Connect with us

Hi, what are you looking for?

သတင်း

နေပြည်တော်ရှိ တပ်စစ်ရေးပြကွင်းနှင့် လေယာဥ်ကွင်းတို့ကို PDF က၁၀၇ ရှော့တိုက်ဒုံးများဖြင့် တိုက်ခိုက်

ယနေ့ မတ် ၂၆ ရက်ညနေပိုင်းက နေပြည်တော် စစ်ရေးပြကွင်းနေရာနှင့် သာဝတ္ထိနှင့် ရေနီကြားရှိ လေ့ကျင့်ရေး (၅)တပ်ဝန်းတို့ကို တိုက်ခိုက်ခဲ့ခြင်းဖြစ်သည်ဟု ဆို သည်။

​နေပြည်​တော်တွင် ၂၀၂၂ မတ် ၂၇ ရက်က စစ်​ရေးပြအခမ်းအနားပြုလုပ်စဥ်။ဓါတ်ပုံ- AFP
​နေပြည်​တော်တွင် ၂၀၂၂ မတ် ၂၇ ရက်က စစ်​ရေးပြအခမ်းအနားပြုလုပ်စဥ်။ဓါတ်ပုံ- AFP

စစ်ကောင်စီရုံးစိုက်ရာ နေပြည်တော်တွင် တပ်မတော်နေ့စစ်ရေးအခမ်းအနားပြုလုပ်ရန်ပြင်ဆင်နေသော စစ်ရေး ပြကွင်းနှင့် လေယာဥ်ကွင်းတစ်ခုအား ၁၀၇ ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ကြောင်း ပြည်သူ့ကာကွယ် ရေးတပ်မတော်(နေပြည်တော်)NPT PDF မှ တာဝန်ရှိသူတစ်ဦးက People’s Spring သတင်းဌာနသို့ ပြောသည်။

ယနေ့ မတ် ၂၆ ရက်ညနေပိုင်းက နေပြည်တော် စစ်ရေးပြကွင်းနေရာနှင့် သာဝတ္ထိနှင့် ရေနီကြားရှိ လေ့ကျင့်ရေး (၅)တပ်ဝန်းတို့ကို တိုက်ခိုက်ခဲ့ခြင်းဖြစ်သည်ဟု ဆို သည်။

“သာဝထ္တိ ​ရေနီ ကြားရှိတဲ့ ​လေ့ကျင့်​ရေး ၅ ကိုထုထားတာ ၄ နာရီ​လောက်က။ လုပ်ငန်းစဥ်မပို့လာ​သေးတော့ အသေးစိပ်ပြောလို့ မရသေးဘူးဗျ။ ​မစ်ရှင် ၂ ခုလွှတ်ထားတယ်။ စစ်​ရေးပြကွင်း​ရော၊ ​လေယာဥ်ကွင်းရော”ဟု NPD PDF မှ တာဝန်ရှိသူက People’s Spring သတင်းဌာနသို့ ပြောသည်။

ဖက်ဆစ်တိုက်ဖျက်​ရေး​နေ့(မတ် ၂၇)တွင်စစ်​ကောင်စီက စစ်​ရေးပြအခမ်းအနားပြုလုပ်ရန် နာရီပိုင်းအလိုဖြစ်​သောယနေ့ည ၇ နာရီကျော်၌ PDFများက စစ်ရေးပြကွင်းအား တိုက်ခိုက်မှုတွင် ၁၀၇ ရှော့တိုက်ဒုံးလေးလုံးအသုံးပြုပစ်ခတ်ခဲ့​ကြောင်း​တော်လှန်​ရေးအင်အားစုအချို့က​ပြောသ်။ ယနေ့ မတ် ၂၆ တွင်ကျရောက်သော ကိုဖြိုးဇေယျာသော်(ခ) မောင်ကျော်၏ တော်လှန်မွေးနေ့ကိုဂုဏ်ပြုသောအားဖြင့် တိုက်ခိုက်ခြင်းဖြစ်ကြောင်း တော်လှန်ရေးတပ်ဖွဲ့များနှင့်နီးစပ်သည့် သတင်းရင်းမြစ်များထံမှ သိရသည်။

Public Service Announcement

Public Service Announcement

​နေပြည်​တော်ရှိ စစ်​ရေးပစ်မှတ်တစ်ခုကိုတာ​ဝေးပစ်လက်နက်ကြီး ဖြင့်ပစ်ခတ်တိုက်ခိုက်​နေစဥ်။ဓါတ်ပုံ-​နေပြည်​တော်PDF
​နေပြည်​တော်ရှိ စစ်​ရေးပစ်မှတ်တစ်ခုကိုတာ​ဝေးပစ်လက်နက်ကြီး ဖြင့်ပစ်ခတ်တိုက်ခိုက်​နေစဥ်။ဓါတ်ပုံ-​နေပြည်​တော်PDF

စစ်ကောင်စီသည် မနက်ဖြန်ကျရောက်မည့် (၇၈) နှစ် မြောက် တပ်မတော်နေ့အတွက် အခမ်းအနားပြုလုပ်ရန် နေပြည်တော်၌ ပြင်ဆင်လျှက်ရှိပြီး တော်လှန်ရေးတပ်ဖွဲ့များ ရှော့တိုက်ဒုံးများဖြင့်တိုက်ခိုက်ချိန်တွင်လည်း စစ်ကောင်စီတပ်များရှိနေကြောင်း ဒေသခံများထံမှ သိရသည်။

