'/%3E%3C/svg%3E){kind=small}
တနင်္သာရီမြို့နယ်၊ ညောင်ပင်ကွင်းကျေးရွာအုပ်စု၊ ထုံမခါကျေးရွာနှင့် သဘော့လိပ်ကျေးရွာကြား ဘုရားတောင်အနီးတွင် စစ်ကောင်စီတပ်နှင့် ထိတွေ့တိုက်ပွဲဖြစ်ပွားခဲ့ကြောင်း နဂါးစစ်သည်မဟာမိတ်တပ်ပေါင်းစုက ပြောသည်။
ယနေ့(အောက်တိုဘာ ၁၂)နံနက် ၉ နာရီ ၄၅မိနစ်ခန့်က သဘော့လိပ်ကျေးရွာမှ ပြန်ထွက်ခွာလာသော စစ်ကောင်စီတပ်စစ်ကြောင်းကို နဂါးစစ်သည်မဟာမိတ်တပ်ပေါင်းစုက ကြားဖြတ်တိုက်ခိုက်ခဲ့ကြတာဖြစ်ပြီး စစ်ကောင်စီဘက်မှ သုံးဦးထက်မနည်း သေဆုံးကြောင်း နဂါးစစ်သည်မဟာမိတ်တပ်ပေါင်းစုက ပြောသည်။
အပြန်လှန်ပစ်ခတ်သည့် တိုက်ပွဲဖြစ်ပွားချိန် မိနစ် ၂၀ခန့်ကြာမြင့်ပြီး နဂါးစစ်သည်မဟာမိတ်တပ်ပေါင်းစုမှ တော်လှန်ရေးရဲဘော်များ အထိခိုက်မရှိ အောင်မြင်စွာဆုတ်ခွာနိုင်ခဲ့ကြောင်း တပ်ပေါင်းစုမှ တော်လှန်ရေးရဲဘော်တစ်ဦးက ပြောသည်။
“နဂါးစစ်သည် မိဟာမိတ်တပ်ပေါင်းစုမှ ကြားဖြတ်တိုက် ခိုက်ခဲ့တာပါ”ဟု အထက်ပါ ရဲဘော်က ဆိုသည်။
Public Service Announcement
အဆိုပါတိုက်ခိုက်မှုအပြီးတွင် စစ်ကောင်စီတပ်များ သဘော့လိပ်အနီးဝန်းကျင်တွင်ဆက်ရှိနေခဲ့ရာ ယနေ့ညနေပိုင်းအထိ အခြေအနေပြန်လည် တက်းမာနေခဲ့ပြီး စောင့်ကြည့်နေရကြောင်း နဂါးစည်သည်မဟာမိတ်တပ်ပေါင်းစုထံမှ သိရသည်။
