပ်ရဲ့ အမှတ်(၂၁) စစ်ဆင်ရေးကွပ်ကဲမှုဌာနချုပ်-စကခ(၂၁)ရဲ့ အနောက်ဘက်ခြမ်းမှာရှိတဲ့ မိုးစိန်းကျွန်းကို သိမ်းပိုက်နိုင်ဖို့ ကချင်လွတ်လပ်ရေးတပ်မတော်(KIA) ပူးပေါင်းတပ်က ထိုးစစ်ဆင်တိုက်ခိုက်နေကြောင်း KIA သတင်းပြန်ကြားရေးဌာနရဲ့ အောက်တိုဘာ ၂၈ရက် သတင်းဖော်ပြပါတယ်။