အထက်ပါတိုက်ခိုက်မှုများအတွင်း စစ်ကောင်စီတပ်ဘက်မှ ထိခိုက်သေဆုံးမှုရှိ၊မရှိကို မသိရသေးဘဲစုံစမ်းနေဆဲဖြစ်သည်။

မတ်လ (၁၃)ရက် ည​နေပိုင်းကလည်းနေပြည်​တော် PDF လက်နက်ကြီးအဖွဲ့က နေပြည်တော်၊ လယ်ဝေးမြို့နယ်၊ အောင်နန်းချိုရွာ အနီးရှိ ခမရ(၆၀၄) တပ်ရင်းသို့ လက်နက်ကြီး (၄) လုံးဖြင့် ပစ်ခတ်တိုက်ခိုက်ခဲ့​သေးသည်။

လက်နက်ကြီး(၄) လုံးအနက် (၁) လုံးမှာ ရန်သူ့တပ်၏ စစ်တန်းလျားသို့ တိုက်ရိုက်ထိမှန်ခဲ့ပြီး (၁)လုံးမှာ လက်နက်တိုက်အနီးတွင် ကျရောက်ပေါက်ကွဲခဲ့ကာ ကျန်(၂) လုံးမှာ တပ်ရင်းအနီးပတ်ဝန်းကျင်သို့ ကျ​ရောက်ပေါက်ကွဲခဲ့​ကြောင်း NUG ကာကွယ်​ရေးဝန်ကြီးဌာနကထုတ်ပြန်သည်။

ထိုအပြင်ဖေဖော်ဝါရီ ၂၂ ရက်ကလည်းနေပြည်တော်၊ တောင်ညိုဒေသ ဥတ္တသီရိမြို့နယ်တွင် အခြေစိုက်သည့် အမှတ် (၈)လေကြောင်းရန်ကာကွယ်ရေးကွပ်ကဲမှုဌာနချုပ်အောက်မှ လေဆိပ်ဗျူဟာအား PDF တပ်ပေါင်းစုက တာဝေးပစ်ဒုံးကျည် ၂ စင်းဖြင့်ပစ်ခတ်တိုက်ခိုက်ခဲ့ရာတစ်စင်းသည် အရာရှိအ​ဆောင်ဟုယူဆရသည့် အဆာင်ကိုထိမှန်ခဲ့​ကြောင်း​နေပြည်​တော် PDF မှတာဝန်ရှိသူက​ပြောသည်။ထို​ကြောင့် တစ်လ ဝန်းကျင်အတွင်း​နေပြည်​တော်ရှိ စစ်​ရေးပစ်မှတ် ၄ ခုကို PDFများကတိုက်ခိုက်ခဲ့ခြင်းဖြစ်သည်။

ဆက်စပ်သတင်းများ

သတင်း

စစ်ကောင်စီက အတင်းအဓမ္မလူသစ်စုစောင်းခံရသည့် တပ်သားတစ်ဦး လက်နက်နှင့်အတူအလင်းဝင်ရောက်လာကြောင်း ပြည်သူ့ကာကွယ်ရေးအဖွဲ့ - နေပြည်တော်မှ တိုင်း တာဝန်ခံ ကိုနောင်ချိုက လူထုနွေဦးသို့ ပြော သည်။

ဆောင်းပါး

စစ်ကောင်စီစခန်းတစ်ခုမှာ ဖမ်းဆီးခံထားရတာလည်း အချိန်တခုကြာခဲ့ပြီ။ သူက PDFလည်းမဟုတ်ဘဲ သာမန်ပြည်သူတစ်ဦးပါ။

News Story

ချောင်းဦးမြို့ဟာ စစ်ကိုင်းတိုင်း၊ မုံရွာ-မန္တလေးလမ်းပေါ်က အညာမြို့ငယ်လေးတမြို့ပါ။ သို့ပေသိ နွေဦးတော်လှန်ရေးမှာ ချောင်းဦးမြို့ရဲ့ တော်လှန်ရေးအပေါ်ခံယူချက်၊ ပေးဆပ်ရမှုတွေက မနည်းခဲ့ဘူး။ တော်လှန်ရေးခရီးအစ ၂၀၂၁ ခုနှစ် နိုဝင်ဘာလထဲမှာ စစ်ကောင်စီရဲ့ဖမ်းဆီးသတ်ဖြတ်ခံခဲ့ရတဲ့ ချောင်းဦး PDF လေး နှစ်ဦးရဲ့ "ချောင်းဦး PDF ပါခင်ဗျ။ ချောင်းဦး PDF...

သတင်း

မွန်ပြည်နယ်၊ ဘီးလင်းမြို့နယ်ထဲက မဲပလီစစ်ကောင်စီဗျူဟာစခန်းကို​တော်လှန်​ရေးတပ်​တွေက သိမ်းပိုက်ခဲ့တဲ့ ရုပ်သံမှတ်တမ်းကို ပြည်သူ့ကာကွယ်ရေးတပ်မတော်(PDF) အမှတ်(၂၇)စစ်ဗျူဟာက ထုတ်ပြန်ပါတယ်။