စစ်ကူလားသည့် ယာဥ်မိုင်းမိပြီး ငါးဦးထပ်သေဟုဆို
မကွေးတိုင်း သရက်မြို့နယ်ရှိ ဆင်ကော်ရဲစခန်းအား ဗုံးပစ်လောင်ချာဖြင့် သုံးချက်ပစ်ခတ်ခဲ့ရာ စခန်းမှူးအပါအဝင် ရဲသုံးဦးသေဆုံးသွားကြောင်း သရက်ခရိုင် PDF တပ်ရင်း (၄) Eagle Force က ပြောသည်။
ယနေ့(ဖေဖော်ဝါရီ ၂၀)နံနက် ၆နာရီက စစ်ကောင်စီလက်အောက်ခံ ဆင်ကော်ရဲစခန်းကို (၄၀) မမ ဗုံးပစ်လောင်ချာဖြင့် ဗုံးသုံးလုံးပစ်ခတ်ခဲ့ရာ စခန်းတွင်းသို့ ဗုံးနှစ်လုံးကျရောက်ပေါက်ကွဲခဲ့သည်ဟု တပ်ရင်း (၄)မှ တာဝန်ရှိသူက ပြောသည်။
အဆိုပါ တိုက်ခိုက်မှုကို သရက်ခရိုင် PDF တပ်ရင်း (၄)နှင့် မိုးကြိုးပြောက်ကျားတပ်ဖွဲ့တို့ ပူးပေါင်းလုပ် ဆောင်ခြင်းဖြစ်ပြီး တိုက်ခိုက်မှုကြောင့် ဆင်ကော်ရဲစခန်းမှူး၊ ဒုရဲအုပ်တစ်ဦးနှင့် ရဲတပ်သားတစ်ဦးအပါအဝင် သုံးဦးသေဆုံးသွားပြီး ဒဏ်ရာရသူများလည်းရှိသည်ဟု ဆိုသည်။
ထိုနောက် သရက်မြို့ပေါ် ကပစ(၁၂)မှ အင်အား ၂၅ဦးခန့်ပါ လိုက်ထရပ်ကားတစ်စီးဖြင့် စစ်ကူလာရာ ပုဏ္ဏားရွာနှင့် တွင်းလည်ရွာကြားတွင် သရက်ခရိုင် PDF တပ်ရင်း (၄)မှ ရဲဘော်များက စောင့်ကြိုမိုင်းဆွဲခဲ့ပြီး စစ်ကောင်စီတပ်သား ငါးဦးသေဆုံးကာ သုံးဦးထိခိုက်သွားကြောင်း အသိပေးသည်။
Public Service Announcement
အလားတူ ယနေ့နံနက် ၈ နာရီခန့်တွင် သရက်ခရိုင် မင်းတုန်းမြို့မှ စစ်ကောင်စီတပ်၏ (၅)မိုင် စစ်ဆေးရေးဂိတ်အား တပ်ရင်း (၄)မှရဲဘော်များက ဒရုန်းဖြင့်ဗုံးသီးနှစ်လုံးချပြီးတိုက်ခိုက်ခဲ့ပြီး စစ်ကောင်စီဘက်မှ ထိခိုက်သေဆုံးအခြေအနေအား မသိရသေးပေ။
“ဗျူဟာအရ သွားနေတာတွေလည်း ရှိပါတယ်။ နောက် ကျနော်တို့ ပုံမှန်လုပ်နေကြအတိုင်း လုပ်နေတာလည်း ရှိပါတယ်။ လက်ရှိမှာတော့ ဘယ်လိုပဲ လုပ်လုပ် လုပ်ပြီးရင် ဝန်ကြီးဌာနကို တင်ပြရတာတွေချည်းပါပဲ”ဟု NUG အစိုးရ၊ ကာကွယ်ရေးဝန်ကြီးဌာန၊ အမှတ် (၁)စစ်ဒေသ၊ သရက်ခရိုင် PDF တပ်ရင်း (၄)မှ တာဝန်ရှိသူက ရှင်းပြသည်။
