Connect with us

Hi, what are you looking for?

LuduNwayOo

သတင်း

တမူးမှ ကလေးမြို့သို့ထွက်ခွာလာသည့် စစ်ကောင်စီ လက်နက်သယ်ယာဥ်တန်းကို ကလေး PDF မိုင်းဆွဲတိုက်ခိုက်

မိုင်းဖောက်ခွဲတိုက်ခိုက်မှုအတွင်း စစ်ကောင်စီယာဥ်တန်းနှင့် စစ်ကောင်စီတပ်ဖွဲ့ဝင် အများအပြား ထိခိုက်သေဆုံးမှုရှိနိုင်ပြီး အတည်ပြုနိုင်ခြင်း မရှိသေးဟု PDFက ဆိုသည်။

ဓာတ်ပုံ - ကလေး PDF
ဓာတ်ပုံ - ကလေး PDF

စစ်ကိုင်းတိုင်း၊ တမူးမြို့မှ ကလေးမြို့သို့ထွက်ခွာလာသော လက်နက်များတင်ဆောင်လာသည့် စစ်ကောင်စီယာဥ်တန်းကို ယနေ့မွန်းလွဲပိုင်းက မိုင်းခွဲတိုက်ခိုက်ရာ စစ်ကောင်စီတပ်ဖွဲ့ဝင်အများအပြား ထိခိုက်သေဆုံးမှုရှိနိုင်ကြောင်း ကလေး PDFက သတင်းထုတ်ပြန် သည်။

အိန္ဒိယနိုင်ငံက လွှဲပြောင်းပေးထားသော လက်နက် များအား သယ်ဆောင်လာသည့် စစ်ကောင်စီယာဥ်တန်းသည် နိုဝင်ဘာ၁၄ ရက်မှစ၍ တမူးမြို့မှ ကလေးမြို့သို့ ထွက်ခွာလာရာ ယမန်နေ့ (နိုဝင်ဘာ၂၅ ရက်)တွင် ကလေးမြို့နယ်၊ ကလေး-တမူးလမ်းမဘေးရှိရာ ၁ အကျဥ်းစခန်းတွင် ညအိပ်ရပ်နားခဲ့သည်။

ထိုစစ်ကောင်စီယာဥ်တန်းအား ယနေ့ နိုဝင်ဘာလ ၂၆ ရက်နေ့ နံနက် ၁၀ နာရီမိနစ် ၂၀ခန့်ကစ၍ မွန်းလွဲ ၃ နာရီခန့်အထိ (၅၆)မိုင်ကျေးရွာနှင့် မြလေးတောင်ကျေးရွာကြားတွင် ကလေး PDF မိုင်းတပ်ဖွဲ့က အသင့်တပ်ဆင်ထားသော မိုင်းများဖြင့် ခြောက်ကြိမ် ဖောက်ခွဲတိုက်ခိုက်ခဲ့ကြောင်း PDF က အသိပေးသည်။

ထို့အပြင် ဒရုန်းနှင့် အခြားလက်နက်ကြီးများဖြင့်လည်း ပစ်ခတ်တိုက်ခိုက်ခဲ့ကြောင်း၊ နောက်ဆုံးမိုင်းခွဲတိုက်ခိုက်မှုတွင် လမ်းသားပြတ်ထွက်သွားပြီး စစ်ကောင်စီယာဥ်တန်းများ ရှေ့ဆက်မတိုးနိုင် တော့ဘဲ မြလေးတောင်တောင်ခြေ၌ ညအိပ်ရပ်နားခဲ့သည်ဟု ကနဦးသိရကြောင်း PDF ၏ ထုတ်ပြန်ချက်တွင် ဖော်ပြသည်။

မိုင်းဖောက်ခွဲတိုက်ခိုက်မှုအတွင်း စစ်ကောင်စီယာဥ်တန်းနှင့် စစ်ကောင်စီတပ်ဖွဲ့ဝင် အများအပြား ထိခိုက်သေဆုံးမှုရှိနိုင်ပြီး အတည်ပြုနိုင်ခြင်း မရှိသေးဟု PDFက ဆိုသည်။

“မိုင်းခွဲတာ လမ်းမကြီးတောင်ဖွာထွက်ပြီး လမ်းသားပြတ်ထွက်သွားတယ်။ စစ်ခွေးတွေလည်းတော်တော် အထိနာသွားတယ်”ဟု People’s Defence Force (Kalay)မှ တာဝန်ရှိသူတစ်ဦးကပြောသည်။

ကလေးမြို့နယ်အတွင်း လက်ရှိစစ်ရေးတင်းမာမှု အခြေအနေအရ ကလေး-တမူး လမ်းမကြီးအား အများပြည်သူများ ဖြတ်သန်းသွားလာခြင်းမပြုရန် PDF က ထပ်မံသတိပေးထားသည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

ဇန်နဝါရီ ၂၅ ရက်ကလည်း ယမ်းချက်ရင်း မတော်တဆဖြစ်ကာ ရဲဘော်တစ်ဦး မီးလောင်ဒဏ်ရာပြင်းထန်ပြီး တစ်ဦးမှာ လက်နှင့်မျက်နှာ အနည်းငယ်ထိခိုက်ခဲ့ကြောင်းသိရသည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။