အောင်မင်္ဂလာအဝေးပြေးကားကွင်း အမှတ်(၂) စစ်ဆေးရေးဂိတ် ဖောက်ခွဲတိုက်ခိုက်

ရဲနှစ်ဦး ထိခိုက်ဟု YUA ပြော

ရန်ကုန်မြို့ မင်္ဂလာဒုံမြို့နယ် အောင်မင်္ဂလာအဝေးပြေးကားကွင်း အမှတ်(၂)စစ်ဆေးရေးဂိတ် ဖောက်ခွဲတိုက်ခိုက်ရာ အကြမ်းဖက်စစ်ကောင်စီလက်‌အောက်ခံ ရဲနှစ်ဦး ဒဏ်ရာရရှိခဲ့ကြောင်း Yangon UG Association တာဝန်ခံ ဆရာကျောင်းက ပြောသည်။

“အဲဒီ့နားမှာက စစ်ဆေးတယ်ဆိုတာထပ်ကို ဗြောင်ပိုက်ဆံတောင်းနေတဲ့ဂိတ် ။ စောင့်ကြည့်နေတာလည်းကြာပြီ။ ဒီဘက်မှာကျတော့ အများပြည်သူက ဥဒဟိုသွားနေတာဆိုတော့ တော်တော်လေးချင့်ချိန်ပြီးမှလုပ်ဖြစ်တာ။ အခုက သူတို့ကတဖြည်းဖြည်းဆိုးလာတဲ့အတွက် ထိခိုက်မှုအများဆုံးဖြစ်အောင်လုပ်လိုက်ဝာာ”ဟု ၎င်းက ပြောသည်။

အဆိုပါစစ်ဆင်ရေးကို ဧပြီ ၁ရက် နံနက် ၉ နာရီခန့်တွင် YUA ၏ တတိယမြောက်အသက် လျော်ကြေး စစ်ဆင်ရေးအနေဖြင့် God’s Hand Forces (GHF) အဖွဲ့က ဖောက်ခွဲတိုက်ခိုက်ခဲ့ခြင်းဖြစ်ပြီး အဖွဲ့သားအားလုံးဘေးကင်းသည်ဟု ၎င်းကဆိုသည်။

“သင်္ကြန်နီးလာတဲ့ အချိန်မှာ စစ်ကောင်စီဘက် တော်သားတွေကို သတိပေးလိုက်တာ။ သူတို့လုပ်ချင်တာလုပ်ချင်တိုင်း လုပ်လို့မရတာကို သိစေချင်တာပါ”ဟု ဆရာကျောင်းက ပြောသည်။

Public Service Announcement

အသက်‌လျော်ကြေး စစ်ဆင်ရေးသည် မတရား သဖြင့် သေဒဏ်ချမှတ်ခံရသော ရဟန်းရှင်လူများနှင့် ကျောင်းသားများအတွက် လက်စားခြေသည့်အနေဖြင့် ရည်ရွယ်လုပ်ဆောင်သည့် စစ်ဆင်ရေးဖြစ်သည်။

YUA အနေဖြင့် ယခင်ကလည်း အောင်မင်္ဂလာစစ်ဆင်ရေး ၊ ပြည်သူ့ကမ်းလက်စစ်ဆင်ရေး စသည့် အမည်များဖြင့် စစ်ဆင်ရေးများပြုလုပ်ခဲ့သည်။