စစ်​ကောင်စီက ဖမ်းပြီးပြန်လွှတ်​ပေးသူများတွင်လက်ရွေးစင် ဘောလုံးသမား ကောင်းစည်သူပါဝင်

▪︎​သို့​သော် ကောင်စည်သူ၏အကိုရင်း MMA ကစားသမားဖိုး​​သော် ပြန်မလွတ်​သေး

စစ်​ကောင်စီက ကဆုန်လပြည့်​​နေ့တွင် မတရားဖမ်းဆီးထားသူများမှ ၂၅၀၀ ကျော်ကိုပြန်လွှတ်​ပေး​ကြောင်း​ကြေညာရာတွင် မြန်မာ့လက်ရွေးစင် ဘောလုံးသမား ကောင်းစည်သူ ပါဝင်ခဲ့ကြောင်း ဘောလုံးနှင့် နီးစပ်သည့် အသိုင်းအဝန်းမှ သိရသည်။

” ကောင်းစည်သူ ပြန်လွတ်တာကို သူ့အမျိုးသမီးကနေတဆင့် သိရတာပါ။ ညနေပိုင်းက အိမ်ပြန်ရောက်နေပြီလို့သိရပါတယ်။ ပြန်လွတ်တယ် ကြားရတော့ ဝမ်းသာမိတယ် ” ဟု ကောင်းစည်သူ၏ မိတ်ဆွေတစ်ဦးက ပြောသည်။

ကောင်းစည်သူသည် ပြီးခဲ့သည့် ၂၀၂၁ မေလအတွင်းက ၎င်း၏ အစ်ကိုဖြစ်သူ MMA ကစားသမား ဖိုးသော်၏ ကန်တော်ကြီးအတွင်းရှိ အားကစားရုံ ပေါက်ကွဲမှုနှင့် ဆက်စပ်၍ စစ်ကောင်စီ၏ ဖမ်းဆီးခံခဲ့ရခြင်း ဖြစ်သည်။

ကောင်းစည်သူ ပြန်လည်လွတ်မြောက်လာခဲ့သော်လည်း ၎င်း၏ အစ်ကိုဖြစ်သူ MMA ကစားသမား ဖိုးသော်မှာမူ ​လွတ်မြောက်ခြင်း မရှိသေးကြောင်း အားကစားနှင့် နီးစပ်သည့် အသိုင်းအဝန်းက ဆိုသည်။

Public Service Announcement

အာဏာသိမ်းစစ်ကောင်စီက ​မေ၃ ရက်တွင်အကျဉ်းထောင်၊ အချုပ်ထောင်နှင့် ရဲဘက်စခန်းများတွင် အကျဉ်းကျခံနေရသည့် ၅၀၅ (က)နိုင်ငံရေးအကျဥ်းသား ၂၁၅၃ ဦးကိုလွတ်ငြိမ်းခွင့်ပြုခဲ့​ကြောင်းထုတ်ပြန်သည်။သို့​သော် နိုင်ငံ​ရေးအကျဥ်းသားများကူညီ​စောင့်​ရှောက်​ရေးအဖွဲ့ (AAPP)က ​မေ ၅ ရက် ည​နေ ၅ နာရီအထိရရှိ​သောစာရင်းအရ ပြန်လွတ်​မြောက်သူ ၁၂၇၇ ဦးသာအတည်ပြုနိုင်​သေး​ကြောင်းထုတ်ပြန်သည်။

အဆိုပါလွတ်မြောက်လာသူများအနေဖြင့်နောက်တစ်ကြိမ် ပြစ်မှုကျုးလွန်ပါက ကြွေးကျန် ထောင်ဒဏ်ပါ ထပ်ပေါင်း ကျခံရမည် ဖြစ်ကြောင်း အာဏာသိမ်း စစ်ကောင်စီက ထုတ်ပြန်ထားသည်။