Connect with us

Hi, what are you looking for?

LuduNwayOo

သတင်း

KBCခေါင်းဆောင် ဒေါက်တာခလမ်ဆမ်ဆွန် ပြန်လွတ်လာ၊ စစ်ကောင်စီက ပြည်ပထွက်ခွာခွင့်ကို ပိတ်ပင်ခြင်းဟုဆို

ကချင်ဒေသခံတစ်ဦးကလည်း ဒေါက်တာခလမ်ဆမ်ဆွန်နှင့်အဖွဲ့ ယနေ့နံနက် ၉နာရီ ၁၅မိနစ်ခန့်တွင် ဖမ်ဆီးခံရပြီး ယခုပြန်လွှတ်ပေးလိုက်ပြီဟု သိရကြောင်း ပြောသည်။

KBCခေါင်းဆောင် ဒေါက်တာခလမ်ဆမ်ဆွန်
KBCခေါင်းဆောင် ဒေါက်တာခလမ်ဆမ်ဆွန်

ကချင်နှစ်ခြင်းခရစ်ယာန်အဖွဲ့ချုပ်(KBC) ဥက္ကဋ္ဌဟောင်း ဒေါက်တာခလမ်ဆမ်ဆွန်ကို စစ်ကောင်စီတပ်က မန္တလေးလေဆိပ်၌ ဖမ်းဆီးခဲ့ပြီး ယနေ့ ပြန်လွှတ်ပေးလိုက်ကြောင်း KBC ဓမ္မဆရာတစ်ဦးက အတည်ပြုသည်။

“ကျွန်တော်တို့တော့ သူနဲ့တော့ မတွေ့ဖြစ်သေးဘူး။ အဲဒါ သတင်းတော့ကြားတယ်။ အဓိကတော့ သူတို့ ပြောတဲ့ဟာ နိုင်ငံခြားထွက်လို့မရဘူးပေါ့ အဲဒါမျိုး ပြောသံကြားတယ်။ သူ့ကို မထွက်ခိုင်းဘူးပေါ့။ အဲဒါကြောင့် မြစ်ကြီးနားကို ပြန်ပို့လိုက်တယ်လို့ အဲဒီလိုမျိုးပဲ သတင်းကြားတယ်”ဟု KBC ဓမ္မဆရာတစ်ဦးက ပြောသည်။

ဒေါက်တာခလမ်ဆမ်ဆွန်ကို ဖမ်းဆီးခဲ့ခြင်းကြောင့် အားလုံးက စိတ်ပူနေကြရကြောင်း၊ ယခုကဲ့သို့ ပြန်လွတ်လာ၍ ဝမ်းသာရကြောင်း ၎င်းက ဆိုသည်။

ကချင်ဒေသခံတစ်ဦးကလည်း ဒေါက်တာခလမ်ဆမ်ဆွန်နှင့်အဖွဲ့ ယနေ့နံနက် ၉နာရီ ၁၅မိနစ်ခန့်တွင် ဖမ်ဆီးခံရပြီး ယခုပြန်လွှတ်ပေးလိုက်ပြီဟု သိရကြောင်း ပြောသည်။

“စရဖက ခေါ်ထားတယ်လို့ကြားတယ်။ ကြားတယ်ဆိုတဲ့နေရာမှာ သူတို့(KBC ခေါင်းဆောင်နှင့်အဖွဲ့)က ဘန်ကောက်ကို အစည်းအဝေးသွားမလို့။အခုပြန်ကြားတာကတော့ လေယာဉ်နဲ့ မြစ်ကြီးနားကို ပြန်ပို့လိုက်ပြီလို့ ကြားတယ်။ နိုင်ငံခြားထွက်ဖို့စာရင်းမှာ ဒေါက်တာဆမ်ဆွန်ရဲ့ နာမည်စာရင်းပါတော့ သူတို့က နိုင်ငံခြား ထွက်မယ်ဆို သွားခွင့်မပေးဘူးဆိုတဲ့ပုံစံမျိုးနဲ့ တားထားတယ်လို့ သတင်းတော့ နည်းနည်းကြားရတယ်”ဟု ကချင်ဒေသခံသတင်းရင်းမြစ်က ပြောသည်။

You May Also Like

သတင်း

၂၀၂၁ ဖေဖော်ဝါရီ ၁ရက်မှ ယခုနှစ် ဖေဖော်ဝါရီ ၁ရက်အတွင်း တိုက်ပွဲပေါင်း ၈,၀၃၈ ကြိမ်ဖြစ်ပွားခဲ့ပြီး အာဏာသိမ်း အကြမ်းဖက်စစ်ကောင်စီတပ်များမှ ၆,၈၇၆ ဦးသေဆုံးကာ ၅,၅၁၉ ဦးဒဏ်ရာရခဲ့သည်ဟု ဖော်ပြသည်။

သတင်း

"မနေ့ ၈ ရက်နေ့ည ၉ ခွဲဝန်းကျင်မှ ၁၀ နာရီဝန်းကျင်လောက်ထိ သွားရောက်ပစ်ခတ်ခဲ့တာပါ"ဟု မကွေးခရိုင် PDF တပ်ရင်း (၂)မှ တာဝန်ရှိသူတစ်ဦးက ပြောသည်။

မေးမြန်းခန်း

စစ်ကောင်စီဘက်က တပ်ဖွဲ့ဝင်​တွေသေဆုံးမှုရှိခဲ့ပြီး လက်နက်မျိုးစုံ ၄၀ ကျော်ကို ချင်းပူးပေါင်းတပ်ဖွဲ့က သိမ်းပိုက်ခဲ့ပါတယ်။

သတင်း

ယမန်နေ့ မွန်းလွဲပိုင်းက ရေဦးမြို့ပေါ်မှထွက်လာသော စစ်ကောင်စီတပ်ကို တော်လှန်ရေးအင်အားစုများက ဒရုန်းဖြင့်တိုက်ခိုက်ခဲ့သေးသည်။