Connect with us

Hi, what are you looking for?

LuduNwayOo

သတင်း

ပြည်သူတွေအပေါ် အာဏာသိမ်းစစ်တပ်ရဲ့ အကြမ်းဖက်မှုတွေကို G7 နိုင်ငံခြားရေးဝန်ကြီးတွေ ရှုတ်ချ

ဂျပန်နိုင်ငံမှာ ကျင်းပတဲ့ ဆွေးနွေးပွဲမှာ ကမ္ဘာ့ ဖွံ့ဖြိုးပြီး နိုင်ငံကြီး ၇ ခုက နိုင်ငံခြားရေး ဝန်ကြီးတွေနဲ့အတူ ဥရောပ သမဂ္ဂကပါ ပူးပေါင်း တက်ရောက်ခဲ့တာ ဖြစ်ပါတယ်။

(ဂျပန်နိုင်ငံတွင် G-7 နိုင်ငံခြား​ရေးဝန်ကြီးများအစည်းအ​ဝေးပြုလုပ်စဥ်။ဓါတ်ပုံ-ရိုက်တာ)
(ဂျပန်နိုင်ငံတွင် G-7 နိုင်ငံခြား​ရေးဝန်ကြီးများအစည်းအ​ဝေးပြုလုပ်စဥ်။ဓါတ်ပုံ-ရိုက်တာ)

G7ရဲ့ နိုင်ငံခြားရေး ဝန်ကြီးတွေ တွေ့ဆုံ ဆွေးနွေးမှုအပြီး ပူးတွဲ ကြေညာချက်မှာ အာဏာသိမ်း မြန်မာစစ်တပ်က ပြည်သူတွေအပေါ် အကြမ်းဖက် တိုက်ခိုက်နေမှုတွေကို ရှုတ်ချကြောင်း ထည့်သွင်း ဖော်ပြသွားခဲ့ပါတယ်။

လွန်ခဲ့တဲ့ ၂ နှစ်ကျော်က မြန်မာစစ်တပ်ဟာ ဒီမိုကရေစီ အစိုးရကို လက်နက်အားကိုးနဲ့ ဖြုတ်ချပြီး အဓမ္မ အာဏာသိမ်းခဲ့တဲ့နောက် နိုင်ငံတဝန်းမှာ ပြင်းပြင်းထန်ထန် ဆန့်ကျင် တော်လှန်မှုတွေနဲ့ ကြုံနေရပါတယ်။ အဲဒီနောက် အာဏာသိမ်း စစ်တပ်ဟာ တော်လှန်ရေး အင်အားစုတွေနဲ့ ပြည်သူလူထုအပေါ် ရက်ရက်စက်စက် အကြမ်းဖက် ဖိနှိပ်မှုတွေ လုပ်ဆောင်လာတဲ့အပေါ် G7 အဖွဲ့ဝင် နိုင်ငံတွေက တစိတ်တဝမ်းတည်း ကန့်ကွက် ရှုတ်ချခဲ့တာ ဖြစ်ပါတယ်။

ဒါ့အပြင် မြန်မာနိုင်ငံမှာ လုံခြုံရေးနဲ့ လူသားရေးရာ အကျပ်အတည်းတွေ တစထက်တစ ပိုမို ဆိုးရွားလာနေတာနဲ့ ပတ်သက်လို့လည်း အလေးအနက် စိုးရိမ်တယ်လို့ G7 အဖွဲ့ဝင် နိုင်ငံခြားရေး ဝန်ကြီးတွေရဲ့ ထုတ်ပြန်ချက်မှာ ထည့်သွင်း ဖော်ပြသွားခဲ့ပါတယ်။

ဂျပန်နိုင်ငံမှာ ကျင်းပတဲ့ ဆွေးနွေးပွဲမှာ ကမ္ဘာ့ ဖွံ့ဖြိုးပြီး နိုင်ငံကြီး ၇ ခုက နိုင်ငံခြားရေး ဝန်ကြီးတွေနဲ့အတူ ဥရောပ သမဂ္ဂကပါ ပူးပေါင်း တက်ရောက်ခဲ့တာ ဖြစ်ပါတယ်။

Public Service Announcement

Public Service Announcement

G7 နိုင်ငံခြားရေး ဝန်ကြီးတွေက ယူကရိန်း စစ်ပွဲကို အကြောင်းပြုပြီး ရုရှားအပေါ် နိုင်ငံတကာ အရေးယူ ပိတ်ဆို့မှုတွေ မြှင့်တင်ရေးကို ထောက်ခံခဲ့ကြသလို မြောက်ကိုရီးယားရဲ့ ဒုံးကျည် စမ်းသပ်မှုတွေ အရှိန်အဟုန် မြှင့်တင်လာနေတာကိုလည်း တစိတ်တဝမ်းတည်း ရှုတ်ချသွားခဲ့ပါတယ်။

