Connect with us

Hi, what are you looking for?

LuduNwayOo

သတင်း

ကိုးကန့်တပ်က ဖွဲ့စည်းထားသည့် တိုင်းရင်းသား တပ်မဟာ(၆၁၁)နှင့် စစ်ကောင်စီတိုက်ပွဲဖြစ်

MNDAA တိုင်းရင်းသားတပ်မဟာ(၆၁၁)နှင့် စစ်ကောင်စီ၏ နမ့်ပုံ အခြေစိုက် ခလရ(၂၉၁) တပ်တို့သည် ၂၀၂၂ နိုဝင်ဘာအတွင်းကလည်း လားရှိုးမြို့နယ်အတွင်း၌ တိုက်ပွဲဖြစ်ပွားခဲ့ရာ စစ်ကောင်စီတပ်က သေဆုံးထိခိုက်များပြားခဲ့သည်။

(MNDAA၏ တိုင်းရင်းသားတပ်မဟာအား လက်နက်ပေးအပ်ပွဲပြုလုပ်နေစဉ်။ ဓာတ်ပုံ - MNDAA)
(MNDAA၏ တိုင်းရင်းသားတပ်မဟာအား လက်နက်ပေးအပ်ပွဲပြုလုပ်နေစဉ်။ ဓာတ်ပုံ - MNDAA)

ကိုးကန့်တပ်မတော်(MNDAA)က ဖွဲ့စည်းထားသည့် တိုင်းရင်းသား တပ်မဟာ(၆၁၁)နှင့် စစ်ကောင်စီတပ်တို့ တိုက်ပွဲဖြစ်ပွားခဲ့ကြောင်း MNDAAက သတင်းထုတ်ပြန်သည်။

MNDAA၏ဖော်ပြချက်အရ စစ်ကောင်စီ၏ ခလရ(၂၉၁)တပ်နှင့် တပ်မဟာ(၆၁၁)အကြား မတ်လ ၁၂ရက်က တိုက်ပွဲဖြစ်ပွားခဲ့သည်ဟုဆိုသည်။ MNDAA ၏ တိုင်းရင်းသားတပ်မဟာ(၆၁၁) သည် ရှမ်းမြောက် လားရှို့းမြို့နယ်၌ စစ်ရေးလှုပ်ရှားသည်။

စစ်ကောင်စီတပ်ကို အောင်မြင်စွာတိုက်ခိုက်နိုင်ခဲ့ကြောင်း၊ စစ်ကောင်စီတပ်မှ ထိခိုက်သေဆုံးကို မသိရသေးသော်လည်း တိုင်းရင်းသားတပ်မဟာ (၆၁၁)ဘက်မှ ထိခိုက်သေဆုံးမရှိကြောင်း အသိပေးထားသည်။

Public Service Announcement
Public Service Announcement

တိုက်ပွဲဖြစ်ပွားမှု သတင်းအသေးစိတ်ကို MNDAAက တရုတ်ဘာသာဖြင့် ထုတ်ပြန်ခဲ့ခြင်းဖြစ်ပြီး ယင်းဖော်ပြချက်ကို ဘာသာပြန်ဖြေကြားပေးရန် ကိုးကန့်တပ်တာဝန်ရှိသူအချို့အား ဆက်သွယ်မေးမြန်းရာ နောက်ရက်တွင် ရှင်းပြပေးမည်ဟု ဖြေကြားသည်။

Public Service Announcement

Public Service Announcement

ယခု စစ်ကောင်စီတပ်နှင့် တိုက်ပွဲဖြစ်ပွားခဲ့သည့် တိုင်းရင်းသားတပ်မဟာ(၆၁၁)မှာ စစ်ကောင်စီတပ် အာဏာသိမ်းပြီးနောက် MNDAAက တိုင်းရင်းသားပေါင်းစုံပါဝင်သည့် တပ်မဟာ အသစ်တစ်ခုကို ဖွဲ့စည်းတူထောင်ခဲ့ခြင်းဖြစ်သည်။

အဆိုပါ တပ်မဟာထူထောင်ထားသည်မှာ တစ်နှစ် ကျော်ကြာပြီဖြစ်ပြီး ယခုနှစ်ဆန်းပိုင်းက အင်အားထောင်ချီဖြင့် တစ်နှစ်ပြည့်အခမ်းအနား ကျင်းပကာ လက်နက်တပ်ဆင်ပေးအပ်ခဲ့သည်။

MNDAA တိုင်းရင်းသားတပ်မဟာ(၆၁၁)နှင့် စစ်ကောင်စီ၏ နမ့်ပုံ အခြေစိုက် ခလရ(၂၉၁) တပ်တို့သည် ၂၀၂၂ နိုဝင်ဘာအတွင်းကလည်း လားရှိုးမြို့နယ်အတွင်း၌ တိုက်ပွဲဖြစ်ပွားခဲ့ရာ စစ်ကောင်စီတပ်က သေဆုံးထိခိုက်များပြားခဲ့သည်။

ဆက်စပ်သတင်းများ

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။

သတင်း

ကော်ဘရာစစ်ကြောင်း(၁) စစ်ကြောင်းမှူး ဗိုလ်စောကော်ကလည်း အောင်ဇေယျစစ်ကြောင်းမှ ထွက်ပြေးသည့် စစ်သုံ့ပန်းများအား ဖမ်းမိထားသည်ဟု က People's Springသို့ ပြောထားသည်။သို့​သော် အ​ရေအတွက်ကိုမူ​ပြောကြားခြင်းမရှိ​ပေ။

သတင်း

ခလရ(၁၄၂)အား KIA က မသိမ်းပိုက်မီ ယင်းတပ်ရင်းထဲမှ ကျပ်သိန်းပေါင်း ငါးသောင်းကျော်အား နယ်စပ်ဖြတ်ကျော်၍ ယူဆောင်လာခွင့်ပြုရန် စစ်ကောင်စီ၏တောင်းဆိုမှုကို တရုတ်ကပယ်ချခဲ့ကြောင်း People's Spring က စုံစမ်းသိရှိရသည်။