Connect with us

Hi, what are you looking for?

LuduNwayOo

သတင်း

နေပြည်တော် အေလာတပ်စခန်းကို မြို့ပြအထူးစစ်ဆင်ရေးအဖွဲ့တိုက်ခိုက်

​​တော်လှန်​ရေးအင်အားစုများက စစ်​ကောင်စီ​လေတပ်၏ ​လေယာဥ်ကွင်းများ ၊ ​လေ​ကြောင်းရန်ကာကွယ်​ရေးရုံးများ ကိုယခုလပိုင်းအတွင်း ပိုမိုတိုက်ခိုက်လာ​​နေရာ ယခုအခါ​နေပြည်​တော်​လေတပ်စခန်းများကိုပင် တိုက်ခိုက်လာနိုင်ခြင်းဖြစ်သည်။

(စစ်​ကောင်စီ​၏ ​နေပြည်​တော်​လေတပ်စခန်းအ​ဆောက်အအုံကို ဂြိုဟ်တုမှ​မြင်​တွေ့ရစဥ် (ဓါတ်ပုံ-Myanmar Witness) ။ ဧလာ​လေတပ်စခန်းအနီး မီး​လောင်ကျွမ်း​နေမှုကိုအ​ဝေးမှ​တွေ့ရမှု ။ဓါတ်ပုံ-CJ)
စစ်​ကောင်စီ​၏ ​နေပြည်​တော်​လေတပ်စခန်းအ​ဆောက်အအုံကို ဂြိုဟ်တုမှ​မြင်​တွေ့ရစဥ် (ဓါတ်ပုံ-Myanmar Witness)

▪︎ဆီလှောင်ကန်ပေါ်ကျပြီး မီးကူးစက်လောင်ကျွမ်းဟုဆို

စစ်ကောင်စီရုံးစိုက်ရာ နေပြည်တော်ရှိ အေလာလေတပ်စခန်းအား မြို့ပြအထူးစစ်ဆင်ရေးအဖွဲ့မှ UG များက လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း နေပြည်တော်ပြည်သူ့ကာကွယ်ရေးတပ်မတော် NPDF မှ တာဝန်ရှိသူတစ်ဦးက People’s Spring သတင်းဌာနသို့ပြောသည်။

ယမန်နေ့( ဧပြီ ၁၆ ရက်​နေ့) ည ၁၁ နာရီဝန်းကျင်တွင် အေလာလေတပ်စခန်းအတွင်းသို့ လက်နက်ကြီးများဖြင့် ပစ် ခတ်တိုက်ခိုက်ခဲ့ခြင်းဖြစ်ပြီး တပ်ဝန်းအတွင်းရှိ ဆီလှောင် ကန်ပေါ်ကျရောက်ပေါက်ကွဲကာ မီးလောင်ကျွမ်းခဲ့၍ မီးသတ်ယာဥ်များဖြင့်ပါ ငြှိမ်းသတ်ခဲ့ရသည်ဟု နေပြည်တော်သတင်းရင်းမြစ်များက ဆိုသည်။

(စစ်​ကောင်စီ​၏ ​နေပြည်​တော်​လေတပ်စခန်းအ​ဆောက်အအုံကို ဂြိုဟ်တုမှ​မြင်​တွေ့ရစဥ် (ဓါတ်ပုံ-Myanmar Witness) ။ ဧလာ​လေတပ်စခန်းအနီး မီး​လောင်ကျွမ်း​နေမှုကိုအ​ဝေးမှ​တွေ့ရမှု ။ဓါတ်ပုံ-CJ)
ဧလာ​လေတပ်စခန်းအနီး မီး​လောင်ကျွမ်း​နေမှုကိုအ​ဝေးမှ​တွေ့ရမှု ။ဓါတ်ပုံ-CJ)

“မြို့ပြအထူးစစ်ဆင်​ရေးဌာနနဲ့ မြို့ပြ UG ပူး​ပေါင်းအဖွဲ့​တွေလုပ်​ဆောင်တယ် သိရပါတယ်ခင်ဗျ။ မ​နေ့ညပိုင်းက စကစ မီးသတ်ဌာန​တွေ အ​တော်မီးငြှိမ်းယူရတယ်ဗျ”ဟု နေပြည်တော် ပြည်သူ့ကာကွယ်ရေးတပ်မတော် NPDF မှ တာဝန်ရှိသူတစ်ဦးက People’s Spring သို့အတည်ပြုပြောကြား သည်။

တိုက်ခိုက်မှုတွင် တော်လှန်ရေးရဲဘော်များဘက်မှ လက် နက်ကြီးများဖြင့် ပစ်ခတ်ခဲ့သည်ဟုသာ သိရသော်လည်း အရေအတွက်မည်မျှ ပစ်ခတ်ခဲ့သည်ကို အတိအကျမသိရသလို လေတပ်ဝန်းထိခိုက်ပျက်စီးမှုအားလည်း မသိရသေးပေ။

