ကရင်အမျိုးသားအစည်းအရုံး(KNU) ဖာပွန်ခရိုင်၊ ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ(၅) နယ်မြေတွင် မတ်လ ၁ရက်မှ ၁၅ရက်အတွင်း စစ်ကောင်စီတပ်နှင့် တိုက်ပွဲပေါင်း ၇၂ ကြိမ်ဖြစ်ပွားခဲ့ကြောင်း တပ်မဟာ (၅)က သတင်းထုတ်ပြန်သည်။
အဆိုပါတိုက်ပွဲများ၌ စစ်ကောင်စီတပ်မှ ဒုဗိုလ် တစ်ဦးနှင့် ဒုအရာခံဗိုလ် တစ်ဦးအပါအဝင် ၃၁ဦးသေဆုံးပြီး ၂၁ဦး ဒဏ်ရာရခဲ့ကြောင်း ဖော်ပြထားသည်။
ယင်းတိုက်ပွဲများအတွင်း တပ်မဟာ(၅)ဘက်က တပ်သား တစ်ဦး ဒဏ်ရာရခဲ့သည်ဟု အသိပေးထားသည်။
စစ်ကောင်စီတပ်မှ ယာဉ်၃စီးနှင့် မော်တော်ဆိုင်ကယ် တစ်စီးကို ဖျက်ဆီးနိုင်ခဲ့ကြောင်းလည်း ထုတ်ပြန်သည်။
Public Service Announcement
စစ်ကောင်စီတပ်များက ဒေသခံ ပြည်သူများ နေထိုင်ရာရွာနှင့် လုပ်ငန်းခွင်များသို့ လက်နက်ကြီးများ ပစ်ခတ်၍ ပြည်သူ လေးဦး ဒဏ်ရာရရှိခဲ့ကြောင်းလည်း ဖော်ပြထားသည်။
တပ်မဟာ(၅)နယ်မြေတွင် စစ်ကောင်စီတပ်စွဲရာနေရာများ၊ စစ်ကြောင်းများကို KNLA ဘက်က ကြားဖြတ်တိုက်ခိုက်မှု၊ ခြုံခိုတိုက်ခိုက်မှုများဆက်တိုက်လုပ်ဆောင်လျက်ရှိရာ တိုက်ပွဲများနေ့စဉ်ဖြစ်ပွားနေသည်။
