'/%3E%3C/svg%3E){kind=small}
ပူးပေါင်းလာသည့် ရဲနှင့်စစ်သား ၁၅ဦးရှိဟု တာဝန်ရှိသူပြော
ပူးပေါင်းလာသည့် ရဲနှင့်စစ်သား ၁၅ဦးရှိဟု တာဝန်ရှိသူပြောချင်းပြည်နယ် ဟားခါးအခြေစိုက် စစ်ကောင်စီ၏ ခလရ(၂၆၆)တပ်ရင်းမှ စစ်ကောင်စီတပ်သား သုံးဦး ချင်းဒေသကာကွယ်ရေးတပ်-ဆဲန်ထန်(CDF-Senthang)ဆီသို့ ပူးပေါင်းလာကြောင်း CDF ဆဲထန်က ယနေ့ ထုတ်ပြန်သည်။
နိုဝင်ဘာ ၁၁ရက်တွင် စစ်ကောင်စီတပ်သား သုံးဦးသည် ပြည်သူ့ဘက်သို့ ပူးပေါင်းလာရာ MA1 တစ်လက် ၊ ကျည်များပါလာကြောင်း ဖော်ပြထားသည်။
ထိုသို့ လာရောက်ပူးပေါင်းမှုကို နွေးထွေးစွာကြိုဆိုပြီး ထိုက်သင့်သော ဆုကြေးလက်ဆောင်များ ပေးအပ်ပြီးဖြစ်သကဲ့သို့ စိတ်ချလုံခြု့မှုရှိသည့်ဒေသသို့ ပို့ဆောင် ပေးပြီးဖြစ်ကြောင်း CDF ဆဲန်ထန်က ထုတ်ပြန်သည်။
“အခု သုံးယောက်အပါအဝင်ဆိုရင်တော့ ၁၅ယောက် ရှိပြီ။ ကျွန်တော်တို့ဆီ လာပူးပေါင်းတဲ့သူတွေ။ စကစတွေရော ရဲတွေရော ပြောရမှာပေါ့”ဟု CDF ဆဲန်ထန် တာဝန်ရှိသူက ပြောသည်။
Public Service Announcement
ထိုသို့ လာရောက်ပူးပေါင်းရာတွင် လက်နက်ခဲယမ်းပါလာသူများ ရှိသကဲ့သို့ မပါလာသူများလည်းရှိကြောင်း ၎င်းက ဆိုသည်။
ကျန်နေသည့် စစ်ကောင်စီလက်အောက်ရှိ ရဲနှင့် စစ်သားများ ပြည်သူနှင့်အတူ လာရောက်ပူးပေါင်းပါက ကြိုဆိုသွားမည်ဖြစ်ကြောင်းလည်း CDF ဆဲန်ထန် က ပြောသည်။
