မန္တလေး မောသစ်ရွှေဆိုင်ပိုင်ရှင်နေအိမ်ကနေ ဆိုင်အသွား အိမ်ရှေ့မှာတင်ဓားပြတိုက်ခံရ

မန္တလေးမြို့ ၊ပြည်ကြီးတံခွန်မြို့နယ်ထဲက မောသစ်ရွှေဆိုင်ပိုင်ရှင် နေအိမ် ကနေ ဆိုင်အသွား အိမ် ရှေ့မှာ ဒီနေ့မနက်ပိုင်း ၇ နာရီ ခန့်က ဓားပြတိုက်ခံလိုက်ရတယ်လို့ စစ်အုပ်စု လက်အောက်ခံ မန္တလေး ရဲတပ်ဖွဲ့နဲ့နီးစပ်သူတစ်ဦးထံကသိရပါတယ်။

ဒီနေ့မနက်ပိုင်းဆိုင်ဖွင့်ဖို့အသွား နေအိမ်ကနေ အထွက်မှာပဲ အသင့် စောင့်နေတဲ့ ဆိုင်ကယ်စီး လူ ၂ ဦးက ရွှေထည့်ထားတဲ့ ခြင်းတောင်း ၂ တောင်းကို ဓားပြတိုက်လုယက်သွားတာလို့ မန္တလေး ရဲတပ်ဖွဲ့နဲ့နီးစပ်သူက ရရှိ တဲ့အချက်အလက်ကိုပြောပြပါတယ်။

ပါသွားတဲ့ ခြင်းတောင်းထဲက ရွှေပမာဏကိုတော့မသိရသေးပါဘူး။

မောသစ်ရွှေဆိုင်ဟာ မန္တလေး ချမ်းမြသာစည်နဲ့ ပြည်ကြီးတံခွန်မြို့နယ်တွေထဲမှာ ရွှေဆိုင်ဖွင့်ထားပါတယ်။

Public Service Announcement

ဒီနေ့ဖြစ်စဉ်ပါရင် အာဏာသိမ်းပြီးနောက် မောသစ်ရွှေဆိုင်ဟာ ၃ ကြိမ်မြောက် ဓားပြတိုက်ခိုက်ခံရတာလည်းဖြစ်ပါတယ်။

မောသစ်ရွှေဆိုင်တွေဟာ ၂၀၂၁ ခုနှစ်အောက်တိုဘာလအတွင်းနဲ့ ပြီးခဲ့တဲ့ဇူလိုင်လတွေအတွင်းဓားပြတိုက်ခံခဲ့ရပါတယ်။