ဘာသာရေးအဆောက်အဦးနှင့် ပြည်သူနေအိမ် များပျက်စီးခဲ့ဟု အသိပေး
ကရင်အမျိုးသားအစည်းအရုံး(KNU) တပ်မဟာ (၂) ၊ တောင်ငူခရိုင် သံတောင်ကြီး(ဒေါ်ဖခို)မြို့နယ် ယာဒိုဒေသ၌ ဇူလိုင် ၁၁ရက်မှ ယမန်နေ့ (ဇူလိုင် ၂၃ရက်)အထိ တိုက်ပွဲများအပြင်းအထန် ဖြစ်ပွားခဲ့ကြောင်း KNU တောင်ငူခရိုင်က သတင်းထုတ်ပြန်သည်။
၁၃ရက်ကြာတိုက်ပွဲအတွင်း နှစ်ဖက်ထိခိုက်ကျဆုံး အခြေအနေကို ဖော်ပြထားခြင်းမရှိသော်လည်း စစ်ကောင်စီတပ်က လေကြောင်းတိုက်ခိုက်မှု အကြိမ်ပေါင်းများစွာ ပြုလုပ်ခဲ့ကြောင်း အသိပေးထားသည်။
တိုက်ပွဲဖြစ်ပွားမှုနှင့်ပတ်သက်၍ KNU တောင်ခူခရိုင် တာဝန်ရှိသူအချို့နှင့် တပ်မဟာ(၂) စစ်ဘက် အရာရှိ အချို့ထံဆက်သွယ်ခဲ့သော်လည်းအဆက်အသွယ်မရပေ။
၁၃ရက်ကြာတိုက်ပွဲ ဖြစ်ပွားချိန်တွင် စစ်ကောင်စီတပ်ဖက်မှ လေယာဉ်ဖြင့် ဇူလိုင် ၁၂ ရက်တွင် နှစ်ကြိမ်၊ ဇူလိုင် ၁၈ရက်တွင် ခုနစ်ကြိမ်၊ ဇူလိုင် ၂၂ရက်တွင် ၁၃ကြိမ်၊ ဇူလိုင် ၂၃ရက်တွင် ၁၁ကြိမ် လေကြောင်းတိုက်ခိုက်ခဲ့ကြောင်း၊ ယာဒိုဒေသ ဝါသောခိုကျေးရွာနှင့် တပ်ကုန်းကျေးရွာများ ကိုဗုံးကြဲတိုက်ခိုက်ခဲ့ရာ ခရစ်ယာန်ဘာသာရေးအဆောက်အဉီး နှစ်လုံး၊ ပြည်သူလူထုအိုးအိမ် အလုံး ၂၀ထက်မနည်း၊ စပါးကျီ တစ်လုံး၊ လယ်ယာမြေနှင့် စိုက်ပျိုးပင်များ ပျက်စီးဆုံးရှုံးခဲ့ကြောင်း တောင်ငူခရိုင်က အသိပေးထားသည်။
Public Service Announcement
လက်ရှိအချိန်တွင် ယာဒိုဒေသသခံပြည်သူ ၂,၀၀၀ကျော် စစ်ဘေးတိမ်းရှောင်နေရပြီး စားနပ်ရိက္ခာနှင့် ဆေးဝါးများနှင့် ခိုလှုံနေထိုင်ရန်အဆောက်အဦးများ အရေးပေါ်လိုအပ်မှုများလည်းရှိနေကြောင်း ထုတ်ပြန်ခဲ့သည်။
