Connect with us

Hi, what are you looking for?

LuduNwayOo

သတင်း

ဒေါက်တာခလမ်ဆမ်ဆွန် ကျန်းမာစွာရှိနေပြီး မေးမြန်းရန်ရှိ၍ခေါ်ထားခြင်းဟု စစ်ကောင်စီက KBC တာဝန်ရှိသူများအား ခေါ်ယူပြောကြား

ဒေါက်တာခလမ်ဆမ်ဆွန်သည် လက်ရှိ KBC၏ အကြံပေး တာဝန်ယူထားသူဖြစ်ပြီး ကချင်လူထုအပေါ် ဩဇာရှိသည့် ဘာသာရေးခေါင်းဆောင်တစ်ဦး ဖြစ်သည်။

ဒေါက်တာခလမ်ဆမ်ဆွန်
ဒေါက်တာခလမ်ဆမ်ဆွန်

ကချင်နှစ်ခြင်းခရစ်ယာန်အဖွဲ့ချုပ်(KBC) ဥက္ကဋ္ဌဟောင်းဖြစ်သူ သိက္ခာတော်ရာဆရာတော် ဒေါက်တာ ခလမ်ဆမ်ဆွန် ကျန်းမာစွာရှိနေပြီး မေးမြန်းရန် ရှိ၍ ခေါ်ယူမေးမြန်းနေခြင်းဖြစ်ကြောင်း KBC တာဝန်ရှိသူများကို စစ်ကောင်စီ၏ ကချင်ပြည်နယ် နယ်လုံဝန်ကြီးက ခေါ်ယူပြောကြားခဲ့သည်ဟု ကချင်ဒေသခံက ပြောသည်။

“အခုလောလောဆယ်တော့ ကျွန်တော်တို့လည်း ဘာမှ ဃဂနဏမသိရသေးဘူးဖြစ်နေတာ။ မန္တလေးမှာ လိုလို၊ မြစ်ကြီးနားမှာလိုလို။ Update သိရတာတစ်ခုကတော့ KBC အဖွဲ့တွေကို ဆရာတွေကို ကချင်ပြည်နယ်အစိုးရ လုံနယ်ဝန်ကြီးက ခေါ်တယ်တဲ့။ ခေါ်ပြီးမှ သူတို့ကို ပြောတဲ့ဟာရှိတယ်တဲ့။ အဲဒါ ဘာပြောလဲဆိုတော့ ဆရာက ကျန်းကျန်းမာမာနဲ့ ရှိနေပါတယ်တဲ့။ သူ့ကို နည်းနည်းမေးမြန်းစရာရှိလို့ပါလို့ ပြောတယ်တဲ့။ သူက ဟောတဲ့နေရာမှာ နိုင်ငံတော်အကြည်အညိုပျက် စေတဲ့ စကားလေးတွေ အသုံးအနှုန်းလေးတွေ ပြောတာရှိတယ်ဆိုတဲ့အကြောင်း။သိပ်တော့မကြာလောက်ဘူးလို့ ထင်တာပဲ။ သူတို့ ပြောတာတဆင့်ပြန်ကြားသိရတာပေါ့”ဟု ကချင်ဒေသခံတစ်ဦးက ပြောသည်။

Public Service Announcement
Public Service Announcement

ဒေါက်တာခလမ်ဆမ်ဆွန်သည် ထိုင်းနိုင်ငံ ဘန်ကောက်သို့ သွားရောက်သည့် ခရီးစဉ်တွင် မန္တလေးတံတားဦးလေဆိပ်၌ ဖမ်းဆီးထိန်းသိမ်းခံရခြင်းဖြစ်သည်။ မန္တလေးမှ မြစ်ကြီးနားသို့ စစ်ကောင်စီက ပြန်ပို့ဆောင်လိုက်ပြီဟု ပြောဆိုသော်လည်း တိတိကျကျ အတည်မပြုနိုင်သေးဟု KBC ဓမ္မဆရာတစ်ဦးက ပြောသည်။

“အခုထိတော့ ကျနော်တို့တော့ မရသေးဘူးဗျ။ အခုထိ ကျနော်တို့ သူ့ကို မျှော်နေတာပေါ့။ ဘယ်ရောက်နေမှန်းမသိဘူး အဲဒါမျိုးဖြစ်နေတာ”ဟု ၎င်းက ဆိုသည်။

ဒေါက်တာခလမ်ဆမ်ဆွန်သည် လက်ရှိ KBC၏ အကြံပေး တာဝန်ယူထားသူဖြစ်ပြီး ကချင်လူထုအပေါ် ဩဇာရှိသည့် ဘာသာရေးခေါင်းဆောင်တစ်ဦး ဖြစ်သည်။

၂၀၁၉အတွင်းကလည်း ဒေါက်တာခလမ်ဆမ်ဆွန်ကို စစ်ကောင်စီက အရေးယူရန် ကြိုးပမ်းခဲ့သော်လည်း ဒေါက်တာခလမ်ဆမ်ဆွန်နှင့် စစ်ခေါင်းဆောင် မင်းအောင်လှိုင်တို့မန္တလေး၌ တွေ့ဆုံခဲ့ပြီးနောက် ပြေလည်မှုရခဲ့သည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။

သတင်း

ထိုသို့ပစ်ခတ်မှုကြောင့် ပုဏ္ဏားကြီးရွာနေ အသက် (၆၀)အရွယ် အမျိုးသားကြီးတစ်ဦး ညာဘက်နားနောက်တည့်တည့်တွင် လက်နက်ကြီးစထိမှန်ခဲ့ပြီး မြေပြင်ကျန်းမာရေးစောင့်ရှောက်သူများက အရေးပေါ်ဆေးကုသမှုပေးနေကြောင်း အထက်ပါအဖွဲ့က ပြောသည်။