ဒီးမော့ဆိုနယ်ရှိ စစ်ကောင်စီတပ်ထိန်းချုပ်ထားသော ကုန်းသာနှင့်သေးဆူလဲနယ်မြေအားပြန်လည်ထိန်းချုပ်နိုင်ပြီဟု KRU အသိပေး

ကရင်နီ(ကယား)ပြည်နယ်၊ ဒီးမော့ဆိုမြို့နယ်ရှိ စစ်ကောင်စီတပ်များထိန်းချုပ်ထားသော ကုန်းသာနှင့် သေးဆူလဲကျေးရွာနယ်မြေအား ပြန်လည်ထိန်းချုပ်နိုင်ပြီဖြစ်ကြောင်း ကရင်နီတော်လှန်ရေးတပ်ပေါင်းစု(KRU)က ယနေ့(ဒီဇင်ဘာ ၂ ရက်)ထုတ်ပြန်သည်။

ထို့အပြင် စစ်မြေပြင်၏ အခြားတစ်ဖက်တွင်လည်း ကရင်နီအမျိုးသားများကာကွယ်ရေးတပ် (KNDF) ၊ ကရင်နီတပ်မတော်(KA) ၊ KGZ နှင့် PDF ပူးပေါင်းတပ်ဖွဲ့များကလည်း သေးဆူလဲ ကျေးရွာအတွင်းတပ်စွဲထားသော စစ်ကောင်စီတို့နှင့်ထိတွေ့တိုက်ခိုက်မူဖြစ်ပွားခဲ့ပြီး နယ်မြေများအား ပြန်လည်ထိန်းချုပ် နိုင်ခဲ့ပြီဟု အသိပေးသည်။

ဒီးမော့ဆို့မြို့ ၊ကုန်းသာကျေးရွာအတွင်း နယ်မြေများပြန်လည်ရှင်းလင်းနေစဉ်အတွင်း စစ်ကောင်စီတပ်များ၏ ရိက္ခာ ၊ စွပ်ဗုံး၊ကျည်ဆံနှင့် အသုံးအဆောင်ပစ္စည်းများ သိမ်းပိုက်ရရှိခဲ့ပြီး နယ်မြေအား မိုင်းရှင်းလင်းရေးများ ပြန်လည်ပြုလုပ်နေကြောင်း ဖော်ပြသည်။

“သေးဆူလဲကို နိုဝင်ဘာ ၃၀ ရက်ညက အရင်ရတယ်။နောက်တစ်ရက်မှာ ကုန်းသာကျေးရွာကို ထပ်ပြီးနယ်မြေစိုးမိုးနိုင်ခဲ့တာပါ။စစ်ရေးအရ ပြောမယ်ဆိုနန်းမယ်ခုံ-ဒီးမော့ဆိုတစ်ကြောကို ပြန်ထိန်းချုပ်နိုင်ဖို အနည်းငယ်ပဲလိုတော့တယ်”ဟု KRU တာဝန်ရှိသူက လူထုနွေဦးသို့ ပြောသည်။

Public Service Announcement

စစ်ကောင်စီတပ်၏ ထိခိုက်သေဆုံးမှုနှင့် စစ်ရေးအခြေအနေများကို KNDF က သီးခြားထုတ်ပြန် သွားမည်ဟု သိရသည်။

ထို့အပြင် စစ်ကောင်စီတပ်အား ရေကုန်ရေခမ်းတိုက်ထုတ်သွားမည်ဖြစ်ပြီး တိုက်ပွဲပိုမိုပြင်ထန်းလာနိုင်သောကြောင့် လက်နက် ၊ကျည်ဆံများ ပိုမိုလှူဒါန်းပေးကြရန်လည်း KRU ကအကူအညီတောင်းခံထားသည်။

KNDF နှင့် ပူးပေါင်းတပ်ဖွဲ့များသည် နယ်မြေပြန်လည်စိုးမိုးရေးအတွက် ကုန်းသာ၊သေးဆူလဲမှ နန်းမယ်ခုံကျေးရွာအထိ သုံးရက်နှင့်သုံးည တိုက်ခိုက်မှုတွင် ကျဆုံးထိခိုက်သည့် ရဲဘော်အချို့ ရှိခဲ့ကြောင်းလည်း တိုးတက်သောကရင်နီပြည်သူ့အင်အားစု(PKPF)က ယနေ့ သီးခြားထုတ်ပြန်ထားသည်။