Connect with us

Hi, what are you looking for?

LuduNwayOo

သတင်း

ဗဟိုဘဏ် ဒုဥက္ကဋ္ဌ ဦးဘိုဘိုငယ်ကို ထောင်ဒဏ် နှစ် ၂၀ စစ်ကောင်စီချ

ဘဏ်လုပ်ငန်းဆိုင်ရာ ပညာရှင် ဦးဘိုဘိုငယ်ကို သမ္မတ ဦးထင်ကျော်က ၂၀၁၇ ခုနှစ် ဇူလိုင်လမှာ ဗဟိုဘဏ်ဒုဥက္ကဋ္ဌအဖြစ်ခန့်အပ်ပါတယ်။

ဗဟိုဘဏ် ဒုဥက္ကဋ္ဌ ဦးဘိုဘိုငယ်ကို ထောင်ဒဏ် နှစ် ၂၀ စစ်ကောင်စီချ
ဗဟိုဘဏ် ဒုဥက္ကဋ္ဌ ဦးဘိုဘိုငယ်ကို ထောင်ဒဏ် နှစ် ၂၀ စစ်ကောင်စီချ

NLD အစိုးရ ရဲ့ ဗဟိုဘဏ် ဒုဥက္ကဋ္ဌ ဦးဘိုဘိုငယ်ကို ဖမ်းဆီးပြီး ၂ နှစ်ပြည့်ခါနီးမှာ မန္တလေး အိုးဘိုထောင်တွင်း စစ်ကောင်စီတရားရုံးက ထောင်ဒဏ် နှစ် ၂၀ ချလိုက်တယ်လို့ တရားရေးအသိုင်းအဝိုင်းကနေစုံစမ်းသိရပါတယ်။

ပြီးခဲ့တဲ့ အင်္ဂါနေ့ (ဒီဇင်ဘာလ ၁၃ ) ရက်က ထောင်ချလိုက်တာလို့သိရပြီး ဦးဘိုဘိုငယ်ကို စစ်ကောင်စီက ထောင်ဒဏ် ၁၅ နှစ်ထိချလို့ရတဲ့ အဂတိပုဒ်မ ၅၅ နဲ့တရားစွဲထားတာပါ။

ဒါကြောင့် ထောင်ဒဏ် နှစ် ၂၀ ချရာမှာ ဘယ်ပုဒ်မတွေ ထပ်တိုးထားလဲဆိုတာကိုတော့ ရှင်းရှင်းလင်းလင်းမသိရသေးပါဘူး။

ဘဏ်လုပ်ငန်းဆိုင်ရာ ပညာရှင် ဦးဘိုဘိုငယ်ကို သမ္မတ ဦးထင်ကျော်က ၂၀၁၇ ခုနှစ် ဇူလိုင်လမှာ ဗဟိုဘဏ်ဒုဥက္ကဋ္ဌအဖြစ်ခန့်အပ်ပါတယ်။

Public Service Announcement

Public Service Announcement

ဦးဘိုဘိုငယ်ဟာ မြန်မာနိုင်ငံရဲ့ဘဏ္ဍာရေးပြုပြင်ပြောင်းလဲမှုတွေကို တိုးတက်အောင်လုပ်ဆောင်ခဲ့သူဖြစ်ပြီးအကျင့်ပျက်ခြစားတာ တိုက်ဖျက်သူလို့လည်း ပြီးခဲ့တဲ့ နိုဝင်ဘာလအတွင်း အင်းစိန်ထောင်ကနေ လွတ်မြောက်သွားတဲ့ စီးပွားရေးပညာရှင် ရှောင်လ်တာနယ်က မီဒီယာကိုပြောပြပါတယ်။

အာဏာသိမ်းပြီးနောက် ဦးဘိုဘိုငယ်ကို ဖမ်းဆီးခဲ့တဲ့ စစ်ကောင်စီဟာ ဖမ်းဆီးပြီးတစ်နှစ်ကျော်ကြာချိန်မှ ဦးဘိုဘိုငယ်ကို အဂတိပုဒ်မနဲ့တရားစွဲထားတယ်လို့ တရားဝင်ထုတ်ပြန်ခဲ့တာပါ။

ဦးဘိုဘိုငယ်ဟာ ဗဟိုဘဏ်မှာ တာဝန်ယူချိန် နိုင်ငံသုံးငွေစီမံခန်ခွဲရေးဌာနကိုကြီးကြပ်ရသူဖြစ်ပြီး နိုင်ငံခြားငွေရောင်းဝယ်ဖောက်ကားခွင့်ရတဲ့ ဘဏ်တွေရဲ့ ငွေလွှဲပြောင်းတာတွေကို ကြီးကြပ်မှုအားနည်းလို့ နိုင်ငံဘဏ္ဍာအခွန်ငွေ ထိခိုက်တယ်ဆိုကာ စစ်ကောင်စီက တရားစွဲထားပါတယ်။

စစ်ကောင်စီဟာ ဦးဘိုဘိုငယ်ကို အကြောင်းမရှိ အကြောင်းရှာ အမှုတပ်တာလို့ ပြည်တွင်း စီးပွားရေးအသိုင်းအဝိုင်းထဲကအချို့က မီဒီယာကိုအမည်မဖော်ဘဲဖြေထားကြပါတယ်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။