မိုးဗြဲတွင်တိုက်ပွဲပြင်းထန်ပြီး ဖုန်းနှင့်အင်တာနက်ပြတ်​တောက်​နေ

ရှမ်း-ကရင်နီ(ကယား)ဒေသအစပ် မိုးဗြဲမြို့တွင် စစ်ရေးပြင်းထန်နေပြီး ဖုန်းနှင့် အင်တာနက်လိုင်းများ ပြတ်တောက်နေကြောင်း ကရင်နီစစ်ရေးသတင်းရင်း မြစ်များက ပြောသည်။

ယမန်နေ့(ဇွန် ၄ ရက်)ညပိုင်းက မိုးဗြဲ မြို့တွင် တိုက်ပွဲ ဖြစ်ပွားပြီးနောက် စစ်ကောင်စီက လက်နက်ကြီး အများအ ပြားဖြင့် မြို့တွင်းသို့ ပစ်ခတ်ခဲ့ရာ မဟာဓာတ်အားလိုင်းပြတ်​တောက်မှု အပါအဝင် အရပ်သားထိခိုက်မှုများ နှင့် နေအိမ် ပျက်စီးမှုများ ရှိခဲ့သည်။

“တိုက်ပွဲက မနေ့က ည ၇ နာရီခွဲလောက်မှာ စဖြစ်တာ။သိပ်မကြာဘူးခမရ ၄၂၂ ဘက်ကနေ လက်နက်ကြီးနဲ့ တောက် လျှောက် ပစ်တယ်။မဟာဓာတ်အားလိုင်း ကြိုးတွေ ပျက်စီးသွားသလို အရပ်သား ထိခိုက်မှုတွေရှိတယ်”ဟု ကရင်နီစစ်ရေးသတင်းရင်းမြစ်က ပြောသည်။

လက်ရှိတွင် စစ်​ကောင်စီက ဖုန်းနှင့် အင်တာနက်လိုင်းများ ဖြတ်​တောက်ထား၍ ပြတ်တောက်နေသည်။

Public Service Announcement

ယမန်နေ့ ညပိုင်းတိုက်ပွဲအ​ခြေအ​နေအသေးစိတ်ကိုမူ ဒေသခံကာကွယ်ရေးတပ်ဖွဲ့များ နှင့်ဆက်သွယ်မရ​သေး၍ မသိရ​သေး​ပေ။

မိုးဗြဲ မြို့ကို အလုံးစုံထိန်းချုပ်နိုင်ရေး အတွက် လမ်းပိုင်းဆိုင်ရာ ပိတ်ဆို့ခြင်းများ နှင့် ကုန်သွယ်ရေး လမ်း ကြောင်းများကိုပါပိတ်ဆို့ရန် စစ်ကောင်စီက ကြံစည်လာသည်ဟု ကရင်နီတပ်ဖွဲ့ဝင်တစ်ဦးက အသိပေးသည်။

“တပ်တွင်းသတင်းတစ်ခုတက်လာတယ်။မိုးဗြဲ မြို့ကို စကစ ဘက်က အလုံးစုံ တိုက်ပွဲတစ်ခု လာတော့မယ်။ အဲဒါကြောင့် ဒီရက်ပိုင်းမှာ မိုးဗြဲ မြို့တွင်းထဲ ကို လက်နက်ကြီးတွေနဲ့ ရည်ရွယ်ချက်ရှိရှိ ထုနေတာလို့ ယူဆရတယ်။အရပ်သားတွေ ပြေးရင်ပြေး မပြေးရင်သေ ဆိုတဲ့ပုံစံမျိုး”ဟု ၎င်းက​ပြောသည်။

မိုးဗြဲတွင် စစ်ရေးအခြေအနေတင်းမာမှုများကြောင့် မိုးဗြဲကိုဖြတ်သန်းသွားလာသော ခရီးသွားပြည်သူများ နှင့် စစ်ဘေးရှောင်ပြည်သူများအနေဖြင့် မိမိ၏ လုံခြုံ ရေးကို အထူးဂရုပြုရန် မိုးဗြဲပြည်သူ့ကာကွယ်ရေးတပ် (MBPDF) ကမကြာသေးမီရက်ပိုင်းက ထုတ်ပြန်ထား သည်။

ယခုလ ၃ ရက်က မိုးဗြဲ မြို့ တွင်းသို့ စစ်ကောင်စီက ပစ်ခတ်သည့် လက်နက်ကြီးကြောင့် ပွဲကုန်း ၂ ရပ် ကွက် မှ ​ဒေသခံပြည်သူတစ်ဦးသေဆုံးကာ မိုးဗြဲ လမ်း မကြီးပေါ် တွင် ဆီဖြည့်နေသည့် ပြည်သူနှစ်ဦး ဒဏ်ရာရရှိခဲ့သည်။