Connect with us

Hi, what are you looking for?

LuduNwayOo

သတင်း

ကုန်းသာရွာတိုက်ပွဲ စစ်ကောင်စီတပ် ငါးဦးသေဟု KRU ပြော

အထိနာခဲ့သည့် စစ်ကောင်စီတပ်သည် မြေပြင် ၊ ဝေဟင် ပစ်ကူများဖြင့် ဆုံးရှုံးခဲ့သည့် နယ်မြေများ ပြန်လည်ရယူရန် ယခုလ ၃ရက်ကစ၍ ထိုးစစ်ဆင်နေခြင်းလည်းဖြစ်သည်။

(KRU မှ ရဲဘော်များအား တွေ့ရစဉ်)
(KRU မှ ရဲဘော်များအား တွေ့ရစဉ်)

▪️KRU ရဲဘော်တစ်ဦး ပျောက်ဆုံးနေဟု အသိပေး

စစ်ကောင်စီတပ်က စစ်ကြောင်းသုံးခုဖြင့် ထိုးစစ်ဆင်လာ၍ တိုက်ပွဲဖြစ်ပွားခဲ့ပြီး အဆိုပါတပ်မှ ငါးဦးသေဆုံးကြောင်း ကရင်နီတော်လှန်ရေးတပ်ပေါင်းစု(KRU)က ယနေ့(ဒီဇင်ဘာ ၉ ရက်) ထုတ်ပြန်သည်။

KRU၏ လှုပ်ရှားနယ်မြေဖြစ်သော ဒီးမော့ဆိုမြို့နယ် ကုန်းသာကျေးရွာကို အကြမ်းဖက်စစ်ကောင်စီမှ စစ်ကြောင်းသုံးခုဖြင့် ဒီဇင်ဘာ ၆ ရက် ည ၁၁ နာရီ ၄၅ မိနစ်ခန့်တွင် စစ်ကြောင်းထိုးလာခဲ့ပြီး ထိတွေ့တိုက်ပွဲ ဖြစ်ပွားခဲ့သည်ဟု ဆိုသည်။

တိုက်ပွဲအတွင်း ထောင်ထားသော မိုင်းများနင်းမိ၍ စစ်ကောင်စီတပ်မှ လေးဦးသေဆုံးကာ အများအပြားဒဏ်ရာရပြီး အနီးကပ်ပစ်ခေတ်မူအတွင်း တစ်ဦးထပ်မံသေဆုံးသည်ကို KRUက အတည်ပြုသည်။

“အဲဒီ​နေ့တိုက်ပွဲက တစ်နေကုန်ကို ဖြစ်တာ။အခုထိလည်း ကုန်းသာမှာ စစ်ဆိုင်ထားတဲ့အခြေ အနေပါပဲ။အချိန်မရွေးဖြစ်နိုင်တယ်”ဟု KRU တာဝန် ရှိသူက လူထုနွေဦးသို့ ပြောသည်။

Public Service Announcement

Public Service Announcement

အဆိုပါ တိုက်ပွဲအတွင်း ရဲဘော်ငါးပျောက်ဆုံးခဲ့ပြီး ပြန်လည်ရှာဖွေရာတွင် ဒဏ်ရာရရဲဘော်လေးဦးကို တွေ့ရှိ ခေါ်ဆောင်နိုင်ခဲ့သော်လည်း ကျန်တစ်ဦးမှာ ပျောက်ဆုံးနေဆဲဖြစ်သည်။

ပျောက်ဆုံးနေသော ရဲဘော်အား လက်ရှိအချိန်ထိ ရှာဖွေမူများ လုပ်ဆောင်နေကြောင်းလည်း အသိပေးသည်။

ထို့အပြင် တိုက်ပွဲများပိုမိုပြင်းထန်လာနိုင်၍ ကျည် ၊ခဲယမ်းများ အမြန်ဆုံးကူညီပေးကြရန် KRU က မေတ္တာရပ်ခံထားသည်။

နိုဝင်ဘာ ၂၈ ရက်ကစ၍ ကရင်နီအမျိုးသားများကာကွယ်ရေးတပ် (KNDF)မှဦးဆောင်၍ ကရင်နီတပ်မတော် (KA) ၊အလယ်ပိုင်းတိုင်း အထူးစစ်ဆင်ရေး တပ်ဖွဲ့၊ DMO PDF၊ Loikaw PDFတို့က စစ်ကောင်စီတပ်များ တပ်စွဲထားသော ဒီးမော့ဆိုမြို့နယ် ကုန်းသာ၊သေးဆူလဲ၊ပူဖားနှင့်ဒေါကမီးကျေးရွာများတွင် နယ်မြေစိုးမိုးရေး ပူးပေါင်းစစ်ဆင်ရေး တစ်ရပ်ဆင်နွဲခဲ့သည်။

အထိနာခဲ့သည့် စစ်ကောင်စီတပ်သည် မြေပြင် ၊ ဝေဟင် ပစ်ကူများဖြင့် ဆုံးရှုံးခဲ့သည့် နယ်မြေများ ပြန်လည်ရယူရန် ယခုလ ၃ရက်ကစ၍ ထိုးစစ်ဆင်နေခြင်းလည်းဖြစ်သည်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။