မကွေးတိုင်း၊ မြိုင်မြို့အဝင်ရှိသော စစ်အုပ်စုကို ယနေ့ညပိုင်းက အလစ်ဝင်ရောက်တိုက်ခိုက်ရာ ထိခိုက်သေဆုံးမှုများရှိကြောင်း မြိုင်(ပကဖ)အဖွဲ့ တာဝန်ခံက ပြောသည်။
ယနေ့ (နိုဝင်ဘာ၃ ရက်) ည ၈ နာရီ မိနစ်၂ဝခန့်က မြိုင်(ပကဖ)တပ်ရင်း(၁) တပ်ခွဲ-၃ရဲဘော်များသည် မြိုင်မြို့အနောက်ဘက်၌ စစ်သား၊ ရဲနှင့် ပျူစောထီး ခြောက်ဦးရှိနေသော စခန်းတစ်ခုအား ၅မိနစ်ခန့်အကြာ အလစ်အငိုက်ပစ်ခတ်တိုက်ခိုက်ခဲ့ရာ စစ်ကောင်စီဘက်က ထိခိုက်မှုများရှိကြောင်း မြိုင် (ပကဖ)အဖွဲ့ဝင် တာဝန်ခံတစ်ဦးက ပြောသည်။
စစ်ကောင်စီဘက်က လက်နက်ကြီး၊လက်နက်ငယ် များဖြင့် ပြန်လည်တုံ့ပြန်ပစ်ခတ်သော်လည်း ပကဖရဲဘော်များ ထိခိုက်မှုမရှိ ပြန်လည်ဆုတ်ခွာခဲ့သည်ဟု မြိုင်(ပကဖ)တာဝန်ခံက ဆိုသည်။
“ကျွန်တော်တို့ ပကဖတွေနဲ့ပွဲဖြစ်တဲ့နေရာ မြိုင်မြို့အဝင်နားလေးမှာ ဖြစ်တာပါ။ ွေးတွေကင်းဝပ်တဲ့နေရာမျိုးပါ။ မြို့နဲ့နီးတယ်။”ဟု မြိုင် (ပကဖ)အဖွဲ့ဝင်တစ်ဦးက ပြောသည်။
ယခုဖြစ်စဉ်သည် နိုဝင်ဘာ၁ ရက်က ကျဆုံးသွားသော ရဲဘော်များအတွက် လက်စားချေတုံ့ပြန်ခြင်းဖြစ်ကြောင်း မြိုင်(ပကဖ)က အသိပေးသည်။
ပြီးခဲ့သည့် နိုဝင်ဘာ၁ ရက်က မြိုင်နယ်နှင့်ပေါက် နယ်စပ်တွင် စစ်ကောင်စီတပ်နှင့် ကျေးရွာကာကွယ်ရေးရဲဘော်များ ထိပ်တိုက်တိုးပြီး ပြည်သူ့ရဲဘော်၅ဦး ပစ်ခတ်သတ်ဖြတ်ခံခဲ့ရသည်။