Connect with us

Hi, what are you looking for?

LuduNwayOo

သတင်း

စစ်အာဏာရှင်ကိုဆန့်ကျင်ခဲ့သည့် မြဝတီမင်းကြီးကျောင်းတိုက်ဆရာတော် ပျံလွန်တော်မူခြင်းအပေါ် NLD ဝမ်းနည်းကြောင်း သဝဏ်လွှာပို့

ခေတ်အဆက်ဆက် စစ်အာဏာရှင်တို့၏ ကိုယ်ကျိုးရှာ ဖိနှိပ်အနိုင်ကျင့်မှုများကို နစ်နာခဲ့ရသူ ပြည်သူတို့ရှေ့မှ မားမားမတ်မတ် ရပ်တည်ကာကွယ်ပေးခဲ့သောကြောင့် ဆရာတော်ကို စစ်ကောင်စီတပ်က ၆လကြာ ဖမ်းဆီးအကျဉ်းချထားခဲ့သည်။

စစ်အာဏာရှင်ကိုဆန့်ကျင်ခဲ့သည့် မြ၀တီမင်းကြီးကျောင်းတိုက်ဆရာတော် ပျံလွန်တော်မူခြင်းအပေါ် NLD ဝမ်းနည်းကြောင်း သဝဏ်လွှာပို့
စစ်အာဏာရှင်ကိုဆန့်ကျင်ခဲ့သည့် မြ၀တီမင်းကြီးကျောင်းတိုက်ဆရာတော် ပျံလွန်တော်မူခြင်းအပေါ် NLD ဝမ်းနည်းကြောင်း သဝဏ်လွှာပို့

မန္တလေးမြို့ မြဝတီမင်းကြီးကျောင်းတိုက်ဆရာတော် ဘဒ္ဒန္တအရိယာဘိဝံသသည် ထိုင်းနိုင်ငံ မဲဆောက်မြို့၌ အောက်တိုဘာ ၂၇ရက်က ဘဝနတ်ထံ ပျံလွန်တော်မူသွားကြောင်း ကြားသိရသည့်အတွက် များစွာစိတ်နှလုံးကြေကွဲ ယူကြုံးမရဖြစ်ရကြောင်း အမျိုးသားဒီမိုကရေစီအဖွဲ့ချုပ်(NLD) ဗဟိုအလုပ်ကော်မတီက ဝမ်းနည်းကြောင်း သဝဏ်လွှာပေးပို့သည်။

ဆရာတော်သည် စစ်အာဏာရှင်ဆန့်ကျင်ရေး၌ ပြည်သူ့နှင့်အတူ ရပ်တည်ပါဝင်ခဲ့၍ ထိုင်းနိုင်ငံသို့ တိမ်းရှောင်နေစဉ် နှလုံးသွေးကြောပိတ်ဝေဒနာဖြင့် ပျံလွန်တော်မူခဲ့ခြင်းဖြစ်သည်။

ဆရာတော်သည် သက်တော်ထင်ရှား ရှိစဉ်ကာလတစ်လျှောက်လုံး ဘာသာ၊ သာသနာတိုးတက်ပြန့်ပွားရေးအတွက် ကြိုးပမ်းခဲ့သည့်နည်းတူ၊ ပြည်သူလူထု တစ်ရပ်လုံးကိုလည်း ဓမ္မ၊ အဓမ္မ ခွဲခြားသိမြင်စေလျှက် အဓမ္မကို တွန်းလှန်ကာ ဓမ္မနှင့်အညီသာ ကျင့်ကြံနေထိုင်စေရေးအတွက် လမ်းညွှန်မှုပြု၍ ကိုယ်တိုင်လည်း ဓမ္မနှင့်အညီသာ ရပ်တည်ပြခဲ့ပါသော၊ လောကီ၊ လောကုတ္တရာ နှစ်ဖြာအတွက် စံနမူနာပြု သာသနာ့အာဇာနည် တစ်ပါးအဖြစ် မိမိတို့အနေဖြင့်အသိအမှတ်ပြုကြောင်း NLD၏ သဝဏ်လွှာ၌ ပါရှိသည်။

