တနင်္သာရီမြို့နယ်အတွင်း အကြမ်းဖက်စစ်ကောင်စီတပ်အား တစ်ရက်တည်း နှစ်ကြိမ်တိုက်ခိုက်ခဲ့ရာ စစ်ကောင်စီတပ်မှ ၉ဦးသေဆုံးကာ တော်လှန်ရေးရဲဘော်တစ်ဦး ဒဏ်ရာရခဲ့ကြောင်း မြိတ်ခရိုင် PDF တပ်ရင်း (၂)က ယနေ့(နိုဝင်ဘာ ၁၅)ထုတ်ပြန်သည်။
ယမန်နေ့နံနက် ၆ နာရီခန့်က တနင်္သာရီမြို့နယ် မော်တုန်းကျေးရွာအနောက်ဘက်ရှိ ခမရ (၅၅၇)နှင့် (၅၅၈)တို့ကို မြိတ်ခရိုင် တပ်ရင်း (၂)၊ တပ်ခွဲ (၂)နှင့် တနင်္သာရီပြောက်ကျားအဖွဲ့၊ တနင်္သာရီ ရိုးမအဖွဲ့တို့ပူးပေါင်းကာ သွားရောက် တိုက်ခိုက်ခဲ့ရာ စစ်ကောင်စီတပ်သား ခြောက်ဦးသေဆုံး၍ ခြောက်ဦးထိခိုက်ဒဏ်ရာရသွားသည်ဟု ဆိုသည်။
ယင်းတိုက်ပွဲမှာ နံနက် ၆ နာရီခန့်မှ စတင်တိုက်ခိုက်ခဲ့ရာ နံနက် ၉ နာရီခန့်တွင် တိုက်ပွဲပြီးဆုံးခဲ့ပြီး တော်လှန်ရေးပူးပေါင်းတပ်များဘက်မှ ရဲဘော်တစ်ဦးရှပ်ထိဒဏ်ရာရခဲ့သော်လည်း ကျန်ရဲဘော်များ အထိ အခိုက်မရှိခဲ့ကြောင်း ဖော်ပြသည်။
အလားတူ ယမန်နေ့ နံနက် ၈ နာရီခန့်က တနင်္သာရီနယ် ဗောဓိကုန်းတံတားအနီးရှိ အမတ (၃၀၆)နှင့် ခမရ (၅၅၇)တို့ကို မြိတ်ခရိုင် တပ်ရင်း (၂)၊ တပ်ခွဲ (၁)နှင့် မဟာမိတ်များက သွားရောက်တိုက်ခိုက်ခဲ့ရာ စစ်ကောင်စီတပ်သား သုံးဦးသေဆုံးခဲ့သည် ဟု ဆိုသည်။
Public Service Announcement
အဆိုပါတိုက်ပွဲမှ နံနက် ၈ နာရီမှစတင်တိုက်ခိုက်ခဲ့ရာ ၁၇နာရီတွင်မှ တိုက်ပွဲပြီးဆုံးပြီး တော်လှန်ရေးရဲဘော် များ အထိအခိုက်မရှိခဲ့ကြောင်း ထုတ်ပြန်ထားသည်။
တိုက်ပွဲအခြေအနေများအား ယမန်နေ့ကမထုတ် ပြန်ဘဲ ယနေ့မှ ထုတ်ပြန်ခြင်းမှာ အခြေအနေမတည်ငြိမ်သေး ၍ဖြစ်ကြောင်း အသိပေးထားပြီး အသေးစိပ်အခြေအနေများအား သိရှိနိုင်ရန် မြိတ်ခရိုင် တပ်ရင်း (၂)ထံ People’s Spring က ဆက်သွယ်ထားသော်လည်း အဆက်အသွယ်မရသေးပေ။
