မန္တလေးမြို့အထွက် မြစ်ငယ်ထုံးဘို မင်္ဂလာတံတားအနီးမှာ စစ်ကောင်စီတပ်သုံးတရုတ်ထုတ် FAWကားကိုပဒေသာမိုင်းနဲ့ တိုက်ခိုက်လိုက်တယ်လို့ မန္တလေးမြို့ပြပြောက်ကျားအဖွဲ့ Generation Z Power – GZP ( Mandalay) ကထုတ်ပြန်ပါတယ်။
ထုံးဘို မင်္ဂလာတံတား အနီးမှာ မနေ့က အောက်တိုဘာလ ၂၃ ရက် မနက် ၁၀နာရီက စစ်ကောင်စီ တပ်သား ၁၅ ဦးခန့်လိုက်ပါလာတဲ့ Faw ကားကို ပဒေသာမိုင်း ၂ လုံးဖြင့် တိုက်ခိုက်ခဲ့တာလို့ဆိုထားပါတယ်။
အဲဒီတိုက်ခိုက်မှုမှာ စစ်ကောင်စီတပ်သား ၄ ဦးသေဆုံးခဲ့တယ် မန္တလေးမြို့ပြပြောက်ကျားအဖွဲ့ က သူတို့ရဲ့ထုတ်ပြန်ချက်မှာ ထည့်သွင်းထားပေမယ့် စစ်ကောင်စီဘက်ကတော့ တစုံတရာ တုံ့ပြန်ထုတ်တာမတွေ့ရသေးပါဘူး။
“ထုံးဘိုနားမှာ အသံတော်တော်ကျယ်တယ်ကြားလိုက်တာ” လို့ မြစ်ငယ်မှာနေထိုင်သူတစ်ဦးက မနေ့က မနက်ပိုင်း ပေါက်ကွဲမှုဖြစ်စဉ်နဲ့ပတ်သက်ပြီးပြောပါတယ်။
Public Service Announcement
အဲဒီတိုက်ခိုက်မှုကို Generation Z Power -GZP ( Mandalay) နဲ့ ပုသိမ်ကြီးမြို့နယ်ပြည်သူ့ကာကွယ်ရေးတပ်ဖွဲ့(ပကဖ) တို့ ပူးပေါင်း ဆောင်ရွက်ခဲ့တာလို့သိရပါတယ်။
