Connect with us

Hi, what are you looking for?

LuduNwayOo

သတင်း

ဖိအားပေးခံရ၍ Non-CDM ပြန်လုပ်ပေးခဲ့သည့် ကျောင်းဆရာတစ်ဦးကို စစ်ကောင်စီ ဖမ်းဆီးသတ်ဖြတ်

“Non CDMဟုတ်တယ်။ ဒါပေမဲ့သူကအကြပ် ကိုင်ခံရလို့။ ပြည်သူ့ဘက်ပါတဲ့ဆရာကြီးပါ။ အတော်လေးကောင်းပါတယ်။”ဟု Voice Of Wundwin အဖွဲ့ဝင်တစ်ဦးက ပြောသည်။

(စစ်ကြောရေး၌ သေဆုံးခဲ့သည့် ဆရာကြီး ဦးကျော်နိုင်ဝင်း၊ ဓာတ်ပုံ-Voice of Wundwin)
(စစ်ကြောရေး၌ သေဆုံးခဲ့သည့် ဆရာကြီး ဦးကျော်နိုင်ဝင်း၊ ဓာတ်ပုံ-Voice of Wundwin)

မန္တလေးတိုင်း၊ မိတ္ထီလာခရိုင်၊ ဝမ်းတွင်းမြို့နယ်တွင် စစ်ကောင်စီတပ်က ဖိအားပေးခဲ့၍ Non-CDM ပြန်လုပ်ခဲ့သူ ကျောင်းဆရာကြီးတစ်ဦးအား စစ်ကောင်စီတပ်က ဖမ်းဆီးသွားပြီးနောက် စစ်ကြောရေး၌ သေဆုံးခဲ့ရကြောင်း ဒေသခံများက ပြောသည်။

စက်တင်ဘာ ၂၃ ရက် ညနေပိုင်းက ဝမ်းတွင်းမြို့နယ်၊ အမှတ်(၁)ညောင်ပင်ရွာနေ အသက်(၅၀) ကျော် ကျောင်းဆရာကြီး ဦးကျော်နိုင်ဝင်းအား စစ်ကောင်စီတပ်က ဖမ်းဆီးသွားခဲ့ကြောင်း၊ ဖမ်းဆီးသွားပြီး လေးရက်အကြာ စက်တင်ဘာ၂၇ ရက်တွင် စစ်ကြောရေး၌ ကျ​ဆုံးသွားကြောင်း Voice Of Wundwin အဖွဲ့က ပြောသည်။

စက်တင်ဘာ ၂၇ ရက်တွင် ဇနီးဖြစ်သူက ရဲစခန်းအား သွားရောက်မေးမြန်းရာ “မနက်ဖြန်ကိုလွှတ် ပေးမယ်။ ဒါပေမဲ့စိတ်ခိုင်ခိုင်ထား”လို့ပြန်ပြောခဲ့သည်ဟု ဆိုသည်။

ယမန်နေ့ (စက်တင်ဘာ၂၈ ရက်) နံနက်ပိုင်းတွင် ဆရာဦးကျော်နိုင်ဝင်း၏အရိုးပြာ လာယူရန် ဆရာကြီးဇနီးဒေါ်မိမိလေးထံ ဖုန်းဆက်ခဲ့ရာ ဘာကြောင့်သေတာလဲဟု ပြန်မေးခဲ့သည်။

ရဲစခန်းဘက်က “အသက်မရှူတော့လို့ မီးရှို့ပစ်လိုက်တာ”ဟု ပြန်လည်ဖြေကြားသည်ဟု ဆိုသည်။ ဝမ်းတွင်းမြိူ့ရှိ စစ်ကောင်စီတပ်၊ ရဲနှင့် သွေးသောက်အဖွဲ့များ၏ စီစဥ်ခိုင်းစေမှုကြောင့် သေဆုံးခဲ့ရခြင်းဖြစ်ကြောင်း ဒေသခံများက ပြောသည်။

သေဆုံးသူဆရာနှင့် ၎င်း၏ဇနီးသည်တို့သည် နှစ်ဦးလုံး ကျောင်းဆရာ၊ ဆရာမများဖြစ်ပြီး

CDM ပြုလုပ်ခဲ့ကြသော်လည်း ဖိအားပေးမှုများကြောင့် NON CDM ပြန်လုပ်ခဲ့ရသည်ဟု ဒေသခံများက ပြောသည်။

“Non CDMဟုတ်တယ်။ ဒါပေမဲ့သူကအကြပ် ကိုင်ခံရလို့။ ပြည်သူ့ဘက်ပါတဲ့ဆရာကြီးပါ။ အတော်လေးကောင်းပါတယ်။”ဟု Voice Of Wundwin အဖွဲ့ဝင်တစ်ဦးက ပြောသည်။

ဝမ်းတွင်းမြို့နယ်သည် မန္တလေးတိုင်း၊ တောင်ခြမ်းတွင် စစ်ကောင်စီတပ်အား မကြာခဏ ခုခံတော်လှန်တိုက်ခိုက်နေသည့်ဒေသတစ်ခုဖြစ်ပြီး ပြည်သူများလည်း မကြာခဏဖမ်းဆီးခံနေရသည်။

(စစ်ကြောရေး၌ သေဆုံးခဲ့သည့် ဆရာကြီး ဦးကျော်နိုင်ဝင်း၊ ဓာတ်ပုံ-Voice of Wundwin)

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။