Connect with us

Hi, what are you looking for?

LuduNwayOo

သတင်း

ခင်ဦးတွင် စစ်ကောင်စီတပ်နှင့်တိုက်ပွဲ ပြည်သူ့ရဲဘော်တစ်ဦး ကျဆုံး

ခင်ဦးမြို့နယ်တွင် စစ်ကောင်စီတပ်သည် ကျေးရွာ(၄၆)ရွာမှ နေအိမ် ၆,၀၀၀ခန့်အထိ မီးရှို့ဖျက်ဆီးခဲ့ပြီး မီးဘေးသင့်ပြည်သူ သုံးသောင်းကျော်အထိ ရှိလာ၍ အကူအညီများ လိုအပ်နေကြောင်း အဆိုပါအဖွဲ့က ပြောသည်။

(စစ်ကောင်စီတပ် မီးရှို့ဖျက်ဆီးသွားသည့် ရေအေးကုန်းရွာအား တွေ့ရစဥ်။ ဓာတ်ပုံ - ခင်ဦးမြို့နယ် သတင်းမှန်ပြန်ကြားရေးအဖွဲ့)
(စစ်ကောင်စီတပ် မီးရှို့ဖျက်ဆီးသွားသည့် ရေအေးကုန်းရွာအား တွေ့ရစဥ်။ ဓာတ်ပုံ - ခင်ဦးမြို့နယ် သတင်းမှန်ပြန်ကြားရေးအဖွဲ့)

စစ်ကိုင်းတိုင်း၊ ခင်ဦးမြို့နယ်တွင် စစ်ကောင်စီတပ်နှင့် တိုက်ပွဲအတွင်း ပြည်သူ့ရဲဘော်တစ်ဦးကျဆုံးခဲ့ရကြောင်း ဒေသတွင်းသတင်းရင်းမြစ်များက ပြောသည်။

ဇွန်လ ၉ရက်က ခင်ဦးမြို့နယ် ရေအေးကုန်းကျေးရွာ၌ ညအိပ်တပ်စွဲခဲ့ပြီး ဇွန်လ ၁၀ ရက် နံနက်တွင် ထွက်လာသော အင်အား ၁၀၀ကျော်ပါ စစ်ကောင်စီတပ်သည် သံဘိုကျေးရွာတောင်ဘက်တွင် မိုင်းထိပြီး ထိခိုက်သေဆုံးမှုများရှိကြောင်း ခင်ဦးမြို့နယ် သတင်းမှန်ပြန်ကြားရေးအဖွဲ့က ပြောသည်။

ထိုဖြစ်စဥ်တွင် ပြည်သူ့ကာကွယ်ရေးအဖွဲ့မှလည်း ရဲဘော်တစ်ဦး ကျဆုံးကာ နှစ်ဦး ဒဏ်ရာရရှိခဲ့ကြောင်း ဒေသကာကွယ်ရေးရဲဘော်များက ပြောသည်။

“သူတို့မိုင်းခွဲခံလိုက်ရပြီး လက်နက်ကြီးဆက်တိုက်ပစ်တယ်။ လက်နက်ကြီးက သုံးယောက်နားကိုကျတာ။ အဲဒီမှာရဲဘော်တွေ ထိတာပါ။ သူတို့ဘက်ကတော့ ကျတာကအပြုံလိုက်ကြီးကိုကျတာ။”ဟု ဒေသခံကာကွယ်ရေးရဲဘော်တစ်ဦးဖြစ်သူ ကိုနေသူရက ပြောသည်။

Public Service Announcement

Public Service Announcement

Public Service Announcement
Public Service Announcement

မိုင်းထိပြီးနောက် စစ်ကောင်စီတပ်သည် ရေအေးကုန်းရွာရှိ နေအိမ် လေးလုံးနှင့် စာသင်ကျောင်းဆောင်တစ်ဆောင်ကို မီးရှို့ဖျက်ဆီးပြီး နွား ခုနစ်ကောင်ကိုလည်း ပစ်သတ်ပြိးနောက် နွားအကောင် ၇၀ ကျော်ကို ဖိုလ်ကုန်း ပျူစောထီးရွာသို့ မောင်းသွားခဲ့ကြောင်း ခင်ဦးမြို့နယ် သတင်းမှန်ပြန်ကြားရေးအဖွဲ့က ပြောသည်။

အဆိုပါ စစ်ကြောင်းသည် ခင်ဦးမြို့နယ်အတွင်း ဇွန်၁ရက်ကစ၍ စစ်ကြောင်းထိုးနေကာ ပြီးခဲ့သည့် ဇွန်လ၆ရက်ကလည်း မိုးနတ်ကျေးရွာမှ နေအိမ် ခုနစ်လုံးကိုလည်း မီးရှို့ဖျက်ဆီးခဲ့သေးသည်။

ခင်ဦးမြို့နယ်တွင် စစ်ကောင်စီတပ်သည် ကျေးရွာ(၄၆)ရွာမှ နေအိမ် ၆,၀၀၀ခန့်အထိ မီးရှို့ဖျက်ဆီးခဲ့ပြီး မီးဘေးသင့်ပြည်သူ သုံးသောင်းကျော်အထိ ရှိလာ၍ အကူအညီများ လိုအပ်နေကြောင်း အဆိုပါအဖွဲ့က ပြောသည်။

ဆက်စပ်သတင်းများ

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။

သတင်း

ဇွန်လ ၁၅ ရက်ကလည်း တနင်္သာရီမြို့နယ်ရှိ အောင်သာဝစစ်ကောင်စီတပ်စခန်းကို KNLA၊ PDF ပူးပေါင်းတပ်များက တိုက်ခိုက်သိမ်းပိုက်ခဲ့သေးသည်။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

သတင်း

နှစ်ပေါင်း ၂၇ နှစ်ကြာတပ်စွဲထားသည့် အဆိုပါ စခန်းကို မတိုက်ခိုက်ခင်ကတည်းက လက်နက်ချရန် အကြောင်းကြားခဲ့သော်လည်း လက်နက်ချခြင်းမရှိ၍ ယနေ့ (ဇွန်လ ၁၄ရက်)နံနက်တွင် ထိုးစစ်ဆင်ခဲ့ရာ နေ့လယ် ၁၂နာရီတွင် သိမ်းပိုက် နိုင်ခဲ့သည်ဟု ဆိုသည်။