Connect with us

Hi, what are you looking for?

LuduNwayOo

သတင်း

ပညာရေးမြို့တော်ဖော်ဆောင်နေသည့် KIO နယ်မြေ မိုင်ဂျာယာန်သို့ စစ်ကောင်စီလက်နက်ကြီးဖြင့် ပစ်ခတ်

မိုင်ဂျာယာန်မြို့သည် ယခင်က လောင်းကစားမြို့တော်ဖြစ်သော်လည်း လောင်းကစားလုပ်ငန်းများ ရပ်ဆိုင်းသွားသည်မှာ နှစ်ပေါင်းများစွာကြာမြင့် ပြီဖြစ်သည်။

(ပညာရေးမြို့တော်ဖြစ်သော မိုင်ဂျာယာန်မြို့ မြင်ကွင်းများ)
(ပညာရေးမြို့တော်ဖြစ်သော မိုင်ဂျာယာန်မြို့ မြင်ကွင်းများ)

ကချင်လွတ်လပ်ရေးအဖွဲ့/ကချင်လွတ်လပ်ရေးတပ်မတော်(KIO/KIA) ထိန်းချုပ်နယ်မြေ မိုင်ဂျာယာန် မြို့သို့ စစ်ကောင်စီတပ်က ယနေ့ လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း ကချင်ဒေသခံတစ်ဦးက ပြောသည်။

နိုဝင်ဘာ ၆ရက် နေ့လယ်ပိုင်းက တိုက်ပွဲဖြစ်ပွားမှုမရှိဘဲ အကြောင်းမဲ့ ပစ်ခတ်တိုက်ခိုက်ခဲ့ခြင်းဖြစ်သည်ဟု ဆိုသည်။

(ပညာရေးမြို့တော်ဖြစ်သော မိုင်ဂျာယာန်မြို့ မြင်ကွင်းများ)
(ပညာရေးမြို့တော်ဖြစ်သော မိုင်ဂျာယာန်မြို့ မြင်ကွင်းများ)

“ဘယ်လိုကြောင့် ပစ်တာလဲတော့ မပြောတက် ဘူး။ အဲဒီ မိုင်ဂျာယန်ဘက်မှာ လက်နက်ကြီးသုံးကြိမ် ပစ်တယ်ဆိုတာ ကြားသိရတယ်။ ထိခိုက်ဒဏ်ရာရတယ် ဘာညာတော့ ဘာမှ မကြားရဘူး”ဟု ကချင်ဒေသခံက ပြောသည်။

အဆိုပါ ပစ်ခတ်မှုကို မိုင်ဂျာယာန်နှင့်ဆက်စပ်နေသည့် လွယ်ဂျယ်အခြေစိုက် စစ်ကောင်စီတပ်က ပစ်ခတ်ခြင်းဖြစ်နိုင်ကြောင်း ၎င်းက ဆိုသည်။

Public Service Announcement

Public Service Announcement

Public Service Announcement
Public Service Announcement

ယမန်နေ့ နိုဝင်ဘာ ၅ရက်ညပိုင်းက ဗန်းမော်မြို့ရှိ စစ်ကောင်စီလေတပ်နှင့် မြစ်ကြီးနားရှိ သံချပ်ကာတပ်တို့ကို KIAက လက်နက်ကြီးဖြင့် ပစ်ခတ်တိုက်ခိုက်မှု ဖြစ်ပေါ်ခဲ့ပြီးနောက် စစ်ကောင်စီတပ်က KIA ထိန်းချုပ်နယ်မြေရှိ မိုင်ဂျာယာန်မြို့ကို ပစ်မှတ် ထား တိုက်ခိုက်လာခြင်းဖြစ်သည်။

မိုင်ဂျာယာန်မြို့သည် ယခင်က လောင်းကစားမြို့တော်ဖြစ်သော်လည်း လောင်းကစားလုပ်ငန်းများ ရပ်ဆိုင်းသွားသည်မှာ နှစ်ပေါင်းများစွာကြာမြင့် ပြီဖြစ်သည်။

(ပညာရေးမြို့တော်ဖြစ်သော မိုင်ဂျာယာန်မြို့ မြင်ကွင်းများ)
(ပညာရေးမြို့တော်ဖြစ်သော မိုင်ဂျာယာန်မြို့ မြင်ကွင်းများ)

“အရင်တုန်းက ကစားဝိုင်းဘာညာရှိတယ်။ အခုက ကစားဝိုင်းမရှိတော့ဘူး။ ကစားဝိုင်းလုပ်တဲ့နေရာအားလုံးက ကျောင်းလုပ်လိုက်ပြီ။ ပညာရေးမြို့တော်လုပ်လိုက်ပြီဆိုတော့ ကျောင်းသားကျောင်းသူပဲရှိတယ် အဲဒီမှာ”ဟု ကချင်ဒေသခံက ပြောသည်။

မြန်မာ- တရုတ်နယ်စပ်မြို့ မိုင်ဂျာယာန်တွင် မိုင် ဂျာယာန်ကောလိပ်နှင့် ဖက်ဒရယ်ဥပဒေ အကယ်ဒမီ၊ Institute of Education Mai Ja Yang ၊ Institute of Liberal Arts and Sciences အပါအဝင် ပညာရေးနှင့်ပတ်သက်သည့် ကျောင်းများဖွင့်လှစ်ထားသည် မိုင်ဂျာယာန်မြို့ကို ပညာရေးမြို့တော်ဖြစ်လာစေရေး ကြိုးစားသွားရန် KIO ဗဟိုကော်မတီဝင် ဗိုလ်ချုပ်ဂွန်မော်က ပြောကြားထားသည်။

(ပညာရေးမြို့တော်ဖြစ်သော မိုင်ဂျာယာန်မြို့ မြင်ကွင်းများ)
(ပညာရေးမြို့တော်ဖြစ်သော မိုင်ဂျာယာန်မြို့ မြင်ကွင်းများ)

KIAနှင့် စစ်ကောင်စီတပ်တို့သည် လတ်တလောတွင် ကချင်ပြည်နယ် မိုးမောက်မြို့နယ်နှင့် ဖားကန့်မြို့နယ်တို့၌ တိုက်ပွဲများ လက်နက်ကြီးဖြင့် အပြန်အလှန် ပစ်ခတ်မှုများ၊ ထိတွေ့တိုက်ပွဲများ မကြာခဏ ဖြစ်ပေါ်လျက်ရှိသည်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။