ပြီးတော့ ထိုင်ဝမ်နဲ့ အင်ဒို-ပစိဖိတ် ဒေသတွေမှာ တရုတ်ရဲ့ စစ်ရေးလှုပ်ရှားမှုတွေကြောင့် ဒေသတည်ငြိမ်မှုနဲ့ လုံခြုံရေးဆိုင်ရာ ခြိမ်းခြောက်မှုတွေ ဆိုးရွားလာတာနဲ့ ပတ်သက်လို့လည်း G7က ဝေဖန် သတိပေးသွားပါတယ်။ ဒါ့အပြင် ဆူဒန်နိုင်ငံမှာ လက်ရှိ ဖြစ်ပွားနေတဲ့ စစ်တပ်နဲ့ အရန်တပ်ဖွဲ့တွေကြား အာဏာလု စစ်ခင်းတိုက်ခိုက်မှုတွေ၊ အာဖဂန် နစ္စတန် နိုင်ငံမှာ တာလီဘန်တွေရဲ့ လူ့အခွင့်အရေး ကန့်သတ် ချိုးဖောက်နေမှုတွေကိုလည်း G7 နိုင်ငံခြားရေး ဝန်ကြီးတွေက ပြစ်တင် ပြောဆိုသွားပါတယ်။

အခုဆွေးနွေးပွဲဟာ နောက်လထဲကျရင် ဟီရိုရှီးမားမြို့မှာ G7 နိုင်ငံခေါင်းဆောင်တွေ တက်ရောက်မယ့် ထိပ်သီး ညီလာခံရဲ့ အကြို တွေ့ဆုံမှုလို့လည်း ဆိုနိုင်ပါတယ်။ G7မှာ အဖွဲ့ဝင် နိုင်ငံတွေအဖြစ် ကနေဒါ၊ ပြင်သစ်၊ ဂျာမနီ၊ အီတလီ၊ ဂျပန်၊ ဗြိတိန်နဲ့ အမေရိကန် ပြည်ထောင်စုတို့ ပါဝင်ပြီး ဥရောပ သမဂ္ဂကလည်း မိတ်ဖက် အနေနဲ့ ပါဝင်ဆွေးနွေးနေတာ ဖြစ်ပါတယ်။

ဆက်စပ်သတင်းများ

နိုင်ငံတကာ

ခရွတ်စ်ခ်ဟာ ထရမ့်ကိုယ်စားပြုတဲ့ ရီပတ်ဘလစ်ကန် ပါတီကို ထောက်ခံသူ တစ်ဦးအဖြစ် မဲစာရင်း ပေးထားပေမယ့်လည်း သူ့ရဲ့ နိုင်ငံရေး အမြင်ရှုထောင့်တွေကို ဘယ်တုန်းကမှ ထုတ်ဖော်ဆွေးနွေးတာမျိုး မရှိခဲ့ဘူးလို့ နီးစပ်သူတွေက ပြောကြားထားပါတယ်။

သတင်း

မိုးကုတ်မြို့တွင်လည်း တိုက်ပွဲဆက်လက်ပြင်းထန်နေပြီး မြို့ခံများသည် မန္တလေးသို့သွားရောက်တိမ်းရှောင်ရန် ကြိုးစားနေကြသည်။

သတင်း

ကျောက်မဲမြို့နယ်၊ နောင်ချိုမြို့နယ်နှင့် မိုးကုတ်မြို့နယ်တို့တွင် ​ဒေသခံပြည်သူ ၂၂ဦးသေဆုံးခဲ့ပြီး ဒဏ်ရာရရှိသူ ၃၀ဦးအထိ ရှိလာခဲ့ကြောင်း TNLAက ထုတ်ပြန်ထားသည်။

သတင်း

ကုလသမဂ္ဂသည် မြန်မာပြည်ရှိ လူပေါင်း ၂ သန်းကျော်ကို ရောက်ရှိကူညီခဲ့ပြီးဖြစ်ပြီး လာမည့် ၂၀၂၅ နှစ်ကုန်တွင် လူပေါင်း ၈ သန်း​အထိ ရောက်ရှိကူညီနိုင်ရန် ရည်မှန်းထားသည်ဟု ဆိုသည်။