ပြည်ည်ပထောက်ပံ့ငွေလုံးဝမရသေးဘဲ ပြည်သူ များ၏ စေတနာ၊ မေတ္တာနှင့် ပံ့ပိုးငွေများနှင့်သာ တော်လှန်ရေးကို မောင်းနှင်နေရခြင်းဖြစ်၍ အလေအလွင့်မရှိစေရန်၊ ကိုယ်ကျိုးအသုံးမပြုရန် အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှိးလက ပြောကြားသည်။
ယမန်နေ့ (စက်တင်ဘာ ၂၈ရက်)က ကျင်းပသည့် အမျိုးသားညီညွတ်ရေးအစိုးရ၏ (၇)ကြိမ်မြောက် ဘဏ္ဍရေးကော်မရှင် အစည်းအဝေး၌ အထက်ပါအတိုင်း ပြောဆိုခဲ့ခြင်းဖြစ်သည်။
အစိုးရ၏ ကြီးမားလှသည့် ဘဏ္ဍာငွေအသုံးစရိတ်များကို ပြည်သူလူထု၏ ချွေးနည်းစာစေတနာဖြင့် မတည်လည်ပတ်နေခြင်းဖြစ်သည့် အားလျော်စွာ စနစ်ကျရန်၊ ဦးစားပေး ကဏ္ဍများ၌ သုံးစွဲတတ်ရန်၊ အလေအလွင့်မရှိစေရန်၊ ကိုယ်ကျိုးအတွက် အသုံးမပြုမိစေရန် အလွန်အရေးကြီးသည်ဟု ယာယီသမ္မတက ပြောကြားသည်။
“နိုင်ငံတော်ဘဏ္ဍာက မိမိတို့အစိုးရအတွက် အလွန်အရေးကြီးတယ်။ အစိုးရယန္တရားတစ်ခုလုံး လည်ပတ်ရန် ဘဏ္ဍာငွေဟာ အင်မတန်အရေးကြီးတဲ့ မဏ္ဌိုင်ဖြစ်ပါတယ်။ အထူးသဖြင့် တိုက်ပွဲဝင် အစိုးရဖြစ်တဲ့ အားလျော်စွာ PDF ရဲဘော်များကို စုစည်းလေ့ကျင့်ပေးခြင်း၊ လက်နက်တပ်ဆင်ပေးခြင်း၊ စားနပ်ရိက္ခာဆေးဝါးများ ပံ့ပိုးပေးခြင်း၊ စစ်ဆင်ရေးစရိတ်များ ပံ့ပိုးပေးခြင်း၊ တိုင်းရင်းသားလက်နက်ကိုင် မဟာမိတ်အချို့အား မျှဝေပေးခြင်း စတဲ့ ကဏ္ဍများမှာ လစ်ဟင်းမှုမရှိစေရန် အချိန်နဲ့ တပြေးညီဆောင်ရွက်ရပါတယ်”ဟု ယာယီသမ္မတက ပြောသည်။
Public Service Announcement
