Connect with us

Hi, what are you looking for?

LuduNwayOo

သတင်း

စစ်အာဏာရှင်စနစ် သက်ဆိုးရှည်စေမည့် အတုအယောင်ရွေးကောက်ပွဲဟန့်တားရန် တော်လှန်ရေးအင်အားစုအားလုံးကို TNLA ဥက္ကဋ္ဌ တိုက်တွန်း

ယနေ့ ကျရောက်သည့် နှစ် (၆၀)ပြည့် တအာင်းအမျိုးသားတော်လှန်ရေးနေ့ မိန့်ခွန်း၌ PSLF/TNLA ဥက္ကဋ္ဌက ယခုကဲ့သို့ ပြောဆိုခဲ့ခြင်းဖြစ်သည်။

(ယနေ့ ကျရောက်သည့် နှစ် (၆၀)ပြည့် တအာင်းအမျိုးသားတော်လှန်ရေးနေ့ အခမ်းအနားကျင်းပနေစဉ်၊ ဓာတ်ပုံ - TNLA)
(ယနေ့ ကျရောက်သည့် နှစ် (၆၀)ပြည့် တအာင်းအမျိုးသားတော်လှန်ရေးနေ့ အခမ်းအနားကျင်းပနေစဉ်၊ ဓာတ်ပုံ - TNLA)

▪️စစ်အာဏာရှင်ချုပ်ငြိမ်းရေး အချိန်အခါကောင်းဖြစ်၍ ဟန်ချက်ညီ ကြိုးပမ်းအားထုတ်ရန်လိုဟု ပြော

အာဏာသိမ်းစစ်ကောင်စီက အတုအယောင်ရွေးကောက်ပွဲကျင်းပရန် အားထုတ်နေ၍ စစ်အာဏာ ရှင်စနစ်သက်ဆိုးရှည်စေမည့် မည်သည့်ထောက် ပံ့မှုမျိုးကိုမဆို သက်ဆိုင်ရာ တော်လှန်ရေး အင်အားစု နယ်မြေများ၌ ထိရောက်စွာဟန့်တားကြရန်လိုအပ်ကြောင်း ပလောင်ပြည်နယ်လွတ် မြောက်ရေးတပ်ဦး(PSLF/TNLA) ဥက္ကဋ္ဌ ဒုတိယဗိုလ်ချုပ်ကြီး တားအိုက်ဘုန်း က ပြောကြားသည်။

ယနေ့ ကျရောက်သည့် နှစ် (၆၀)ပြည့် တအာင်းအမျိုးသားတော်လှန်ရေးနေ့ မိန့်ခွန်း၌ PSLF/TNLA ဥက္ကဋ္ဌက ယခုကဲ့သို့ ပြောဆိုခဲ့ခြင်းဖြစ်သည်။

“ဒီ ၂၀၂၃ ခုနှစ် ဩဂုတ်လမှာ အာဏာသိမ်းစစ် ကော်စီက စစ်အာဏာရှင်အဆက်ဆက် အာဏာတည်မြဲရေးအတွက် အတုအယောင် ရွေးကောက် ပွဲ ကျင်းပနိုင်ဖို့ ကြိုတင်ပြင်ဆင်ဆောင်ရွက်နေတာတွေ တွေ့မြင်ရတယ်။ စစ်အာဏာ ရှင်စနစ်သက်ဆိုးရှည်မယ့် ဘယ်လိုထောက်ပံ့မှုမျိုးကိုမဆို သက်ဆိုင်ရာ တော်လှန်ရေး အင်အားစု နယ်မြေတွေမှာ ထိထိရောက်ရောက် ဟန့်တားကြဖို့လိုအပ်ပါတယ်။ ဒီဟန့်တားဖို့အခွင့်အရေးကို မိမိတို့ တော်လှန်ရေး အင်အားစုဘက်က အပြည့်အ၀ ပိုင်ဆိုင်ထားတယ်။ ဒီအခွင့်အရေးကို ကောင်းစွာ အသုံးချမှသာ နောင်လာနောက်သားမျိုးက်သစ်တွေက စစ်ကျွန်ဘ၀ကနေ လွတ်မြောက်နိုင်မှာ ဖြစ်တယ်”ဟု ဒုဗိုလ်ချုပ်ကြီး တားအိုက်ဘုန်းက ပြောသည်။

ယခု စစ်အာဏာသိမ်းမှု နောက်ဆက်တွဲအား သုံးသပ်ကြည့်ပါက တိုင်းပြည်အတွင်းရှိ တိုင်းရင်းသား ပြည်သူအားလုံးက စစ်အာစာရှင် အဆက် ဆက်၏ ဖိနှိပ်ချုပ်ချယ်မှု အောက်မှ လွတ်မြောက်ရေး ကြိုးပမ်းအားထုတ်မှုကို မြင်တွေ့လာရကြောင်းလည်း ၎င်းက ဆိုသည်။

လွတ်လပ်ရေးရယူပြီးနောက်ပိုင်း တောင်တန်းနေ တိုင်းရင်းသားတို့ အစဉ် ကြိုးပမ်းတောင်းဆိုလာခဲ့သည့် ဖက်ဒရယ်ပြည်ထောင်စုစနစ် တည်ဆောက်ရေးနှင့် စစ်အာဏာရှင်စနစ် ချုပ်ငြိမ်ရေးအတွက် အချိန်အခါကောင်း ရောက်ရှိနေပြီးဖြစ်၍ တော်လှန်ရေးအင်အားစုအားလုံး ယခု အခွင့်အလင်းအပေါ် လက်တွေ့ကျကျ ဟန်ချက်ညီညီ ဆက်လက် ဝိုင်းဝန်း ကြိုးပမ်းအားထုတ်ကြရန်လည်း PSLF/TNLA ဥက္ကဋ္ဌက တိုက်တွန်းသည်။

