မွန်ပြည်နယ်၊ သံဖြူဇရပ်မြို့နယ်မှာ ပြီးခဲ့တဲ့ ၂ ရက်အတွင်း တိုက်ပွဲဆက်တိုက်ဖြစ်ပွားရာ ၂ ဖက်အကျအဆုံးရှိတယ်လို့ ကျားဖြူစစ်ကြောင်းက ဒီနေ့မှာ ဖော်ပြပါတယ်။
တိုက်ပွဲဟာ ဇူလိုင်လ ၂၂ ရက်နဲ့ ၂၃ ရက်နေ့တွေမှာ ဖြစ်ပွားတာပါ။ ဇူလိုင်လ ၂၂ ရက်မှာ သံဖြူ ဇရပ်မြို့နယ် ၊ဝဲဝန်းကျေးရွာထဲကို စစ်ကြောင်းထိုးလာတဲ့ စစ်တပ် နဲ့ စတင်တိုက်ပွဲဖြစ်ပွားတယ်လို့သိရပါတယ်။
အဲဒီနေ့က တိုက်ပွဲမှာ စစ်ကောင်စီဘက်က ၁ ဦးကျပြီး ၁ ဦးဒဏ်ရာရတယ်လို့ ကျားဖြူစစ်ကြောင်းကဆိုထားပါတယ်။
နောက်ရက် ဇူလိုင်လ ၂၃ ရက် မနက်၆ နာရီက စတင်ပြီး သံဖြူ ဇရပ်မြို့နယ် ၊အထက်ငှက်ပျော်တော ရွာ မှာ စစ်ကောင်စီတပ်နဲ့ ထပ်မံထိတွေ့တိုက်ပွဲဖြစ်တယ်လို့ကျားဖြူစစ်ကြောင်းရဲ့စစ်ရေးသတင်းဖော်ပြချက်မှာတွေ့ရပါတယ်။
Public Service Announcement
အဲဒီတိုက်ပွဲမှာတော့ စစ်ကောင်စီဘက်က ၄ ဦးကျသလို ပူပေါင်းတပ်ဘက်က တပ်ဖွဲ့ဝင် ၂ဦး ကျဆုံံးခဲ့ရတယ်လို့ ကျားဖြူစစ်ကြောင်းက အသိပေးထားပါတယ်။
