တနင်္သာရီတိုင်း ဘုတ်ပြင်းမြို့နယ်အခြေစိုက် စစ်ကောင်စီတပ်မှ တပ်ကြပ်ကြီးတစ်ဦးကို ဖမ်းဆီးရမိခဲ့ကြောင်း ပုလောဒေသကာကွယ်ရေးတပ်ဖွဲ့(P.R.D.F)တာဝန်ရှိသူက လူထုနွေဦးသို့ ပြောသည်။
ကဒဲကျေးရွာနှင့် သင်္ကန်းတောကျေးရွာအနီး မိန်းလမ်းမကြီးတွင် ဇန်နဝါရီ၂၁ရက်က စစ်ဆေးမှုပြုလုပ်နေချိန် ခရီးသွားပြည်သူကားပေါ်တွင် လိုက်ပါလာသည့် ဘုတ်ပြင်းမြို့ဆေးတပ်မှတပ်ကြပ်ကြီးကို ဖမ်းမိခဲ့ခြင်းဟု ဆိုသည်။
“သူ့ရာထူးအရ သူကဆေးတပ်အရာရှိရဲ့ PSOအဖြစ် အခုနောက်ဆုံးသိထားရတယ်။ကျန်တာတော့ဆက်လက် စစ်ဆေးဆဲပဲ”ဟု အထက်ပါတာဝန်ရှိသူက ရှင်းပြသည်။
ဖမ်းမိသည့်တပ်ကြပ်ကြီးအဆင့်စစ်ကောင်စီတပ်သားမှာ ၂၀၀၆ ကတည်းက စတင်တာဝန်ထမ်းဆောင်နေသူဖြစ်သည်။
Public Service Announcement
၎င်း၏ ဖုန်းစစ်ဆေးမှုပြုလုပ်ရာတွင်လည်း စစ်သံရုံးဝင်ခွင့်ဖြေရာက ပြန်လာသူဖြစ်ကြောင်း စစ် ဆေးတွေ့ရှိရသည်ဟု PRDFက ဆိုသည်။
ထို့အပြင် ၎င်းထံမှ ဖုန်းတစ်လုံးနှင့် ပိုက်ဆံ ၂၀,၀၅၀ (နှစ်သောင်း ငါးရာကျပ်)ကို သိမ်းဆည်း ရမိကာ၊ ယခုလက်ရှိတွင် PRDFမှ ဆက်လက်ထိန်းသိမ်းထားကြောင်း အသိပေးသည်။