(စစ်​ကောင်စီ​၏ ​နေပြည်​တော်​လေတပ်စခန်းအ​ဆောက်အအုံကို ဂြိုဟ်တုမှ​မြင်​တွေ့ရစဥ် (ဓါတ်ပုံ-Myanmar Witness) ။ ဧလာ​လေတပ်စခန်းအနီး မီး​လောင်ကျွမ်း​နေမှုကိုအ​ဝေးမှ​တွေ့ရမှု ။ဓါတ်ပုံ-CJ)
ဧလာ​လေတပ်စခန်းအနီး မီး​လောင်ကျွမ်း​နေမှုကိုအ​ဝေးမှ​တွေ့ရမှု ။ဓါတ်ပုံ-CJ)

​တော်လှန်​ရေးအင်အားစုများမှ သတင်းရင်းမြစ်တစ်ဦးကလည်း အဆိုပါ စစ်ဆင်​ရေးတိုက်ခိုက်ခဲ့သည်မှာမှန်ကန်​ကြောင်း People’s Spring သို့ အတည်ပြုသည်။

Public Service Announcement

Public Service Announcement

ပစ်ခတ်တိုက်ခိုက်ခံရမှုကြောင့် လေတပ်ဝန်းအတွင်း မီးလောင်ခဲ့ရာ လယ်ဝေးမြို့နယ် မီးသတ်စခန်းမှ မီးသတ်ယာဥ်များ၊ အေလာနယ်မြေ မီးသတ်စခန်းမှ မီးသတ်ယာဥ်များ၊ သာဝတ္တိနယ်မြေ မီးသတ်စခန်းနှင့် ခရိုင်မီးသတ်စခန်းမှ မီးသတ်ယာဥ်များ သွားရောက်မီးငြှိမ်းသတ်ခဲ့ရပြီး ယမန်နေ့ည ၁၂ နာရီ ၄၇ မိနစ်ခန့်တွင်မှ မီးငြိမ်းသတ်နိုင်ခဲ့ကြောင်း နေပြည်တော်သတင်းရင်းမြစ်များက​ပြောသည်။

သို့​သော်မီး​လောင်ကျွမ်းမှုမှာ စစ်​ကောင်စီ​လေတပ်စခန်း၏ ဆီသို​လှောင်ကန်​လောင်းကျွမ်းခြင်းလား ၊ တိုက်ခိုက်မှု​နောက်ဆက်တွဲ​အနီးရှိသစ်​တောများ မီးကူးစက်ရာမှ ​လောင်ကျွမ်းခြင်းလားဆိုသည်ကိုမူ People’s Spring ကသီးခြားအတည်မပြုနိုင်ပါ။

(စစ်​ကောင်စီ​၏ ​နေပြည်​တော်​လေတပ်စခန်းအ​ဆောက်အအုံကို ဂြိုဟ်တုမှ​မြင်​တွေ့ရစဥ် (ဓါတ်ပုံ-Myanmar Witness) ။ ဧလာ​လေတပ်စခန်းအနီး မီး​လောင်ကျွမ်း​နေမှုကိုအ​ဝေးမှ​တွေ့ရမှု ။ဓါတ်ပုံ-CJ)
ဧလာ​လေတပ်စခန်းအနီး မီး​လောင်ကျွမ်း​နေမှုကိုအ​ဝေးမှ​တွေ့ရမှု ။ဓါတ်ပုံ-CJ)

အလားတူ ယမန်နေ့ ဧပြီ ၁၆ ရက်နေ့ညနေ ၆ နာရီခန့်ကလည်း နေပြည်တော် ဇမ္ဗူသီရိမြို့နယ်ဘက်မှ ဒက္ခိဏသီရီမြို့နယ် သံတမန်ဇုန်ဘက်အထွက်ရှိ စစ်ကောင်စီစစ် ဆေးရေးဂိတ်ကို စစ်တောင်းမြို့ပြပြောက်ကျားတပ်ဖွဲ့နှင့် ဒက္ခဏိ ပ.က.ဖ တို့ပူးပေါင်းပြီး လက်ပစ်ဗုံးဖြင့် ပစ်ခတ်တိုက်ခိုက်ခဲ့သေးသည်။အဆိုပါစစ်ကောင်စီစစ်ဆေးရေးဂိတ်အား တိုက်ခိုက်မှုတွင် ရဲတပ်ဖွဲ့ဝင်ခြောက်ဦးထက်မနည်းသေဆုံးကာ ထိခိုက်ဒဏ်ရာရသူများလည်းရှိကြောင်း တိုက်ခိုက်မှုတွင်ပါဝင်သည့် တော်လှန်ရေးအဖွဲ့များက ထုတ်ပြန်ထားသည်။

​​တော်လှန်​ရေးအင်အားစုများက စစ်​ကောင်စီ​လေတပ်၏ ​လေယာဥ်ကွင်းများ ၊ ​လေ​ကြောင်းရန်ကာကွယ်​ရေးရုံးများ ကိုယခုလပိုင်းအတွင်း ပိုမိုတိုက်ခိုက်လာ​​နေရာ ယခုအခါ​နေပြည်​တော်​လေတပ်စခန်းများကိုပင် တိုက်ခိုက်လာနိုင်ခြင်းဖြစ်သည်။