နှစ်ဦးသေဟု သရက်ခရိုင်တပ်ရင်း (၄)ပြော
မကွေးတိုင်း မင်းတုန်းမြို့နယ်ရှိ စစ်ကောင်စီလက် အောက်ခံ နယ်မြေရဲစခန်းတစ်ခုကို စခန်းနားအထိချဥ်းကပ်တိုက်ခိုက်ခဲ့ကြောင်း သရက်ခရိုင် PDF တပ်ရင်း(၄) Eagle Forceမှ တာဝန်ရှိသူက ပြောသည်။
မင်းတုန်းမြို့နယ် အလယ်ချောင်းကျေးရွာရှိ စစ်ကောင်စီနယ်မြေရဲစခန်းကို ယမန်နေ့ (ဖေဖော်ဝါရီ ၉)ည ၁၂နာရီက စခန်းအနီးသွားရောက်ပြီး ပစ်ခတ်တိုက်ခိုက်ခဲ့ခြင်းဖြစ်ကာ စစ်ကောင်စီတပ်မှ နှစ်ဦးသေဆုံးသွားသည်ဟု ဆိုသည်။
“ကျွန်တော်တို့ ချဥ်းကပ်ပြီးစပစ်တော့ သူတို့ ပြန်ပစ်တယ်။ အပြန်အလှန် ၁၅ မိနစ်လောက် ပစ်ပြီး ကျွန်တော်တို့ ပြန်ဆုတ်ခဲ့တယ်။ သိပ်အပြင်အထန်တော့ မတိုက်လိုက်ရဘူး “ဟု သရက်ခရိုင် တပ်ရင်း (၄) Eagle Force မှ တာ ဝန်ရှိသူက ပြောသည်။
အဆိုပါ တိုက်ခိုက်မှုအတွင်း စစ်ကောင်စီတပ်မှ နှစ်ဦးသေဆုံးကာ ဒဏ်ရာရသူများလည်းရှိကြောင်း ဒေသခံသတင်းရင်းမြစ်များထံမှ အတည်ပြုနိုင်ခဲ့သော်လည်း ယင်းအခြေအနေအား စစ်ကောင်စီတပ်က ဖုံးကွယ်ထားကာ သတင်းထိန်ချန်ထားသည်ဟု တပ်ရင်း (၄)မှ တာ ဝန်ရှိသူက ဆက်ပြောသည်။
Public Service Announcement
သရက်ခရိုင် PDF တပ်ရင်း (၄) Eagle Force တပ် ဖွဲ့သည် ယမန်နေ့နံနက်ပိုင်းက သရက်မြို့အခြေစိုက် ကပစ (၁၂)နှင့် ရေမျက်နယ်မြေရဲစခန်းတို့အား တိုက်ခိုက်ခဲ့သေးသည်။
