နေပြည်​​​တော် ကုတင်တစ်​ထောင်စစ်​ဆေးရုံတွင် ​ခြေလက်ပြတ်၍ကု​နေရ​သောစစ်သားနှစ်လအတွင်း ၂၀၀ ​ကျော်ဟုဆို

နေပြည်တော်ကုတင်(၁,၀၀၀) စစ်ဆေးရုံတွင် စစ်​ကောင်စီတပ်သားများခြေလက်ပြတ်၍ ကုသနေရသူ နှစ်လအတွင်း ၂၀၀ ကျော်ရှိကြောင်း တပ်တွင်းသတင်းရင်းမြစ်က ပြော သည်။

အထူးသဖြင့် ရှမ်းပြည်နယ်​တောင်ပိုင်း နှင့်ကရင်နီ (ကယား)ပြည်နယ်အတွင်း စစ်ဆင်ရေးဝင်နေသည့် စစ်ကောင်စီ တပ်သားများဖြစ်ကာ ဒရုန်းဖြင့် တိုက်ခိုက်ခံရမှုကြောင့် ထိခိုက်မှုများနေခြင်းဖြစ်​ကြောင်းသိရသည်။

“နေပြည်တော်လိုအခြေစိုက်တဲ့စစ်ဆေးရုံတစ်ခုသည် ပုံမှန်ကာလတွေမှာ အရေးပေါ်(EA Transfer)အဖြစ်သာလွှဲပြောင်းပေးရသောအထက်ဌာနတစ်ခုဖြစ်ပြီး အောက်ဌာနေဆေးရုံငယ်များအနေဖြင့်တောင်မရှူနိင်မကယ်နိုင်ဖြစ်နေရသော မင်းအောင်လှိူင်တပ်ဖွဲ့ဝင်များကိုကြည့်ခြင်းအားဖြင့် “နေပြည်တော်မှရင်ခုန်သံ”ကိုကြားရခြင်းပင်ဖြစ်ပါတယ်”ဟု CDM ဗိုလ်ကြီး သာထက်ဥာဏ်က သုံး သပ်သည်။

ထို့အပြင်ခြေလက်ဖြတ်တောက်ရသည့် စစ်ကောင်စီ တပ်သားများ၏ ထောက်ပံ့ စရိတ်ကိုပင် အထက်အရာရှိအဆင့်ဆင့်ဖြတ်တောက်ခံနေကြရသည်ဟု လည်း တပ်တွင်းသတင်းရင်းမြစ်က ဆိုသည်။

Public Service Announcement

“စစ်ကောင်စီစခန်းတွေကိုဝင်စီးတဲ့အခါ ဒါမှမဟုတ်တိုက်ပွဲတွင်း တိုက်တဲ့အခါ နဲ့ သူတို့အခြေစိုက်တပ် တွေကို တိုက်ခိုက်ရေးမှာ နည်းပညာအရ ကျွန်တော်တို့ တွေ အသာစီးရနေ တာက ဒရုန်းနဲ့ တိုက်ခိုက်ရေးဖြစ်တယ်။အဲဒါ ကို ဖိဖိစီးစီး နဲ့ ဒီထက်ပိုကောင်းအောင် ဆက်လုပ်နိုင်ဖို့ ကြိုးစားနေတဲ့ အပိုင်းမှာ လိုအပ်ချက်တွေကတော့ရှိနေတာပေါ့ ။အထူးသဖြင့် ဘဏ္ဍာရေးပိုင်းပေါ့။ဒါကိုလည်း မိဘပြည်သူတွေရဲ့ အားနဲ့ ရှေ့ဆက်နိုင်မယ်လို့ ယုံကြည်တယ်”ဟု ဒီးမော့ဆိုမြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူက ပြောသည်။

လက်ရှိ ဖယ်ခုံ၊မိုးဗြဲ တွင် တိုက်ပွဲများမကြာခဏ ဖြစ်ပွားနေပြီး ကရင်နီပြည်နယ် ဘောလခဲခရိုင်ရှိ ရွာသစ်၊ဖားဆောင်းနှင့် မယ်စဲ့ တိုက်ပွဲများမှာ ပြင်းထန်နေသည်။

ဇွန်လ အတွင်းက ကရင်နီ(ကယား)ပြည်နယ်တိုက်ပွဲများ၌ စစ်ကောင်စီတပ်ဖွဲ့ဝင်(၅၀)နီးပါး သေဆုံး ကြောင်း ကရင်နီအမျိုးသားများကာကွယ်ရေးတပ် KNDF ကထုတ်ပြန်ထားသည်။

လွိုင်ကော်၊ ဒီးမော့ဆို နှင့် ရှားတောတို့တွင် တိုက်ပွဲငယ်များ ဖြစ်ပွားခဲ့ပြီး၊ မယ်စဲ့၊ ဖားဆောင်း နှင့် ရွာသစ်မြို့ နယ်များတွင် ထိတွေ့တိုက်ပွဲများပြင်းထန်ခဲ့သည်။ ရှမ်းပြည်နယ်တောင်ပိုင်း မိုးဗြဲ နှင့် ဖယ်ခုံတို့တွင်လည်း ထိတွေ့တိုက်ပွဲများဖြစ်ပွားခဲ့ခြင်းဖြစ်သည်။