အမျိုးသားနေ့မှာ စစ်ကောင်စီက အကျဉ်းသား ၆,၀၀၀ နီးပါးလွှတ်ပေးရာမှာ နိုင်ငံရေးအကျဉ်းသား ၄၀၂ ဦးပါဝင်လာတယ်လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP)က ထုတ်ပြန်ပါတယ်။
လွှတ်ပေးတဲ့အကျဉ်းသူ၊အကျဉ်းသားတွေထဲ အကျဉ်းထောင် ၁၉ ခုကနေ နိုင်ငံရေးအကျဉ်းသား ၄၀၂ ဦးလွတ်လာတာကိုအတည်ပြုနိုင်တယ်လို့ AAPP ကဆိုထားပါတယ်။
ဒါပေမယ့် အဲဒီ ၄၀၂ ဦးထဲက အမည်နဲ့ စာရင်းပြုစုနိုင်တာ ဒီနေ့ ( နိုဝင်ဘာလ ၂၁) ညနေ ၃ နာရီအထိ ၁၆၁ ဦး သာ ရှိသေးတယ်လို့ AAPP ရဲ့ထုတ်ပြန်ချက်အရသိရပါတယ်။
စစ်ကောင်စီဟာ လွှတ်ပေးတဲ့ နိုင်ငံရေးအကျဉ်းသား အမည်စာရင်းကိုအနည်းငယ်စာထုတ်ပြန်ပြီးအများစုကို ပွင့်လင်းမြင်သာမှုရှိရှိ ထုတ်ပြန်တာမရှိဘူးလို့လည်း AAPP ကထောက်ပြထားပါတယ်။
မတရားဖမ်းဆီးထားသူတွေအများအပြားရှိနေပြီး နိုင်ငံရေးအကျဉ်းသားအနည်းငယ် ပြန်လွှတ်ရုံနဲ့ စစ်ကောင်စီ ပြောင်းလဲလာပြီလို့ တွက်ဆရင် အမှားကြီးမှားလိမ့်မယ်လို့ NUG နိုင်ငံခြားရေးဝန်ကြီးက နိုင်ငံတကာကို သတိပေးထားပါတယ်။