ပခုက္ကူ – မြိုင်လမ်းပိုင်း ဖြတ်သန်းခွင့်ယာယီပိတ်

မကွေးတိုင်း၊ ပခုက္ကူခရိုင်၊ မြိုင်မြို့နယ်အရှေ့ပိုင်းတွင် စစ်ကောင်စီတပ်က စစ်ကြောင်းထိုးနေ၍ စစ်ရေးအခြေအနေအရ ပခုက္ကူ – မြိုင်လမ်းမကြီးအား ဖြတ်သန်းခွင့်ယာယီပိတ်ထားလိုက်ကြောင်း ကျေးလက်ဒေသပြောက်ကျားတပ်ဖွဲ့ – မြိုင်က သတင်းထုတ်ပြန်သည်။

စစ်ကောင်စီစစ်ကြောင်းထိုးနေ၍ ပခုက္ကူ – မြိုင်လမ်းမကြီးအား ယနေ့(အောက်တိုဘာလ ၂၅ ရက်)မှစ၍ ယာယီပိတ်ထားလိုက်ပြီး လုံးဝဖြတ်သန်းခွင့်မပြုကြောင်း၊ လမ်းပြန်ဖွင့်မည့်သတင်းမထုတ်ပြန်မခြင်း ဖြတ်သန်းသွားလာခြင်းမပြုကြရန် ကျေးလက်ဒေသပြောက်ကျားတပ်ဖွဲ့ – မြိုင်က သတိပေးသည်။

စစ်ကောင်စီတပ်ဖွဲ့သည် ဝက်ကျကျေးရွာအနောက်ဘက် ပခုက္ကူ-မြိုင် လမ်းမကြီးပေါ်တွင် ယာယီဂိတ်ဖွင့်၍ စစ်ဆေးနေကြောင်း၊ မလိုက်နာဘဲ ဖြတ်သန်းခဲ့၍ တစ်စုံတစ်ရာဖြစ်ပါက တာဝန်ယူဖြေရှင်းပေးမည် မဟုတ်ကြောင်း ကျေးလက်ဒေသပြောက်ကျားတပ်ဖွဲ့ – မြိုင်က ထပ်မံ သတိပေးသည်။

ယမန်နေ့ကလည်း ရေစကြိုမြို့နယ်၊ အောင်မိုးလမ်းခွဲနှင့် မြိုင်မြို့နယ် လင်းကတောလမ်းဆုံလမ်းပိုင်းကို ယာယီပိတ်ထားခဲ့သေးသည်။

Public Service Announcement