ရန်ကုန်တိုင်း လှိုင်မြို့နယ်အတွင်း စစ်တပ်အရာရှိဟောင်းဖြစ်သူ ရွှေဝါစက်ရုံ ဒုအထွေထွေမန်နေဂျာသတ်ဖြတ်ခံ ရမှုနဲ့ ဆက်စပ်ပြီး စစ်ကောင်စီက အမျိုးသား ၇ ဦးကို စွပ်စွဲဖမ်းဆီးလိုက်ပါတယ်။
အဲဒီအမျိုသား ၇ ဦးကို ပစ်ခတ်မှုဖြစ်ပြီး ၁၀ ရက်အတွင်း လှိုင် ၊ ကမာရွတ် ၊သင်္ဃန်းကျွန်း နဲ့လှိုင်သာယာမြို့နယ်တွေထဲမှာ စစ်ကောင်စီတပ်ကလိုက်လံ ဖမ်းဆီးခဲ့တာပါ။
ဖမ်းဆီးထားတဲ့ ၇ ဦးဟာ လှိုင် PDF အဖွဲ့ဝင်တွေဖြစ်ပြီး စစ်တပ်အရာရှိဟောင်း ရွှေဝါစက်ရုံ ဒုအထွေထွေမန်နေဂျာကို လုပ်ကြံသူတွေဖြစ်တယ်လို့လည်း မနေ့က ထုတ်ပြန်တဲ့ စစ်ကောင်စီရဲ့ ထုတ်ပြန်ချက်ထဲမှာ စွပ်စွဲထားပါတယ်။
ဒါအပြင်ပြီးခဲ့တဲ့ နှစ် ဇူလိုင်လကနေ ဒီနှစ်ဆန်းပိုင်း ဖေဖော်ဝါရီလအထိ လှိုင် ၊ကမာရွတ် ၊မရမ်းကုန်း ၊အင်းစိန်မြို့နယ်တွေ ထဲကစစ်မှုထမ်းဟောင်းတွေ ၊ရာအိမ်မှုးနဲ့ စစ်တပ်သတင်းတွေသတ်ခံမှု ဖြစ်စဉ် ၁၀ ခုမှာ ပါဝင်ပတ်သက်သူတွေဖြစ်တယ်လို့လည်း စွပ်စွဲထားတာတွေ့ရပါတယ်။
Public Service Announcement
ထုတ်ပြန်လာတဲ့ ဓာတ်ပုံတွေအရ ဖမ်းခံရသူ ၇ ဦးထဲမှာ အမျိုးသားကြီးတွေလည်းပါတာတွေ့ရပါတယ်။
