မန္တလေးတိုင်း၊ မြင်းခြံမြို့နယ် ပျော်ဘွယ်စံပြကျေးရွာတွင် စစ်ကောင်စီခန့်အုပ်ချုပ်ရေးမှူးအား လုံခြုံရေးယူပေးနေသည့် စစ်ကောင်စီတပ်များ မရှိချိန်တွင် နွားထိုးကြီး PDFက ဝင်ရောက်ပစ်ခတ်တိုက်ခိုက်ရာ အုပ်ချုပ်ရေးမှူး ထွက်ပြေးခဲ့ရပြီး လက်နက် (၇)လက် သိမ်းဆည်းနိုင်ခဲ့ကြောင်း ဒေသတွင်းသတင်းရင်းမြစ်များက ပြောသည်။
ယနေ့ စက်တင်ဘာ၂၉ရက် မွန်းလွဲ ၁ နာရီခန့် မြင်းခြံမြို့နယ်၊ ပျော်ဘွယ်စံပြရွာ စစ်ကောင်စီခန့် အုပ်ချုပ်ရေးမှူးအိမ်၌ တပ်စွဲထားသော စစ်ကောင်စီတပ်များမရှိချိန်တွင် နွားထိုးကြီး PDFက ဝင်ရောက်တိုက်ခိုက်ခဲ့ရာ စစ်ကောင်စီ
ခန့်အုပ်ချုပ်ရေးမှူး ထွက်ပြေးသွားခဲ့ကြောင်း မြင်းခြံ လူထုလှုပ်ရှားမှုကော်မတီက အသိပေးသည်။
သို့သော် သေနတ် (၇)လက် သိမ်းဆည်းနိုင်ခဲ့ကြောင်း နွားထိုးကြီး PDFက အသိပေးသည်။
ဖြစ်စဥ်နှင့်ပတ်သက်၍ နွားထိုးကြီး PDFအား ဆက်သွယ်မေးမြန်းရန်ကြိုးစားသော်လည်း ဆက်သွယ်၍ မရသေးပေ။
ပျော်ဘွယ်စံပြရွာရှိ စစ်ကောင်စီခန့်အုပ်ချုပ်ရေးမှူးအိမ်မှာ ဒုတိယအကြိမ်မြောက် တိုက်ခိုက်ခံရခြင်းဖြစ်ပြီး ပထမအကြိမ်ကလည်း စစ်ဗိုလ်တစ်ဦးသေဆုံးခဲ့ပြီးသေနတ် ရရှိခဲ့သေးသည်။