'/%3E%3C/svg%3E){kind=small}
စစ်ကိုင်းတိုင်း၊ စစ်ကိုင်းမြို့နယ်တွင် စစ်ကောင်စီတပ်သားတစ်ဦး အလင်းဝင်ရောက်ကာ ပြည်သူနှင့်အတူ ပူးပေါင်းလာကြောင်း ဆားတောင်မိုးကြိုးပြည်သူ့ကာကွယ်ရေးအဖွဲ့က ပြောသည်။
ရခိုင်ပြည်နယ်၊ ဂွမြို့အခြေစိုက် ခမရ (၅၆၃) တပ်ရင်းတွင် တာဝန်ထမ်းဆောင်ခဲ့သူ အသက် (၂၈)နှစ်အရွယ် စစ်ကောင်စီတပ်သား အောင်ကိုကိုဦးဆိုသူသည် စစ်ကိုင်းခရိုင်အခြေစိုက် ဆားတောင်မိုးကြိုးအဖွဲ့ထံ မတ်လ ၃၁ ရက်က အလင်းဝင်ရောက်လာခြင်းဖြစ်ကြောင်း အဆိုပါအဖွဲ့က ပြောသည်။
အဆိုပါတပ်သားသည် စစ်ကောင်စီလက်အောက်တွင် ဆက်လက်တာဝန်ထမ်းဆောင်လိုခြင်းမရှိတော့၍ အလင်းဝင်ရောက်လာခဲ့ခြင်းဖြစ်ကြောင်း ဆားတောင်မိုးကြိုးပြည်သူ့ကာကွယ်ရေးအဖွဲ့က ပြောသည်။
“ရခိုင်ကနေ ထွက်ပြေးလာတာပါ။ ဘာမှတော့ပါမလာပါဘူး။ လူချည်းပဲ လွတ်အောင်ပြေးလာတာလို့ပြောပါတယ်။ သူက ရဲဘော်တွေနဲ့အတူ တော်လှန်မှာပါ။ MOD နဲ့ချိတ်ဆက်ပြီးတောာ့လုပ် စရာရှိတာတွေကို စီစဥ်ဆောင်ရွက်သွားမှာပါ။”ဟု ဆားတောင်မိုးကြိုးပြည်သူ့ကာကွယ်ရေးအဖွဲ့ ပြန်ကြားရေးတာဝန်ခံက ပြောသည်။
Public Service Announcement
စစ်ကောင်စီတပ်က အာဏာသိမ်းပြီးနောက် CDM ပြုလုပ်လာသည့် ရဲနှင့် စစ်သား တစ်သောင်းကျော်ရှိပြီး ပြည်သူ့ရင်ခွင့်တံခါးမပိတ်မီ အမြန်ဆုံးခိုလှုံကြရန် NUG ကာကွယ်ရေးဝန်ကြီးဌာနက ယမန်နေ့(ဧပြီ၂ ရက်)တွင် တိုက်တွန်းထားသည်။