ခေတ်အဆက်ဆက် စစ်အာဏာရှင်တို့၏ ကိုယ်ကျိုးရှာ ဖိနှိပ်အနိုင်ကျင့်မှုများကို နစ်နာခဲ့ရသူ ပြည်သူတို့ရှေ့မှ မားမားမတ်မတ် ရပ်တည်ကာကွယ်ပေးခဲ့သောကြောင့် ဆရာတော်ကို စစ်ကောင်စီတပ်က ၆လကြာ ဖမ်းဆီးအကျဉ်းချထားခဲ့သည်။

ပြန်လည်လွတ်မြောက်ချိန်တွင် စစ်အာဏာရှင်စနစ်ကို ဖြုတ်ချနိုင်ရေး ကြိုးပမ်းမှုများတွင် ပြည်သူလူထုနှင့် တစ်သားတည်း တစ်စိုက်မတ်မတ် ရပ်တည်တော်မူခဲ့ကြောင်း၊ ထိုသို့ သဒ္ဓါ၊သီလ၊သုတ၊စာဂ၊ပညာ၊ဟီရိ၊သြတပ္ပတို့နှင့်ပြည့်စုံသည့် ဓမ္မဘက်တော်သားဆရာတော်ကြီး ဘဝနတ်ထံပျံလွန်တော်မူခြင်းသည် စစ်မှန်သောသာသနာတော်ကြီး တည်တံ့ခိုင်မြဲရေးအတွက်သာမက၊ မိမိတို့နွေဦးတော်လှန်ရေးနှင့် ပြည်သူလူထုတစ်ရပ်လုံးအတွက်ပါကြီးမားသည့် ဆုံးရှုံးမှု့ဖြစ်ပါကြောင်း NLDက ဆိုသည်။

ဆရာတော်၏ ဈာပနကို မဲဆောက်မြို့နယ်တစ်နေရာ၌ ယနေ့(အောက်တိုဘာ ၃၁ရက်)မွန်းလွဲ ၃နာရီတွင် ကျင်းပသွားမည်ဖြစ်သည်။

You May Also Like

သတင်း

အခြားရဲဘော်နိုင်ကျဥ်းတစ်ဦးကမူ ထောင်ထဲ အမိုးအ ကာအောက်နေရပြီး ကိုယ့်ရဲဘော်များက မိုးထဲလေထဲတွင် အသက်နှင့်ရင်းပြီး တိုက်ပွဲဝင်နေကြသည်ကို တွေးမိပြီး စိတ်မကောင်းဖြစ်ရသည့်အပြင် အကြွေးတင်သလိုခံစားရကြောင်း ရင်ဖွင့်သည်။

သတင်း

မင်းအောင်လှိုင်ဦးဆောင်သော အကြမ်းဖက်စစ်အုပ်စုက ပြည်သူ့ဆန္ဒအမှန်ဖြစ်သော ရွေးကောက်ပွဲ ရလဒ်ကို လက်မခံဘဲ ပြည်သူ့အာဏာကို လက်နက်အားကိုးဖြင့် အနိုင်ကျင့်လုယူရန်ကြိုးစားမှုအား ပြည်သူလူထုတစ်ရပ် လုံးက ခေါင်းငုံ့မခံဘဲ ဆန့်ကျင်တော်လှန်ခဲ့ကြသည့် ပြည်သူ့နွေဦးတော်လှန်ရေးသည် ယနေ့ တွင် (၂)နှစ်ပြည့်ခဲ့ပြီဖြစ်သည်။

သတင်း

NLD ၏လူ့အခွင့်အရေးချိုးဖေါက်မှုမှတ်တမ်းများ ကောက်ယူရေးအဖွဲ့က ၂၀၂၃ ဇန်နဝါရီ ၅ရက်အထိ ရရှိထားသည့် မှတ်တမ်းများကို ယနေ့ ထုတ်ပြန်ခဲ့ခြင်းဖြစ်သည်။

သတင်း

တည်ဆဲဥပဒေများကိုချိုးဖောက်ပြီး နိုင်ငံတော်ပုန်ကန်မှုကို ကျူးလွန်ထားသောစစ်ကောင်စီ၏ ဆောင်ရွက်မှုမှန်သမျှသည် တရားဝင်မှုမရှိကြောင်း NLD က ဆိုသည်။