တပ်မ(၆၆)လက်အောက်ခံ ခလရ -၁၄မှ ဒုတပ်ရင်းမှူးကို လက်အောက်ခံတပ်သားက ပစ်သတ်မှု ဖြစ်ပွားခဲ့ကြောင်း CDM ပြုလုပ်လာသည့် တပ်သားနှစ်ဦးက ပြောသည်။
အဆိုပါ CDM တပ်သားနှစ်ဦးမှာ ခလရ- ၁၄ တပ်မှ ဖြစ်ပြီး အောက်တိုဘာ ၁၇ ရက်တွင် ဖယ်ခုံမြို့ နယ်ပြည်သူ့ကာကွယ်ရေးတပ် ၊ တပ်ရင်း(၂)သို့ CDM ပြုလုပ်ရောက်ရှိလာစဉ် ပြောကြားခြင်းခဲ့ခြင်းဖြစ်သည်။
၎င်းတို့နှစ်ဦလုံးသည် သင်တန်းဆင်းပြီး လုပ်သက်တစ်လကျော်သာရှိသေးသော တပ်သား သစ်များဖြစ်ပြီး ဖယ်ခုံပြည်သူ့ကာကွယ်ရေးတပ် တပ်ရင်း(၂) က ကောင်းမွန်စွာ စောင့်ရှောက်ထားကြောင်း အသိပေးသည်။
ဒုတပ်ရင်းမှူးပစ်သတ်ခံရသည့်ဖြစ်စဥ်မှာ လွိုင် ကော်ခရိုင်၊ပီကင်းကောခူကျေးရွာတွင် လွန်ခဲ့ သော ၁၅ ရက်ခန့်က ဖြစ်ပွားခဲ့ခြင်းဟု ဆိုသည်။
Public Service Announcement
“ခလရ-၁၄ တပ်မှ ဒုတပ်ရင်းမှူးကို တပ်သားတစ်ဦးက ပစ်သတ်ပြီး ပစ်ခတ်ခဲ့သည့် တပ်သားလည်း ကိုယ့်ကိုယ်ကိုသေနတ်ဖြင့် ပစ်အဆုံးစီရင် သွားသောကြောင့် ဒုတပ်ရင်းမှူး၏အလောင်းကို မိုးဗြဲ (၄၂၂)တပ် သရက်တောကင်းမှ ပြည်သူ့စစ် နှင့် စစ်ကောင်စီတပ်တို့က တဆင့်လာသယ်ပေးပြီး နေပြည်တော်သို့သယ်ယူသွားကြောင်း”ဟု ဖယ်ခုံမြို့နယ် ပြည်သူ့ကာကွယ်ရေးတပ်၊တပ်ရင်း (၂)က ဖော်ပြသည်။
တပ်တွင်း၌ အုပ်ချုပ်မှုလျော့နည်းမှုကြောင့် ဖြစ်ပြီး ထွက် ပြေးနေသူများပြားကြောင်း၊ ၎င်းတို့နှစ်ဦး မပြေး မီ နာရီပိုင်းအတွင်းပင် တပ်သားတစ်ဦးအရင်ပြေးခဲ့ကြောင်း CDM တပ်သားနှစ်ဦးက ထွက်ဆိုသည်။
ထို့ကြောင့် စစ်ကောင်စီတပ်သားများအနေဖြင့် လက်နက်နှင့်အတူ CDM လုပ်လာသူများကိုလိုအပ်သည့် အကူအညီများပေးသွားမည်ဖြစ်ပြီး အနည်းဆုံး သိန်း၅၀ ပေးမည်ဖြစ်ကြောင်း ဖယ်ခုံမြို့နယ်ပြည်သူ့ ကာကွယ်ရေးတပ်၊တပ်ရင်း (၂)က ပြောသည်။
ထို့အပြင် ယခုလ ၁၆ ရက် နံနက် ၃ နာရီခန့်ကဖယ်ခုံ -မိုးဗြဲ -လွိုင်ကော် လမ်းမကြီးပေါ်တွင် ဖယ်ခုံမြို့နယ်ပြည်သူ့ ကာကွယ်ရေးတပ်၊တပ် ရင်း (၂)၊ ကရင်နီအမျိုးသားများကာကွယ်ရေး တပ် ၊တပ်ရင်း (၃)ပူးပေါင်းအဖွဲ့က စစ်ကြောင်း ထိုးလာသောစစ်ကောင်စီတပ်ကို ကြားဖြတ်တိုက် ခိုက်နိုင်ခဲ့ပြီး စစ်ကောင်စီတပ်သား လေးဦးသေ ဆုံးပြီး MA 1 သေနတ်တစ်လက် နှင့်လက်နက်ခဲယမ်းအချို့သိမ်းဆည်းရရှိခဲ့ကြောင်း ထုတ်ပြန်ချက်၌ သီးခြားဖော်ပြသည်။
