ဝက်လက်လေကြောင်းတိုက်ခိုက်မှုအတွင်း ကျဆုံးခဲ့သည့် SBFAတပ်စိတ်မှူး၏ ရက်လည်ဆွမ်းကပ်အလှူ

ဝက်လက်မြို့တွင် လေကြောင်းတိုက်ခိုက်ခံရမှုအတွင်း ကျဆုံးခဲ့သည့် Shwebo Federal Army-SBFAအဖွဲ့မှ တပ်စိတ်မှူး ဗိုလ်ကြီးတောက်တို၏ ရက်လည်​ဆွမ်းကပ်ပွဲ ပြုလုပ်ခဲ့သည်။

အောက်တိုဘာ ၈ ရက် မွန်းလွဲ ၁၂ နာရီ ၄၅ မိနစ်ခန့်က ဝက်လက်မြို့နယ် ငါးပတ်ချောင်း ကျေးရွာသို့ စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ ဂျက်ဖိုက်တာ နှစ်စီး ရဟက်ယာဥ်လေးစီးဖြင့် ပစ်ခတ်တိုက်ခိုက်ခဲ့သော‌ကြောင့် တပ်စိတ်မှူး ဗိုလ်ကြီးတောက်တို ကျဆုံးခဲ့ရကြောင်း SBFA အဖွဲ့ ပြန်ကြားရေးတာဝန်ခံက ပြောသည်။

ဗိုလ်ကြီးတောက်တိုအတွက် ရက်လည်ဆွမ်းကပ်ပေးခဲ့ပြီး SBFAရဲဘော်များက ကျဆုံးသူ ဗိုလ်ကြီးတောက်တို၏ အရိုးပြာအိုး ကိုင်ဆောင်ကာ တော်လှန်ရေးပြီးဆုံးသည်အထိ အသက်ကိုပဓာဏမထားဘဲ နောက်မဆုတ်တမ်း ထမ်းဆောင်ပါမည်ဟု သစ္စာဓိဌာန်ပြုခဲ့ကြကြောင်း Shwebo Federal Army-SBFAက အသိပေးသည်။

ဝက်လက်လေကြောင်း တိုက်ခိုက်ခံရမှုဖြစ်စဥ်တွင် ပြည်သူ့ရဲဘော် ရှစ်ဦးထက်မနည်း ကျဆုံးခဲ့ပြီး ပြည်သူအချိူ့လည်း ထိခိုက်သေဆုံးမှုရှိခဲ့သည်။

Public Service Announcement