၂၀၂၁ ဖေဖော်ဝါရီတွင် စစ်တပ်အာဏာသိမ်းယူမှုကြောင့် ဖြစ်ပေါ်လာသည့် နိုင်ငံရေးပဋိပက္ခအတွင်း တော်လှန် ရေးအင်အားစု များအချင်းချင်း စိတ်ရင်းစေနတာ မှန်ကန်စွာ တော်လှန်ရေး သစ္စာရှိရှိ အပြန်အလှန် လေးစားမှု၊ ကူညီပံ့ပိုးမှုနဲ့အပြန်အလှန် အသိအမှတ်ပြုမှု စံနှုန်းများကို ကိုင်စွဲထားရမည်ဖြစ်ကြောင်းလည်း ၎င်းက ဆိုသည်။

(ယနေ့ ကျရောက်သည့် နှစ် (၆၀)ပြည့် တအာင်းအမျိုးသားတော်လှန်ရေးနေ့ အခမ်းအနားကျင်းပနေစဉ်၊ ဓာတ်ပုံ - TNLA)
(ယနေ့ ကျရောက်သည့် နှစ် (၆၀)ပြည့် တအာင်းအမျိုးသားတော်လှန်ရေးနေ့ အခမ်းအနားကျင်းပနေစဉ်၊ ဓာတ်ပုံ – TNLA)

“အာဏာသိမ်းစစ်တပ်ကို လက်တွေ့ကျတဲ့ နည်းဗျူဟာနဲ့ တိုက်ခိုက်ရမှာ ဖြစ်သလို ဒေသခံတွေရဲ့ လူမှုရေး၊ စီးပွားရေးနဲ့ လုံခြုံရေးတွေကိုလည်း အလေးထားဖို့လိုအပ်ပါတယ်”ဟု ဒုဗိုလ်ချုပ်ကြီး တားအိုက်ဘုန်းက ပြောသည်။

ယခုအချိန်တွင် စစ်အာဏာရှင်က မည်ကဲ့သို့ အကြောက်တရားများကို ဖန်တီးသည်ဖြစ်စေ ပြည်သူလူထုက နာကြည်းမှုအပြည့်ဖြင့် ခုခံတော်လှန်နေသည်မှာ ပြည်သူလူထုက စစ်အာဏာရှင်စနစ် လုံး၀ မလိုလားကြောင်း တုန့်ပြန်နေခြင်းဖြစ်ကြောင်း ၎င်းက ဆိုသည်။

“ဒီဖြစ်ရပ်တွေကို မြန်မာ့အရေးဆောင်ရွက်နေတဲ့ ကမ္ဘာ့နိုင်ငံအသီးသီးခေါင်းဆောင်တွေ လက်ခံ အသိအမှတ်ပြုပေးပြီး မြန်မာပြည်တွင်း တော်လှန်ရေးအင်အားစုများကို ကူညီထောက်ပံ့ကြဖို့ ဒီနေရာကနေ တောင်းဆိုပါတယ်”ဟု TNLA ဥက္ကဋ္ဌက ပြောကြားသည်။

You May Also Like

သတင်း

တရားမဝင်ရွေးကောက်ပွဲ ဆန့်ကျင်ရေး ပူးပေါင်းလုပ်ငန်းကော်မတီကို အမျိုးသားညီညွတ်ရေးအတိုင်ပင်ခံကောင်စီ (NUCC) နှင့် အမျိုးသားညီညွတ်ရေးအစိုးရ (NUG) တို့မှ ကိုယ်စားလှယ်များပါဝင်မှုဖြင့် ဖွဲ့စည်းထားခြင်းဖြစ်သည်။

သတင်း

ရှမ်းပြည်နယ်၊ တအာင်းပလောင်ဒေသတွင်ဘ အခြေစိုက်သည့်TNLA သည် စစ်ကောင်စီကနိုင်ငံတော်အာဏာသိမ်းသည်ကိုဆန့်ကျင်တော်လှန်နေသည့် တိုင်းရင်းသားလက်နက်ကိုင်းအဖွဲ့တစ်ဖွဲ့ဖြစ်သည်။

သတင်း

အဲဒီကော်မတီဟာ ဇန်နဝါရီလ ၂၅ ရက်မှာ NLD ပါတီ ဗဟိုအလုပ်ကော်မတီ ၊ သပိတ်အင်အားစုတွေနဲ့ သီးခြားစီတွေ့ဆုံခဲ့တယ်လို့ NUG ဘက်က ဒီနေ့မှာ အသိပေးပါတယ်။

သတင်း

၂၀၂၁ ဖေဖော်ဝါရီ ၁ရက်တွင် စစ်ကောင်စီက ၂၀၂၀ အထွေထွေရွေးကောက်ပွဲအတွင်း မဲမသမာမှုရှိသည်ဟုစွပ်စွဲကာ ပြည်သူလူထု၏ ဆန္ဒကို လေးစားလိုက်နာမှုမရှိဘဲ နိုင်ငံတော်အာဏာကို အတင်းအဓမ္မသိမ်းယူခဲ့ခြင်းဟု KNDF က သတ်မှတ်သည်။