Connect with us

Hi, what are you looking for?

LuduNwayOo

သတင်း

သိမ်ဖြူလမ်းပေါ်ရှိ ငွေလဲဆိုင် ဓားပြတိုက်ခံရ၊ ကျပ်သိန်း သုံးရာကျော်ပါသွား

အခင်းဖြစ်သည့်နေရာသည့် စစ်ကောင်စီဝင်များလာရောက်စစ်ဆေးခဲ့ပြီး ကျန်ခဲ့သည့် သေနတ်ကိုလည်း သိမ်းသွားကြောင်း အထက်ပါမန်နေဂျာကပြောသည်။

သိမ်ဖြူလမ်းပေါ်ရှိ ငွေလဲဆိုင် ဓားပြတိုက်ခံရ၊ ကျပ်သိန်း သုံးရာကျော်ပါသွား
သိမ်ဖြူလမ်းပေါ်ရှိ ငွေလဲဆိုင် ဓားပြတိုက်ခံရ၊ ကျပ်သိန်း သုံးရာကျော်ပါသွား

ရန်ကုန်မြို့ မင်္ဂလာတောင်ညွှန့်မြို့နယ် သိမ်ဖြူလမ်းမပေါ်ရှိ ‘Ye Min Aung’ငွေလဲဆိုင်ကို ယနေ့ညနေက အနုကြမ်းစီးခံရမှုဖြစ်ပွားရာ ကျပ်သိန်းသုံးရာနှင့် အမေရိကန် ဒေါ်လာသုံးရာပါသွားကြောင်း ယင်းဆိုင်မန်နေဂျာက ပြောသည်။

“ညနေ ၄ နာရီ ၁၀မိနစ်လောက်က ။ သူတို့ကပါလာတာ ငါးယောက် ။ ကားထဲမှာ တစ်ယောက်နေခဲ့တယ်။ အပြင်မှာက Checking လုပ်နေတာတစ် ယောက်။ သုံးယောက်က ဆိုင်ထဲကိုဝင်လာတာ။ ဝင်လာပြီး သေနတ်မောင်းတင်ပြီး ရှိတာတွေ အကုန်ထုတ်ခိုင်းတာ။သူတို့က မှန်ကောင်တာကို ရိုက်ခွဲပြီး အထဲထဲကိုဝင်တာ” ဟု ၎င်းက ပြောသည်။

သိမ်ဖြူလမ်းပေါ်ရှိ ငွေလဲဆိုင် ဓားပြတိုက်ခံရ၊ ကျပ်သိန်း သုံးရာကျော်ပါသွား
သိမ်ဖြူလမ်းပေါ်ရှိ ငွေလဲဆိုင် ဓားပြတိုက်ခံရ၊ ကျပ်သိန်း သုံးရာကျော်ပါသွား

စနေနေ့ဖြစ်သောကြောင့်ဆိုင်တွင် အမျိုးသားဝန် ထမ်းများ နားရက်ယူသည့်ရက်ဖြစ်သလို ကားဒရိုင်ဘာကလည်း ကားသွားပြင်နေသောကြောင့် အမျိုးသမီး နှစ်ဦးသာရှိသည်ဟု ၎င်းက ဆိုသည်။

“ဝန်ထမ်းတွေကို ခေါင်းငုံ့ခိုင်းတယ်။ အဲဒီ့မှာ ဝန်ထမ်းလေးက သူ့လက်မောင်းနဲ့ Alarm ကိုထိလိုက်တာ။ Alarm မြည်တော့ ထွက်ပြေးကြတာ။သေနတ်ကျန်ခဲ့တယ်။ဖိနပ်လည်းကျန်ခဲ့တယ် ” ဟု ၎င်းက ပြောသည်။

ဖြစ်စဉ်မှာ ၁၀မိနစ်ခန့်သာကြာမြင့်ပြီး အနုကြမ်းစီးသူများ စီးလာသည့်ကားသည် ဖြစ်စဉ်မဖြစ်မီ မိနစ်နှစ်ဆယ်ခန့်ကတည်းက ဆိုင်ရှေ့၌ ကားရပ် ကာစောင့်ကြည့်နေခဲ့ခြင်းဖြစ်ကြောင်း ၎င်းက ဆိုသည်။

“ဒီနားက လမ်းမတန်းကြီး ။ အချိန်တိုင်း လုံခြုံရေးရှိတယ်။ ထိပ်မှာလည်း ရဲတွေ စစ်သားတွေရှိတယ်။ လမ်း ငါးဂွဆုံဆိုတော့ မော်တော်ပီကယ်ကင်းမှာလည်း တစ်ယောက်ရှိတယ်။ အဲဒီ့ကတစ်ယောက်က ရဲဒင်းယူပြီး ခုတ်ဖို့လာတယ်။ အဲဒီ့မှာပါလာတဲ့တစ်ယောက်က သေနတ်ချိန်လိုက်လို့ ဆက်မလုပ်ဘဲ နောက်ဆုတ်သွားတာ” ဟု ၎င်းကပြောသည်။

အခင်းဖြစ်သည့်နေရာသည့် စစ်ကောင်စီဝင်များလာရောက်စစ်ဆေးခဲ့ပြီး ကျန်ခဲ့သည့် သေနတ်ကိုလည်း သိမ်းသွားကြောင်း အထက်ပါမန်နေဂျာကပြောသည်။

You May Also Like

သတင်း

စစ်အုပ်စုဟာ ဒီနေ့ နေ့လယ်ပိုင်းမှာ ရန်ကုန်မြို့တော်ခန်းမရှေ့မှာ လူ ၃၀၀ ခန့်နဲ့ စစ်တပ်ထောက်ခံပွဲလုပ်ဖို့ရှိပြီး မြို့လယ်ခေါင်အနီးပတ်ဝန်းကျင် မှာ ချီတက်ကြဖို့လည်းရှိနေပါတယ်။

သတင်း

မုံရွာမြို့တွင် အာဏာသိမ်းပြီးနောက်ပိုင်း ဓားပြတိုက်လုယက်မှုများဖြစ်ပွားခဲ့ပြီး ယမန်နှစ်လယ်ပိုင်းမှစတင်ကာ ပိုမိုဖြစ်ပွားလာခဲ့ကာ မြို့ပေါ်ရွှေဆိုင်များအထိ ဓားပြမှုအတင့်ရဲလာခဲ့သည်။

သတင်း

စမ်းချောင်းမြို့နယ် မြေနီကုန်းအနီး စစ်ကောင်စီဝင်များ အစစ်အဆေးကြမ်းနေကြောင်းသိရသဖြင့် ပြည်သူများအနေဖြင့် အကြမ်းဖက်စစ်ကောင်စီဝင်များနှင့် အဝေးဆုံးမှ ရှောင်ရှားသွားလာကြရန်လည်း တော်လှန်ရေးအင်အားစုမှ လူငယ်တစ်ဦးက လူမှုကွန်ရက်မှတဆင့် အသိပေးဖော်ပြခဲ့သည်။

သတင်း

အမျိုးသားညီညွတ်ရေးအစိုးရ၏ PVTV သတင်းဌာနနှင့် တွေ့ဆုံမေးမြန်းဆွေးနွေးခန်း၌ ဦးမင်းကိုနိုင်က ထိုသို့ ပြောဆိုခဲ့ခြင်းဖြစ်သည်။